ملاكى نحس الانحاس المنحوس البارت السادس

اليوم العاشر ( لاتتجاهلينى )

غادة صحيت فى ميعادها اول حاجة بصت عليها كان تليفونها ملقتش اى جديد جهزت وراحت على شغلها 

معاد الشغل خلص ومكملة شغل ومخدتش بالها ومكملة شغل

والدة ليتوك : جادة التايم خلص مش هتروحى ؟

غادة : هروح اعمل ايه هو حضرتك قاعدة شوية ؟

والدة ليتوك : اه

غادة : خلاص هروح اجيب اكل ناكل سوا بدل ما باكل لوحدى وانتى مبتاكليش خالص وده غلط على صحتك ممكن يجيلك لومباجو ولا حاجة 

والدة ليتوك : يووووه انتى لسة فاكرة ده انا عندى لومباجو وعرق نسا وفى شهر 11 هيجيلى التهاب المفاصل يلا روحى جادة ومش تتأخرى 

غادة : جادة برضو غادة غغغغغادة يا ست ام ليتوك هتشلينى 

والدة ليتوك : ههههههه اراسو يا ...

غادة : يا ايه ها 

والدة ليتوك : يا جادة :P

غادة : ابو شكلكوا بقى عيلة واتشية صحيح

والدة ليتوك : بتقولى ايه ؟

غادة : بقول ابو شكلكوا عيلة واتشية صحيح

والدة ليتوك : اه بحسب 

غادة : عاااااااا حتى الغتاتة وراثة اووف انا هروح قبل ما ارتكب جناية فيكى انتى وابنك

راحت غادة تجيب الاكل

والدة ليتوك بعد ما مشيت : طيبة اوى غادة دى :P

ليتوك جه : انيو اوما غادة فين ؟

والدة ليتوك : جاى عشان غادة مش عشانى يا واتشى عالعموم راحت تجيب اكل

ليتوك : راحت تجيب منين اروحلها 

والدة ليتوك : اقعد استناها هى قريب من هنا 

قعد شوية وغادة جت اتفاجأت اول ما لقيته بس دخلت وتجاهلته 

غادة : اجوما يلا الاكل هيبرد

والدة ليتوك : يلا يا تيوكى 

ليتوك بعصبية : مش جعان

غادة فى سرها : عنك ما اكلت احسن 

امه راحت مسكت خدوده : انت هتمثل شكلك جعان وبطابيط بطنك بتنهق يلا قوم 

شدته من ايديه وقعدته وفضل حاطط هو وغادة عنيهم فى الاكل ومبصوش لبعض وامه عمالة تتفرج عليهم لحد ما خلصت وقامت وسبتهم

ليتوك طلع مفتاح وورقة وحطهم قدامها : ده عنوان ومفتاح البيت بتاعى بقالى كتير مروحتش ومحتاج يتنضف بكرة تروحى تخلصيه عشان هبات فيه بكرة 

مردتش عليه قامت شالت الاكل وخدت الورقة والمفتاح 

ليتوك اتعصب من تجاهلها قام خرج ورزع الباب وراه 

والدة ليتوك خرجت على صوت الباب : جادة فيه ايه ؟

غادة : مش عارفة 

والدة ليتوك : انا مش مطمنة انتى فى بينك وبين ليتوك حاجة اتكلمى بصراحة 

غادة ضحكت بحسرة : اطمنى مفيش ولا يمكن هيبقى فيه انا مجرد خدامة عند ابنك

والدة ليتوك بصدمة : خدامة ؟!!

غادة : اه خدامة امال فلوسك دى دفعها كدة بدون مقابل اى حاجة بيطلبها بعملها 

والدة ليتوك : انا هكمله يسيبك فى حالك كفاية كدة 

غادة : انيا اجوما ده حقه هو مدفعش شوية بعد اذنك انا هروح الوقت اتأخر 

روحت نامت وانتهى اليوم العاشر

اليوم الحادى عشر ( ملاك فى بيتى )

ومن النجمة قامت غادة عشان تلحق تخلص تنضيف البيت قبل معاد شغلها 

نزلت شوية ووصلت البيت لقيته جميل اوى من برة زى البيوت فى افلام الكرتون 

اول ما فتحت الباب لف وارجع تانى البيت كان مقلب زبلة اول ما لقت المنظر كدة اتصلت بوالدة ليتوك وقالتلها انها مش هتيجى الشغل النهاردة 

شمرت كمامها ورجل البنطلون وبدأت المعركة فضلت تنضف 6 ساعات متواصلة لحد ما خلت البيت بيبرق

قعدت ترتاح شوية

غادة : اه يا اما ده ولا بيت جحا انا جوعت اوى اما اقوم اشوف حاجة اكلها فى الدولاب 

راحت تفتح التلاجة لقتها صحراء 

غادة : عاااااااااا ايه ده مفيش بوء مية حتى يقطعنى مش كنت جبت البت ويل تقعد فى التلاجة بدل ما كل واحد فيهم قاعد لوحده كدة 

قررت تروح السوبر ماركت راحت ولمت اى حاجة تقابلها قدامها روحت وعملت اكل كتير وقررت مش هتاكل قبل ما يجى المحروس

قعدت تتفرج على التليفزيون نامت مكانها من التعب 

ليتوك جه متأخر اول ما دخل البيت افتكر انه دخل بيت غلط فضل يتأكد ان هو البيت فعلا

ليتوك : اه والنبى ده هو بيتنا بس مستحمى حمية العيد

دخل لقى غادة نايمة مصدقش انها نفذت اللى طلبوا منها وانها خلت البيت بالجمال ده 

قعد على الكرسى اللى قدامها وفضل يتأمل فيها وهى نايمة لحد ما حس بيها بتصحى 

نزل على الارض عمل انه بيدور على حاجة 

غادة : ايه ده انت بتعمل ايه ؟

ليتوك : بصطاد سمك هكون بعمل ايه بدور على البتاع ده اللى وقع منى 

غادة : بتاع ايه ؟

ليتوك : بتاع ايه اه سؤال  وجيه اى بتاع وخلاص انتى مالك انتى وبعدين ايه اللى قعدك لحد دلوقتى ؟

غادة : مستنية سعادتك اى خدمات اخرى ؟

ليتوك : تشكر يا ذوق

      غادة : انا اشتريت اكل من السوبر ماركت ابقى روح ادفع الفاتورة بدل ما تتقفش يا خفيف

ليتوك : وانا مال اهلى انتى تاكلى وانا ادفع

غادة : اهدى يا عم البوتجاز ده اكل جيبته للتلاجة الفاضية دى وطبخت مفتاحك فى جيبك اكلك فى تلاجتك سامو عليكوا انا بقى 

ليتوك : رايحة فين ؟

غادة : هروح

ليتوك : كلى معايا 

غادة : شبعانة 

جت تمشى ليتوك : انتى هتفضلى كدة لحد امتى ؟

غادة : كدة ازاى يعنى ؟

ليتوك : اتعصبت عشان كنت خايف عليكى اجرمت 

غادة الكلام جمدها شوية بس اتكلمت ببرود : انا مهمكش فى حاجة عشان تخاف عليا انا خدامة عندك مش اكتر بعد اذنك الوقت اتأخر

ليتوك مسك ايدها : قلت هتاكلى الاول

غادة فلتت ايديها منه وبصوت عالى : قلت مش هطفح

خرجت ورزعت الباب وراها وليتوك مصدوم من تصرفاتها فضل يخبط فى اى حاجة تقابله ودخل نام 

اما غادة فضلت تعيط طول الطريق لحد ما وصلت الفندق وفضلت سهرانة للصبح وانتهى اليوم الحادى عشر

اليوم الثانى عشر ( تحت المطر )

الصبح طلع وغادة لسة صاحية اما ليتوك لسة نايم على غير عادته 

غادة قامت تلم شنطتها وقررت توقف المهزلة دى مش هتقدر تربط نفسها بيه اكتر من كدة قررت انها هتضيع اليوم ومش هتشوفه مهما يتصل بيها مش هترد عليه لحد ما يخلص اليوم وتفشل مهمتها وترجع تانى 

الاتنين كل واحد فيهم حابس نفسه فى اوضته سرحانين لا اكل ولا شرب كأنهم تماثيل

غادة فضلت كدة لحد ما نامت اما ليتوك قرر يخرج

عدى الوقت والساعة دلوقتى 11 بس ساعة وكل حاجة هتتهد وهى لسة نايمة لحد ما صحاها تليفونها 

قامت متعصبة ومن غير ما بتص على التليفون : مش هرد يعنى مش هرد

التليفون مازال بيرن قررت تتاكد اذا كان هو ولالا بصت فيه لقت رقم غريب ردت 

غادة : يوبو سايو 

المتصل : جادة شى 

غادة : ديه 

المتصل : حضرتك تعرفى الايدول ليتوك 

غادة بقلق : ديه حصل ايه ؟!!

المتصل : ......................

اتحفونى بقى بتوقعاتكوا اللى هيعرف ليتوك حصله ايه ليه مفاجأة عندى ياخدها البارت القادم 

& ماذا عن رأيكوا فى هذا البارت