ملاكى نحس الانحاس المنحوس البارت الثامن

ليتوك بعد ما خلص وصلة الرقص ورا الباب

راح فتح الباب واذ به يلاقى غادة بشنطة هدومها وحيواناتها
ليتوك : ااااش بقى مش هعرف انام من ام الباب والتليفون كل شوية رن رن عايزة ايه يا ست انتى ( اه يا واتشى )
غادة : انا جاية اطلب منك خدمة 
ليتوك : مفيش اوضة فاضية عندى زى ما انتى شايفة يعنى الضيوف مقطعين بعضيهم على مكان ده حتى هنام على الارض
غادة بتضحك من كحك لكحك : وحد قالك انى عايزة اقعد عندك يا كائن
ليتوك : امال عايزة ايه يا كائنة ؟
غادة : ممكن تكلم والدتك تخلينى ابات فى المحل وهتنازلها عن اجرى 
ليتوك : وتباتى ليه فى المحل ؟
غادة : الفندق عايز فلوس عشان اجدد اقامتى مقدما وانا مش معايا عملت مغادرة وبقيت فى الشارع والحمد لله 
ليتوك : امى مستحيل توافق كان فى واحدة قبلك طلبت نفس الطلب وموافقتش 
غادة :  يالهوى عليا وعلى سنينى 
ليتوك : امممم انا ممكن اتفضل واتكرم واتعطف واسيبك تعيشى هنا 

غادة : انت اهبل ولا شكلك كدة اقعد معاك فى بيت واحد ازاى يعنى
ليتوك : ده على اساس انى هاكلك يعنى ده انا خايف على نفسى منك 
غاجة : خلاص خلاص انا هتصرف 
ليتوك : براحتك انا طلعت جيركن مان وكنت هأويكى بس يلا بشوقك
غادة بصتله بقرف وخدت شنطتها ونزلت اما ليتوك قفل الباب وجرى على الشباك يبص عليها لقاها قعدت على الرصيف
ليتوك : باااااااابو
غادة : هعمل ايه ياربى دلوقتى يارب ابعتلى مايكل 
عدى واحد سكران : قاعد لوحدك ليه يا جميل
غادة : هو ده مايكل هش يا عم انت من هنا 

الراجل قعد جنب غادة 
غادة قامت : انت عايز ايه يا عم انت 
ليتوك نزل شال شنطتها وسحبها من ايديها وطلعوا البيت
غادة : انت بتعمل ايه ؟
ليتوك فتح ايديها وحطلها مفتاح شاورلها على اوضة : خشى واقفلى على نفسك طالما مش واثقة فيا 
غادة : انت مشغلنى عندك عشان اباجورة هتدينى اوضة فى بيتك مقابل ايه ؟
ليتوك : امممم انا مبعرفش اطبخ عجبنى الاكل اللى عملتيه اخر مرة هتبقى الطباخة بتاعتى 
غادة : اذا كان كدة ماشى 
ليتوك : ايه كل الشنط وايه القفص ده 
غادة : امال هحط الكلاب و السلاحف و السمك و القرد فين يلا سلموا على عمو يا ولاد 
ليتوك : نعععم يا عمر حيوانات كمان مش كفاية انتى لا وجايبالى حيواناتك كمان 
غادة : تفوا على عمو يا عيال يا عم دول مش بتوعى دول هدايا البنات للسوجو 
ليتوك شاف زلعة المش راح قعد جنبها : الله سو كيوت الفازة دى 

غادة : ههههههههه فازة قلت احول حدش صدقنى دى زلعة المش يا بابا كخ ابعد عنها 
ليتوك : نعم ؟
غادة : الزلعة هى اناء مصنوع من الفخار واللى فيها جبنة قديمة سبتها لحد ما عفنت وبعد كدة هاكلها المطبخ منين بقى عشان اشلها 
ليتوك : مطبخ ايه دى ترميها فى الزبالة 
غادة : زبالة مين با عم ايش فهمك انت فى الاكل خليك فى اكلك انت ملكش دعوة بيها مش هتقدر عليها اصلا
دخلت الزلعة المطبخ وخدت شنطتها والحيوانات دخلت الاوضة وقفلت على نفسها اول ورااحت فى سابع نومة 
اما ليتوك فضل قلقان طول الليل ومتوتر وخد وقت عقبال ما نام وانتهى اليوم الرابع عشر

اليوم الخامس عشر ( زلعة المش )

ليتوك كالعادة قايم من صباحية ربنا مع انه كان سهران وغادة لسة متأخرة مع انها نامت بدرى
خرج لقى الباب لسة مقفول فضل قاعد مستنيها ساعة واتنين وتلاتة ولسة الهانم فى سااابع نومة
ليتوك : هى نايمة دى ولا مقتولة انا جعان اوى 
قرر يخبط عليها يصحيها فضل يخبط نص ياعة ومفيش اى رد 

ليتوك : يالهوى ليكون حصلها حاجة اكسر الباب ولا اهبب ايه 
وبعد مشاورات مع نفسة نص ساعة كمان قرر اخيرا يكسر الباب 
فضل يخبط نفسه على الباب عشان يتكسر غادة فاقت والحمد لله 
غادة : يالهوى ايه ده زلزال

ليتوك من برة : يخربيتك انتى لسة عايشة
غادة : اه يا اخويا وكابسة على نفسك عايز ايه الساعة دى ؟
ليتوك : بقالى ساعة بخبط على الباب ولسة فايقة حضرتك من الغيبوبة قومى يا مقتولة انا جعان
غادة اتغطت تانى وكملت نوم
ليتوك : غادة انتى يا حاجة بقولك جعان
غادة : خخخخخخ

ليتوك : والله ماشى لما تتطلعى بس والنبى لارميكى انتى وحيواناتك دى فى الشارع
راح المطبخ فتح التلاجة وطلع شوية حاجات احتاس بيهم ومش عارف يعمل ايه 
ساعات وصحيت البرنسيسة بالسلامة فتحت باب الاوضة بالراحة وطلعت دماغها منه عشان تشوفه فين ملقتهوش خرجت لقيته قاعد قدام التليفزيون بيتفرج على فيلم رعب واخر انشكاحة
غادة : صباح الخير
ليتوك : وانتى من اهله
غادة : ابتدينا نستظرف هاكل احضرلك معايا 
ليتوك : لا انا كلت لسة هستنى جنابك لما تصحى 
غادة : احسن برضو 
راحت على المطبخ تدور على زلعة المش ملقتهاش قامت مصوتة ورايحاله
غادة : زلعة المش فين ؟
ليتوك : ما خلاص بقى 
غادة : خلاص ايه رمتها ؟
ليتوك : اه رمتها فى بطنى 

غادة : انت هتهزر فين الزلعة ؟
ليتوك : فى اوضتى غسلتها وعلقتها على الحيطة 

غادة : يا مصيبتى غسلت المش
ليتوك : لا طبعا وانا غبى انا كلته طبعا

غادة فتحت بوقها من الصدمة : بتقول ايه كلته ؟!!!

نطت جنبه فضلت تجس فى حرارته
غادة : انت تعبان حاسس  بأى حاجة 
ليتوك باستغراب : هو البتاع ده مسموم ولا ايه ؟

غادة : لا مش مسموم بس كتير كلتها كلها يا مفترى مسبتليش لحسة حتى 
ليتوك : معلش بقى يا جادة اصل كنت جعان اوى وانتى مش راضية تعمليلى اكل
غادة : جادة اهى الاعراض اشتغلت اهى الله ينور اشكو اليك يارب
ليتوك طنش كلامها  وقضى يومه عادى وغادة لازقة قدامه مش راضية تشيل عنيها من عليه وهو عامل نفسه مش شايف شوية وزهق قام ينام وهى كمان قامت تنام
شوية وعطشت قامت تجيب الماية من التلاجة فتحت الباب شربت وقفلته لقت اللى فى وشها اتخضت من منظره كان عرقان اوى ومش قادر يفتح عنيه 
غادة : يخربيتك قلبى وقف عايز ايه من هنا جعان ؟
ليتوك بيتكلم بصوت مش مسموع : عايز اشرب 
غادة : ايه ؟
ليتوك : عايز اش ( واغمى عليه وقع على كتفها قدرت تسنده بس كان تقيل عليها فضلت تحاول لحد ما وصلته اوضته نايمته على السرير وجست حرارت لقته مولع فضلت تعيط وجريت بسرعة ولبست بسرعة ونزلت تجيب دكتور من حسن الحظ جار ليتوك دكتور اول ما شاف غادة بشكلها ده سألها مالها حكتله اللى حصل وخدته معاها البيت )
الدكتور : متقلقيش حرارته مرتفعة واخد دور برد يمشى على العلاج ده ويتعمله كمادات وهيبقى كويس
غادة : يعنى اللى حصله ده مش بسبب المش ؟
الدكتور : مش ههههههه مش ايه ؟ 
غادة : لا متاخدش فى بالك كوماوا يا دكتور
وصلت الدكتور وراحت جابت الكمادات وفضلت تحطها لليتوك لحد ما حرارته نزلت جابت كرسى وفضلت قاعدة جنبه طول الليل 
نهاية اليوم الخامس عشر

اليوم السادس عشر ( ملاكى العنيد )
ليتوك فاق الصبح لقى غادة ماسكة ايديه وساندة راسها على السرير وفى سابع نومة فضل يحاول على قد ما يقدر ميتحركش عشان متصحاش فضل يتفرج عليها لحد ما حس بيها بتصحى عمل نفسه نايم
صحيت فضلت تجس حرارته لقته بقى كويس راحت تروق البيت وتعمله الاكل
خلصت الترويق وراحت على المطبخ تحضر الاكل جت تلف لقته فى وشها 
غادة : عااااااااا ( وقعت الاطباق من ايديها )
ليتوك : عااااااا فى ايه ؟

غادة : فى حد يطلع لحد كدة فجاة كانت هتجيلى سكتة قلبية 
ليتوك : هبقى اجيب ميكرفون اذيع فيه احسن عن قدومى قبلها 
غادة : اتريق اتريق محدش هيشيل الهم ده غيرى 
وطت تلم اللى اتكسر 
ليتوك : سيبيه بدل ما يعورك هلمه انا 
غادة طنشته ليتوك وطى مسك ايدها بعصبية : مش قولت سيبيه

سكتت وقامت بصت على صوباعها لقت بيخر دم قام يرمى اللى اتكسر لقاها متوترة ومخبية ايديها راح مسك ايديها شدها شاف صوباعها جرى جاب قماشة ربط صوباعها 
ليتوك : يلا بسرعة نروح مستشفى
غادة : مستشفى ايه دى تعويرة بسيطة 
ليتوك بعصبية : مفيش فايدة فيكى 
سابها ومشى 
غادة : اااش انا عملت ايه بقى 
كملت الاكل خلصته وحطته على الترابيزة 
غادة بصوت عالى : الاكل جاهز 
مفيش رد
كررت تانى وبرضو مفيش رد
راحت اوضته خبطت على الباب فتحلها 
ليتوك بعصبية : يا نعم 
غادة : الاكل جاهز
ليتوك : مش واكل
غادة : انت مش كلت حاجة النهاردة وفى علاج لازم تاخده 
ليتوك : ملكيش دعوة
لسة هيقفل الباب مسكت الباب 
ليتوك : عايزة ايه تانى ؟
مسكت ايديه وسحبته مرة من نفسها لحد الاكل
غادة : كلى الاول وبعد كدة اعمل اللى عايز تعمله فيا
جت تمشى : رايحة فين ؟
غادة : هسيبك تاكل براحتك 
ليتوك : كلى معايا
غادة : مش جعانة
ليتوك : خلاص مش واكل 
غادة : ايه لعب العيال ده ؟
ليتوك : انتى اللى بدأتى هتاكلى ولا اقوم ؟
غادة قعدت : هطفح
ليتوك كتم ضحكته وابتدا ياكل : انا عايز اعزم اصحابى هنا بكرة تقدرى تقومى بالعزومة ولا ناكل برة ؟
غادة : يعنى مش كفاية انت هتجيبلى اصحابك كمان هم كام واحد ان شاء الله ؟
ليتوك : 14 وانا 15 وانتى مش ضرورى بقى 
غادة : نعمممم يا اخويا ليه عازم المنتخب ؟
ليتوك : لا عازم الاعضاء 
غادة قامت  تجرى 
ليتوك : رايحة فين ؟
غادة : هحضر للعزومة قولى بقى بيحبوا المحشى ولا المكرونة البشاميل اكتر و اقولك هعمل الاتنين اعمل ملوخية هعمل ملوخية وو ايه تانى اه عرفت
 ليتوك : جتك اوه قوام وافقتى كل ده عشان المحروس اوباتك طبعا 
غادة : يا عم قلتلك انا الفية افهم بقى متعطلنيش بقى يلا العواف عليك ( وجريت )
    ليتوك فى نفسه : بكرة هعرف مين اللى فى قلبك 

نهاية اليوم السادس عشر 

يا ترى الشد والجذب ده هيخلص ولا ايه ومين اللى فى قلبها قال يعنى احنا مش عارفين 
هنشوف ايه اللى هيحصل واليوم السابع عشر بعنوان فى بيتنا سوجو =D

كل واحدة تجهز التسالى بقى وتيجى تقعد جنب اوباتها الدعوة عامة وعالله حد يمد ايده على الاكل قبلى