ملاكى نحس الانحاس المنحوس البارت العاشر

     


غادة كانت ساندة على الحيطة حط ايده على الحيطة واتحشرت بينه وبين الحيطة 
ليتوك بابتسامة خبث : ومين هو استايلك بقى ؟

غادة اتجمدت شوية فاقت شوية داست على رجله وجررريت
ليتوك مسك رجله وفضل يتنطط : اااااع
غادة : نيهاهاهاها احسن اللى يجى عليا لا عمره هيكسب ولا هيربح
ليتوك جرى وراها دخلت المطبخ : لو قربت منى هلم عليك الناس
ليتوك بعصبية : انا نفسى افهم اشمعنا انا اللى بتعاملينى كدة 
غادة : وانا بعاملك ازاى يعنى انا بعاملك عادى عايزنى اعاملك ازاى ؟
ليتوك : ممكن افهم انا ايه بالنسبة لك 
غادة ببرود : انت واحد انا مدينة له بفلوس كتير ووجودى معاك عشان اسدد دينى اول ما يخلص هتنتهى علاقتنا وترتاح منى
ليتوك : انتى شايفة كدة يعنى ؟
غادة ببرود : اه
ليتوك بغضب : دينك انتهى من النهاردة انتى حرة وده مش معناه انى بطردك من البيت تقدرى تقعدى براحتك لحد ما ترجعى بلدك انا كدة كدة كنت هرجع بيت اهلى بالليل 
سابها ودخل اوضته نزلت دمعة من عنيها مسحتها بسرعة : ميانيه اوبا مش بأيدى 

مقدرتش تمنع نفسها فضلت تبكى راحت تغسل وشها فتحت الماية على السخن وحطت ايدها اليمين بس عشان تضبط الماية
نسيت نفسها وسرحت وهى بتعيط والماية عمالة تنزل على ايديها وهى مش حاسة بأيديها اللى بتتلسع
ثوانى وحست بالالم صرخت

ليتوك سمعها جرى لقاها ماسكة ايديها وبتعيط
اتفزع وراح مسك ايديها : ايه ده ايه اللى حصل ؟
سحبت ايديها من ايده : لا مفيش حاجة ده لسع بسيط مياينه ازعجتك
ليتوك : يلا نروح المستشفى
غادة : مفيش داعى دى حاجة بسيطة انا متعودة على كدة
ليتوك بعصبية وصوت عالى : اسمعى كلامى مرة واحدة بس حرام عليكى اللى بتعمليه فيا ده لو سبتيها كدة هتسيب ندبة
مقدرتش تمثل اكتر من كدة : هروح اغير
فضل مستنيها لحد ما خلصت خدها وراحوا المستشفى فضلت طول الطريق مرقباه فى مراية العربية وهو متعصب ومش قادرة تقوله اى حاجة 
وصلوا ودخلوا للدكتور شاف ايديها حطلها شوية ادوية وربطلها ايديها
الدكتور : مش تقلقى خالص لسع بسيط تمشى على الكريم ده وتغيرى الربطة دى كل يوم مرتين لمدة اسبوع بانتظام والا ممكن يسيب ندبة
ليتوك : اراسو دكتور كوماوا
غادة : بس دى ايدى اليمين ازاى هفضل ربطاها كدة واشتغل انا مبعرفش اشتغل بالشمال
الدكتور بص لليتوك : جوزك يساعدك 
غادة : ده مش جوزى انت متعرفش ده مين ؟
الدكتور : اه اسف افتكرته جوزك من خوفه عليكى
ليتوك بص لغادة عشان تسكت : احنا لسة مخطوبين بعد اذنك يا دكتور وكوماوا على تعبك
خرجوا من عند الكتور وروحوا فى صمت
غادة بعصبية : انت ليه قولتله اننا مخطوبين ؟
ليتوك : امال هقوله ايه الراجل فاكرنا متجوزين عايزانى اقوله ايه عايشين مع بعض ورايحة تقوليله انا مين عشان فضيحتى تبقى بجلاجل فى الصحافة
غادة : والله محدش ليه عندنا حاجة 
ليتوك : انا غلطان انى خايف على منظرك قدام الناس
غادة :ملكش الحق تخاف عليا انا ولا حاجة بالنسبة لك 
ليتوك : ولا حاجة طب اسكتى كلامك بيعصبنى
غادة بدأت تعيط : دلوقتى انا اللى كلامى بيعصب 18 يوم وانت ممشينى على مزاجك ومتكلمتش عايزنى اشتغل بالعافية واكل بالعافية واتكلم بالعافية و......
ليتوك بدون تفكير اداها بوبو قصيرة جمدت الكلام فى لسانها والدموع فى عنيها 
ليتوك : تشومل ميانيه عملت كل ده غصب عنى عشان ... عشان بحبك ومش عايزك تضرى نفسك بس للاسف قلبك مش ليا :(
غادة متجمدة وليتوك خد سكاتها على انه تجاهل سابها ودخل اوضته
وهى كمان راحت اوضتها زى الانسان الالى لحد اوضتها مش مستوعبة اى حاجة 
اما ليتوك فكان فى اوضته عمال يلم هدومه عشان يمشى سمع صوت حاجة اتكسرت
 طلع لقاها كسرت مج
غادة : ميانيه معرفتش امسكه فوقع من ايدى 
ليتوك تجاهلها ووطى يلم الازاز المكسور وطت تساعده بعد ايديها من غير ما يتكلم خلص ورجع اوضته 
حضرت اكل على قد ما قدرت وراحت  خبطت عليه 
غادة : الاكل جاهز
مردش عليها راحت قعدت تستناه شوية وخرج بوزه شبرين قعد وحط عينه فى الطبق وبدأ ياكل
ابتسمت وجت تاكل حست بالمصيبة مش عارفة تاكل بايديها الشمال فضلت توقع فى الاكل وتخبط فى الاطباق 
ليتوك بعصبية : كفاية دوشة بقى 
غادة (بوبى فيس) : مش عارفة اكل بأيدى الشمال ميانيه
ليتوك شد المعلقة من ايدها : هاتى
ملى المعلقة ومد ايده يأكلها 
غادة : دوقته حطتله ملح وسكر والنيعمة 
ليتوك : ملح وسكر ايه كلى هأكلك 
غادة : وانت عليك ذنب تقعد تاكل فيا ومتكلش انت
ليتوك بعصبية : ميشغلكيش كلى وخلصينى
كلت وهى ساكتة خلصوا قام شال الاطباق راحت وراه 
غادة : كوماوا
ليتوك مردش
غادة : تاكل بسبوسة عملتها امبارح قبل ما اتحرق
ليتوك بصلها بعصبية ومردش عليها 

غادة : هجيبلك وش الصنية كريمة اغرفلك طبق معايا هغرفلك
ليتوك بصلها شوية مردش وراح يغسل المواعين
راحت تجيب اطباق الحلويات كانت فى المطبخ من فوق وهى اوزعة فضلت تشب 
غادة : هيه هيه عااااااا انتوا شايلين الاطباق فوق كدة ليه يا ناس ياللى تحت 
ليتوك ساب المواعين وراح وقف وراها من غير ما يبعدها عشان يجيب الاطباق وهى مفعوصة بينه وبين المطبخ
نزل الاطباق وسابهالها جه يمشى مسكت ايديه اتصدم
غادة : ميانيه اوبا 
ليتوك بصدمة : اوبا ؟!!!
غادة : ديه مش كنت عايز تعرف مين اوباتى ؟
ليتوك : انتى قلتى انك مش انجلز قبل كدة  
غادة : ميانيه اوبا 
ليتوك : اممم يعنى اوباتك وبس ؟
غادة : يعنى ايه بس ؟
ليتوك : من الاخر انا عايز اعرف مين اللى هنا ( شاور على قلبها )
غادة اتكسفت شوية واتشجعت : اللى هنا اول مرة شافنى فيها افتكرنى جاية اضره اللى فى قلبى هو اللى حمانى من الناس ومن نفسى كان ابىق فى الشارع لولا انه جيركن مان هو اعظم ليدر لاعظم باند فى الدنيا هو اللى شايل هم اللى حواليه اكتر من همه ببساطة هو ده اللى فى قلبى ومفيش غيره بس للاسف عمره ما هيكون ليا 
ليتوك قرب منها : وليه لا ؟
غادة بحزن : هو فين وانا فين انا مش هفضل طول عمرى هنا هيجى يوم لازم ارجع فيه تشيبال اوبا انسى كل اللى حصل وكل واحد يكمل حياته وكأننا متقابلناش 
قربها ليه واداها بوبو نستها اسمها بعد عنها وحضنها: حاولى تقولى تانى هنساك
مفيش رد البطارية خلصت شاور قدام وشها : غااادة 
ضحك وشالها هيلا هوبا ونيمها على سريرها وراح جاب الكريم وغيرلها الرباط
ليتوك : نيهاهاهاها حبيبتى بقت ام ايدين مسلوخة 
غادة مبتردش
ليتوك : غادة انتى هتمثلى انك نايمة 
غادة : اوبا انا هرجع بلدى قريب
ليتوك : وماله يا قلبى روحى طمنى اهلك وارجعيلى تانى اينعم مش هبقى عارف اعيش ازاى الكام يوم دول بس يلا امرى لله 
غادة : ممكن مقدرش ارجع تانى 
ليتوك : ههههههه هزراك بايخ هديكى تمن التذكرة يا بخيلة نامى دلوقتى بقى يلا
اداها بوب على جبينها وراح على اوضته ونام بسعادة
اما غادة كانت بتفكر هتعمل ايه بعد ما حلمها اتحقق وقابلته وحبها زى ما حبيته هتسيبه كدة بسهولة وفى نفس الوقت خايفة من تخاريف الست المجنونة لتحصل
افكار كتير دارت فى دماغها لحد ما استقرت انها هتعيش اخر يوم ليها فى كوريا معاه وتسافر فى معادها من غير ما تقوله ومع الايام هينساها ما هى مش اول ولا اخر واحدة فى حياته 
غلبتها افكارها لد ما نامت وانتى اليوم الثامن العشر

اليوم التاسع عشر ( لاتتركينى )

ليتوك صاحى من بدرى متوتر وخايف من رد فعل غادة بعد اللى حصل فضل ساعة لبس ويتشيك وخرج اخيرا لقاها فى وشه مستنياها ومتشكية هى كمان ومبتسمة ابتسامة من الودن للودن تنح شوية 

ليتوك : هو فى ايه غادة فين ؟
غادة : غادة مين ؟
ليتوك : البوى فريند بتاعى 
غادة : بوى يخربيت التعليم المجانى يا جدعان
ليتوك : لا بجد فى ايه ؟
غادة : مش هنخرج ولا ايه ؟
ليتوك : هنروح فين الساعة دى ؟
غادة : انا لو عليا عايزة الف كوريا كلها النهاردة 
ليتوك : كلها ليه انتى هتسبيها نروح اللى نقدر عليه النهاردة اراسو ؟
ليتوك ابتسامتها اختفت وحلت محلها ابتسامة مصطنعة : اراسو يلا بينا 

هيروحوا فين وهيقضوا يومهم ازاى ؟
هيحصل ايه فى اليوم العشرين  
ده اللى هنعرفه فى البارت القادم والاخير