غادة اتثمرت مكانها ليتوك نزل من العربية وراح وقف ورا غادة : اتأخرتى كدة ليه الحفلة هتضيع عليا وتليفونك مقفول كمان غادة لفتله ومش مصدقة عنيها ومحستش بنفسها الا وهى بتحضنه ليتوك فقد الحركة ومنطقش ولا اتحرك وهى شوية وحست بالمصيبة اللى عملتها بعدت عنه غادة بخجل : ميانيه انا بس فرحت انك هتاخدنى الحفلة ليتوك باحباط : عشان الحفلة ومين قال انى هاخدك اصلا غادة : امال انت هنا ليه بتتشمس مثلا ليتوك : يعنى اضحك ولا ابين سنانى خدى اطلعى البسى دول حالا وبسرعة ( اداها شنطة) غادة بتبص للشنطة بقرف : ايه ده ؟ ليتوك: انتى لسة هتسألى يلا بسرعة خمس دقايق منزلتيش همشى غادة: خمسة خمسة ونص يعنى ( نتشت الشنطة من ايديه وطلعت تجرى) ليتوك: اررررحمنى يارب شوية ونزلت غادة لابسة لبس رجالى واسع عليها شويتين تلاتة زى ما تكون شحتاه غادة بعصبية : ايه ده ليتوك وهو فطسان ضحك على منظرها: يالهوى اللبس شكله كبير عليكى شكلك اهبل اوى هههههههههه غادة : عااااااااااا يا جدع انت متستفزنيش ليتوك: دى الطريقة الوحيدة اللى اقدر ادخلك بيها الحفلة غادة : هم بيدخلوا المتسولين عادى ليتوك : ههههههههه انيا بابو هدخلك كفان بوى غادة : قصدك شحات بوى وده ازاى ان شاء الله هى مشكلتى فى اللبس يعنى ليتوك : ثانية هوريكى حالا ليتوك لف وراها لم شعرها ولبسها كاب ونضارة وغادة اتجمدت مكانها اول ما لمس شعرها خلص وزقها على العربية وطلعوا على الحفلة شوية ووصلوا دخلوا ومحدش خد باله من غادة سابها فى كواليس المسرح ليتوك: اقفى اتفرجى هنا متتحركيش من مكانك غادة بانشكاحة : اراسو فايتينغ اوبا ليتوك بصدمة : فايتينغ ايه قولتى ؟!!! غادة عملت من بنها ومسكت راسها : اوبا بقى راسى بتوجعنى يا ناس ليتوك اتكبس وسابها ومشى بدات الحفلة وغادة متجمدة من اللى بتشوفوا السوجو قدام عنيها ده ولاحلم وبالرغم من جمال كل الاعضاء ركزت اوى مع ليتوك بس حسيته كائن اخر غير الغتيت اللى مطلع عنيها خلصوا الاداء وفضلوا يحيوا الفان ويوزعوا بوبوهات اول ما شافت ليتوك بيعمل كدة وبيدى فان وردة قامت قالعة الشبشب وحدفته على المسرح جه فى قفا الراجل بتاع الدرامز يا عينى حوله ليتوك خد باله من اللى حصل خلص بسرعة وقال للاعضاء انه هيمشى عشان مرهق خرج وسحب غادة من ايديها غادة : ايه ده فى ايه ليتوك بعصبية :هنمشى غادة : بس انا لسة مسلمتش على الاعضاء وكمان عايزة اديهم هدايا البنات اللى بعتوها ليتوك : بعدين بعدين فضل سحبها وهى عمالة تتنطط على رجل واحدة بعد ما رمت الشبشب فى قفا الراجل لحد ما ركبها العربية وطلع ووصلها الفندق من غير ما ينطقوا بحرف لحد ما وصلوا غادة نزلت : لو اتصلت بكرة بدرى هرتكب جناية ليتوك : هشوف هشوف غادة مشيت قبل ما تخلص عليه وتحدفه بالفردة اللى باقية ليتوك ابتسم ابتسامة خبيثة : بعينك كنتى عايزة تقابلى اوباتك منهم يا انا يا مفيش اليوم التاسع :( جيزة زو)
فى السادسة صباحا يستيقظ ليتوك يتناول افطاره ويجلس يشاهد التليفزيون بملل ليتوك : ااااش توم جيرى خلص اعمل ايه انا دلوقتى مفيش حاجة فى جدولى اروح للاعضاء عاااااا كلهم مشغولين ( بعد تفكير قليل) مفيش غيرها بس هقولها عايز ايه امممم لقيتها اتصل بيها وكانت نايمة فتحت عين واحدة لقت ملاكى يتصل بك غادة : انا مش قلتله ميتصلش بدرى كدة بااااااابو رمت التليفون فى الارض ولسة التليفون الغبى عمال يرررن بعد ما اتفكك 10 حتت قامت جايبة الشبشب وقعدت جنب التليفون كل رنة بشبشب والتليفون شكله ما صدق اخر ما غلبت ردت غادة: هذا الرقم قد يكون نائما محروقا مشنوقا او مش فاضى لاهلك من فضلك متتصلش هنا تانى يا حيوان ائ ائ ائ ليتوك: مين ده اللى حيوان يا بجرة انتى غادة: حرام عليك يا اخى نفسى انام حرام انام اهئئئئ ليتوك : ابقى نامى لما نرجع غادة : نرجع منين يا عم الحاج انا متكسحة خالص ليتوك : قومى يا كسلانة هنتأخر على الحيوانات ودى بتنام بدرى غادة : والله ما فى حيوان غيرك ليتوك : نعم غادة : زى ما سمعت حيوانات ايه خلصنى ليتوك: هنروح جونينة الحيوانات غادة : ونروح ليه ما ممكن تتفرج عليك وتأكلك وخلاص ليتوك : قدامك ربع ساعة لو عديت لقيتك مش فى الشارع والنبى لابلغ عن هروب غوريلا غادة : غوريلا فى عينك يا نسناس ليتوك قفل السكة فى وشها كالعادة وقام نزل وهى كالعادة برضو فضلت تشتم فيه ونزلت اول ما وصل ملقهاش فضل يتصل بيه لقاها جاية من برة الفندق ومعاها شنط كتير ليتوك : ايه ده ؟ غادة: ده شوية اكل لقرايبك ولا نخش عليهم بايدينا فاضية ليتوك : بابو كل ده للحيوانات طب واحنا غادة : متقلقش عملت حسابك فى شوية فول مدشوش ليتوك خرج من العربية علقها من قفاها ورماها هى وشنطها فى العربية وطلع شوية ووصلوا الجونينة ليتوك لبس لبس التخفى الطبيعى بتاعه ودخلوا اول ما دخلوا غادة بعد ما كانت نايمة على نفسها فوقت رمت الشنط لليتوك وطلعت تجرى لقت جوض سمك وقفت قدامه وتنحت فى جماله غادة : شوفت الواد دونى احلو ازاى ليتوك : اده انتى الفيش ؟ غادة : بعيد بعيد انا ناقصة نحس يا اخويا سابت السمكة وطلعت على قفص القرود غادة : هم سايبين هيوكى قاعد لوحده كدة ليه ما يجيبوا دونى يقعد جنبه بدل ما كل واحد فى قفص ليتوك : جويلز مش كدة غادة : ياريت بموووووت فى الفراولة بالحليب بس مش جويلز سابت القرود طلعت على الزرافات غادة : بسم الله ماشاء الله والله وشوفتك طويل يا ابن الاوزعة ليتوك : اكيد مش ريوسمينيا غادة بصت للزرافة : ووكى لم لسانك شوية سابتها ومشيت راحل للسلاحف وقعددت فى الارض غادة : وحياة ابوك يا شيخ خدلى سيليكا مع اوبا ليتوك : اوبا اوباتك يسونغ ؟ غادة :لا خلصت من السلاحف طلعت على الارانب غادة : يخربيتك انت علطول شالل اهلى كدة يا اختى كوتى بوتى هات جزرة بسرعة يا بنى ادم ليتوك : فيتامينز ؟ غادة : ياااااااريت بس لا برضو سابت الارانب راحت على القطط وجريت من قدامه بسرعة ليتوك : موقفتيش عند القطط يعنى غادة : يالهوى عايزنى اقف قدام هيتشول كدة عادى مش شايف شكله موده مش رايق نعدى عليه وقت تانى ليتوك : مش بيتالز يعنى راحت على قفص الراكون لقت اتنين واحد ماسك فى اخوه ونازل فيه ضرب غادة : شوفت كانغ ضرب اخوه لوكمية كسرله صف سنانه وحش بجد الراكون وقع من طوله ليتوك : هار ازرق الكاموميلز هيعلقوكى غادة : وانا مالى يا اخويا ده كانغ خاب خالص =D واخيرا راحت للحصان غادة : هااااااااح شوفت العضلات يا مرسى ليتوك : يبقى مفيش غيره شيونست مش كدة غادة : لا مش كدة وريح نفسك بقى واسكت صدعتنى جت تمشى تكمل فرجة مسك ايديها : اقعدى بقى واهمدى وفهمينى لما كل دول لا امال مين هو ؟ غادة اتوترت شوية وغيرت الموضوع: انا معايا هدايا البنات بعتوها معايا عايزة اوصلها للسوجو هتخلينى اقابلهم امتى ؟ ليتوك : وطبعا جايباله هدية غادة سكتت ليتوك : انا جعااان غادة : خد موزتين اهم شلتهم من بوء هيوكى نتش الموز من ايديها وقعد ياكل وهو على اخره لحد ما بصلها لقاها متنحة قدام اب وام بيلعبوا مع ابنهم ليتوك : خير تعرفيهم ؟!! غادة : لا بس شكلهم حلو اوى مع بعض ليتوك : بكرة تبقى زى الام دى غادة بصتله وهو مش واخد باله وفضلت تتخيل لو كانت هى وليتوك مكانهم لحد ما فوقها من حلمها ليتوك : مش هنمشى الحيوانات معاد نومها جه غادة : طب متنساش تغطيهم وتغسلهم سنانهم قبل ما يناموا وطلعت تجرى وليتوك وراها واذ فجأة عيل راكب عجلة فى الجونينة عمال يصرخ : كله يوسسسسع العجلة مفيهاش فرامل ومش عارف انط حد يلقفنى ى ى ى ناس كلها وسعت وغادة وقفت متثمرة والواد عمال يصرخ ويقولها تبعد بس مسمعتش كلامه جه ليتوك شودها فى حضنه بعدها عن طريقه غادة مبتتحركش ليتوك بعدها عنه بعصبية : انتى مجنونة الولد كان هيخبطك غادة : انا كنت هساعده ليتوك : ازاى ان شاء الله غادة : معرفش بس الكل بيجرى وسايبه الولد هيتاذى ممكن تسيبنى الحقه ليتوك شدها : كفاية يلا بينا بقى هنمشى حالا غادة : مش همشى قبل ما انقذه ليتوك سحبها من يادها بالعافية ومشى وهى عمالة تحاول تفلت ايدها منه بس كان متبت على ايدها جامد لحد ما جه الولد نده عليها الولد : نونا ميانيه مكنش قصدى اذيكى انتى كويسة ؟ غادة سابت ايد ليتوك وراحلته غادة : انت كويس ؟ الولد : ديه نونا غادة ابتسمتله وطلعت شيوكلاتة ادتهاله : بعد كدة تخلى بالك الولد ابتسملها واداها بوبو على خدها : نونا كوماوا انتى كمان خلى بالك من نفسك عشان هيونغ العصبى ده غادة حسست على شعره ومشىت سبقت ليتوك ركبت العربية هبدت الباب وهو اتعصب من تصرفها وساق بجنون لحد ما وصلها نزلت من غير ما تقوله حرف طلعت وهو روح وفضلوا سهرانين عمالين يشتموا فى بعض والعلاقة اتدهورت خالص هل ممكن تتصلح ؟ هل ليتوك حاسس بحاجة ناحية غادة ؟ ايه اللى هيحصل بعد كدة ده اللى هنعرفه فى اليوم العاشر بعنوان لاتتجاهلينى
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
.jpg)
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله
في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
[img]URL IMG[/img]
تعليقـــك بيســــعدنا ونقــدك بيهمنــا ツ