ملاكى نحس الانحاس المنحوس البارت الرابع

اليوم السادس 2 (ملاكى بودى جارد)
ليتوك: قدامك 10 دقايق وتكونى جاهزة
(قفل السكة)
غادة: اه يا ودانى بتقفل على ودانى يا واتشى طب والمصحف لما اشوفك

راحت تلبس وهى على اخرها ومفيش 10 ثوانى وكانت تحت وصل الاخ ركبت
غادة بعصبية : ممكن افهم احنا غايرين فين على صباحية ربنا وكمان بتقفل فى وشى السكة
ليتوك ببرود: رايحين الجامعة عندى محاضرات كتير ومش قادر اشيل الكتب
غادة: يا اختى كميلة انت لسة بتدرس
ليتوك: لا يا خفيفة انا بحضر الدكتوراة عشان ابقى الداكتور تيوكى
غادة : داكتور ههههههههههههههه انت اخرك نيرس اصلا
ليتوك: طب اتكتمى خالص بدل ما ارميكى من العربية
غادة: يا شيخ اتلهى
ليتوك: بتقولى ايه ؟
غادة: يا شيخ اتلهى
ليتوك : اه بحسب
صمت يعم المكان لحد ما غادة نطقت : ايه ده
ليتوك: ايه ؟!!
غادة : انت عرفت الفندق منين مشيت ورايا امبارح ؟!!
ليتوك : اه ( كحة كحة كحة) عرفته من الحاجة

غادة: بس اجوما متعرفهوش
ليتوك تنح ( نص ساعة كحة تانى ) : ازاى يعنى امال ادتهولى ازاى تلاقيها مشيت وراكى اصل الحاجة سبحان الله عندها داء مراقبة الناس خافى على نفسك بقى لو معاكى اجة كدة ولا كدة سبيها على البوابة قبل ما تخشى
غادة الموضوع فى الاول مدخلش دماغها بس سكتت
وصلوا الجامعة نزلوا قام مديها كراسة يجى ورقتين ونص كدة : شيلى بقى
غادة بتبص للكراسة باستحقار : ايه ده ؟

ليتوك: ده كشكول المحاضرات
غادة: ابتدينا نستظرف منزلينى من بيتنا الساعة 6 الصبح عشان اشلك ورقتين جايبهم تلف فيهم ساندوتشاتك
ليتوك: هو كدةاذا كان عاجبك وامشى وانتى ساكتة هتأخر
غادة فضلت تدور على اى طوبة تبطحه بيها
ليتوك: عالله سطر يقع من الكشكول
غادة: عاااااااااااا يا مصبر الوحش على ال...
ليتوك: على ايه ؟
غادة طنشته ومشيت لحد اول ما دخلوا باب الجامعة والبنات كلها جريت على ليتوك
ليتوك بيبص لغادة: بودى جارد مش عايز اتأخر
غادة نامت وهى واقفة: خخخخخ
ليتوك: غااااادة
غادة: انت بتكلمنى انا ؟
ليتوك: امال بكلم خيالك دخلينا بسرعة عشان كدة مش هنخلص
غادة : يعنى اعمل ايه مع كل دول قولهم هش يمكن يهشوا
ليتوك: اتصرفى حالا مليش فيه
غادة فضلها سنة وهتجيب طوبة تخبط بيها نفسها وترتاح من الكائن الغتيت ده بس ما باليد حيلة كانت مسيبة شعرها لمته وقعدت تعمل تمارين الصباح 1.4.3ولا كأنها هتنزل الشوط التانى
ليتوك : انت بتعمل ايه يا كابتن ؟
غادة طنشته ووقفت قدامه وفضلت توسعله الطريق وهو منشكح لحد ما وصلوا قاعة المحاضرات قعد ورمتله كشكوله ورخجت استنته برة
خلص وطلع رمالها الكشكول ونفس اللى عملته من شوية كررته لحد ما طلعوا من الجامعة وهى بقت على اخرها
ليتوك : مالك ؟!!
غادة: مليش ايه خدمات اخرى ؟
ليتوك : غيرانة؟
غادة اتجمدت بس لحقت نفسها : نعم اغير من ايه وعلى ايه اصلا
ليتوك : تكونى اتضايقتى من لمة البنات حواليا ولا حاجة
غادة : وده ايه علاقته بيا مش فاهمة يعنى
بصت فى ساعتها ورمتله الكشكول : يالهوى الشغل امك هتنفخنى متتصلش بكرة بدرى تانى مش هرد
مشيت وسابته
ويخلص اليوم السادس

اليوم السابع (الازرق يليق بك)

صحيت غادة فى ميعادها بالرغم من انها اجازتها اول ما فتحت عنيها بصت على التليفون ملقتهوش متصل اتنهدت وقامت بنشاط عشان تستمتع بيوم اجازتها بس يا فرحة ما تمت خدتها البطة وطارت ليتوك اتصل
اول ما لقته هو فضلت تنكش فى شعرها وتدبدب فى الارض ولا العيل اللى خدوا المصاصة منه
ردت بعصبية: النهاردة اجازة
ليتوك: مفيش اجازة منى يلا نص ساعة وهعدى عليكى
غادة : وهشتغل ايه النهاردة ان شاء الله مكوجى
ليتوك بيكتم ضحكته :انيا شيال و بودى جارد زى امبارح
غادة : لا بقى جامعات تانى مش رايحة البنات هناك عاملين زى الغوريلات وكانوا هياكلونى
ليتوك : احنا مش رايحين الجامعة
غادة: امال فين ؟!!
ليتوك: هتعرفى بعدين كفاية رغى بقى ده انا شحن ب 2 حنيه الا ربع خلصتيهم منك لله
غادة : رحمتك يارب متتأخرش انا جاهزة
ليتوك قفل السكة فى وشها برضو
غادة قلعت الشبشب وفضلت تضرب فى الموبايل: غبى غبى غبىىىىىىىى
نزلت استنته لحد ما وصل ركبت
غادة : على فين العزم ان شالله ؟
ليتوك: هنعمل شوبينج عشان عندى حفلة بكرة
غادة : طب وانا مال اهلى
ليتوك:  امال مين اللى هيشيل اللى هجيبه
مسكت اعصابها بالعافية لحد ما وصلوا لم كام طقم ودخل يقيسهم
خرج لابس بدلة هتاكل منه حتة بل كلته فعلا

غادة اول ما شافته فتحت بوقها من الصدمة وشوية ودورت وشها ولا كأنها شافت حاجة
ليتوك : انتى
غادة بصت يمينها وشمالها ملقتش غيرها شاورت على نفسها (انا)
ليتوك: هو فى غيرك هنا
غادة بقرف: نعمين
ليتوك: البدلة دى كويسة؟
غادة:لا
ليتوك: اممم يبقى اشتريها على بركة الله
غادة: انت بتعاندنى يعنى
ليتوك: مش انتى اللى بتستهبلى انا لو طلعت بالبدلة دى قدام البنات نصهم هيدخل الانعاش والنص تانى هينتحر
غادة: على فكرة انت واخد مقلب جامد فى نفسك (على فكرة انت كداب اوى )
ليتوك: نعم يا عمر (ايوة اديها متسكتلهاش انا بولع فى النفوس مش اكتر)
غادة: ايوة كدة اظهرى على حقيقتك يا مديحة
ليتوك: ما تتلمى يا بت فى ليلتك دى
غادة: بقولك ايه متوجعش دماغى اسأل اى حد تانى
ليتوك: مينفعش
غادة : ليه ؟
ليتوك: اولا انتى مش انجلز ثانيا انتى مش طايقانى يعنى هتقولى رأيك بصراحة ومش هتجاملى فهمتى
غادة بقلة حيلة : امم طب خلاص اتفضل خلصنا
ليتوك استغرب استسلامها ده ودحل يكمل تجربة الهدوم
وغادة كل شوية دمعة تنزل من عينها تمسحها بسرعة قبل ما يخرج يشوفها وهى بتعيط وفى نفسها : انا مش طايقاك اول حب فى حياتى مش طايقاه ليه انا ضعيفة كدة ومش قادرة اصارحه بالحقيقة
خرج ليتوك بعد ما خلص وهى رسمت ابتسامة كدابة على وشها
ليتوك : يلا بينا
خدها وراحوا القسم الحريمى
غادة: احنا مشينا غلط الباب من هنا
ليتوك: لا مش غلط
دخلوا محل وليتوك عمال يتفرج على اللبس
غادة: انا اهبل يا عم انت مش هتلاقى مقاسك هنا
ليتوك: يخربيت خفة دم جوز بنت خالة عمة مرات اخوكى
طلع فستان ازرق طويييل اداهولها : قيسى ده

غادة: مش هشترى حاجة انا
ليتوك: اصلا ده مش ليكى عيد ميلاد اختى قرب وعايز اجبلها هدية ااش بس مش عارف لونها المفضل انتى ايه لونك المفضل ؟
غادة: وانا مالى يا عم
ليتوك: يا ستى قولى بس البنات كلها زى بعض لونك المفضل وردى مش كدة ؟
غادة: اولا مفيش حاجة اسمها كدة ثانيا بعد الازرق الياقوتى بحب الابيض
ليتوك: هييييييييح ابيض بموت فيه
غادة: عارفة
ليتوك : عارفة منين بقى مش قولتى مش انجلز
غادة : بس الفية ومهتمة بكل حاجة تخص الاعضاء
ليتوك: حتى انا ؟ّ!!
غادة عملت من بنها وخدت الفستان منه ودخلت تقيسهوهو قعد يستناها شوية وخرجت مكسوفة ومتحمسة لرد فعله كان جميل عليها اوى ليتوك ليتوك تنح وقام مشى خطوتين ناحيتها وفضل يتفرج
ليتوك: امممم وحش وحش اوى بس يلا هاخده وامرى لله
احبطت البنت يا عينى وخرجت لقيته حاسب وخد الفستان وشيلها كل البلاوى اللى جابها والشنط من كترها كل شوية شنطة تقع تيجى تجيبها تقع واحدة تانية وهو ماشى فرحان فيها ولا كأنها مرات ابوه وصلوا للعربية رمت الشنط فيها
غادة: اى خدمات اخرى
ليتوك: تعالى اوصلك وامرى لله مش هتلاقى مواصلات دلوقتى
ركبت وهى على اخرها وصمممت لحد ما وصلوا
غادة: متتصلش بكرة بدرى ورايا شغل كتير
ليتوك: مش هتصل اساسا هديكى اجازة بكرة
غادة بصدمة : بووه ليه ؟
ليتوك: بكرة فى حفلة
غادة : مفيش مشاكل هاجى اساعدك وكمان انا امنية حياتى اشوف حفلة للسوجو
ليتوك بعصبية : مينفعش تظهرى فى الحفلة بعد وجودك معايا فى الجامعة كدة الصحافة هتشتغل ومش هخلص عايزة تيجى احجزى زيك زى اى فان
غادة بحزن : انت عارف انى معيش فلوس
ليتوك: وانا هعمل ايه يعنى دلوقتى انتى عايزة تسببيلى مشاكل وخلاص
غادة: ميانيه (خرجت من العربية وسابته )
فضل ليتوك واقف شوية يكلم نفسه : مستحيل عايزانى اسيبك تروحى عشان تعيشى معاه براحتكوا مستحيل
اما غادة طلعت اوضتها وعمالة تعيط : يعنى خلاص لو مشوفتوش بكرة كل اللى عملته هيتهد وهرجع تانى
فضلت تعيط لحد ما نامت زى الاطفال بهدومها وينتهى اليوم السابع

اليوم الثامن ( ملاكى فان بوى)
غادة صحيت متأخرة ومرحتش شغلها وبدأت تحضر شنطتها استعدادا انها هترجع بلدها بكرة
خلصت تحضير الشنطة وقعدت تعيط مدة طويلة وشوية ومسحت دموعها وفضلت تشجع وتصبر نفسها : بس كفاية عياط مش كفاية انك حققتى حلمك وسافرتى كوريا لا وشوفتيه 7 ايام هعوز ايه تانى اكتر من كدة
قامت لبست وقررت تنزل تلف شوية فى الشوارع تودعها
لفت وجابت هدايا لوالدتها وللبنات لحد ما النهار خلص والليل دخل قررت تروح عشان تنام بدرى عشان السفر
اول ما وصلت عند الفندق بصت لساعتها بأبتسامة حسرة: كلها شوية وهتبدا الحفلة
لسة هتدخل الفندق ..........
معرفش ايه اللى حصل :P توقعاتكوا للى حصل وايه حكاية الفان بوى ده هنعرفه مع البارت القادم واليوم التاسع بعنوان Gizza zoo