ملاكى نحس الانحاس المنحوس البارت الحادى عشر والاخير

الخروجة بدأت بفطار فى مطعم شيك كلوا خلصوا وقعدوا ياخدوا فى سيلفى بوز البطة ومين يعملها غيرهم يعنى 

خلصوا وراحوا يتمشوا عدوا على محل من محلات منتجات الثنائى
ليتوك : يلا ندخل
 غادة : ندخل فين ده بتاع ثنائى 
ليتوك : على اساس اننا ثلاثى يلا متقفلنيش من اولها 
غادة : طب اتجر قدامى 
ليتوك : مين ده اللى يتجر يا بت ؟
غادة : انا طبعا اتفضل يا باشا
ليتوك ضحك ودخلوا المحل اول ما لقى تيشرتين عليهم بطتين جابهم لبس بتاعه وادالها بتاعها تلبسه

غادة : شكلى اهبل اوى 
ليتوك : لا بطتى حلو عليكى اوى
غادة اتكثفت وجت تمشى مسك ايديها : نمشى سوا 
وطلعوا على الملاهى و فيلم لعب وجد وحب اشتغل والعندليب الابيض مجبش ارنوب لغادة ثروت سبوه للفيتامينز جابلها بطوط يعنى هيجيب ايه غيره
ليتوك : دلوقتى بقى نجيب اكل ونروح نتغدى فى بيتنا وشوية ونخرج نسهر برة 
غادة : اراسو هنروح فين ؟
ليتوك : خليها فجاة 
غادة : ههههههه اراسو 
جابوا الاكل وروحوا الشيف غادة قامت بالواجب ومعاها المساعد الشيف تيوكى خربها 
غادة : اوبا بالراحة عشان متأذيش ايديك 
ليتوك ابتسم وبصلها : خايفة على ايدى ؟ 
غادة بخجل : انا خايفة عليك كلك
ساب اللى فى ايده وقرب منها اداها بوبو على خدها ورجع يكمل وهى عطلت عن العمل خلاص 
خلصوا واكلوا 
غادة : انا هروح اغير بقى 
ليتوك : هتلبسى ايه ؟
غادة : اى حاجة الاقيها قدامى 
ليتوك : لا مش هينفع احنا رايحين مكان حليوة لازم نتشيك انا هلبس بدلة 
غادة : بدلة ليه يا عم الحاج رايح تخطب البس انا ايه دلوقتى شوال 
ليتوك : هههههه طب استنى ثانية 
دخل اوضته جاب شنطة وادهالها فتحت الشنطة لقت الفستان اللى كان اشتراه لاخته 

غادة : ايه ده انت مش اديته ليها ؟
ليتوك : لا انا مكنتش جايبة ليها اصلا 
غادة : امال كنت جايبه لمين ؟
ليتوك : لامى هجيبه لمين يعنى يا بابو غير ليكى 
غادة بسعادة : ليا يعنى كنت بتحبنى من قبل كدة ؟
ليتوك : للاسف اه 
جريت عليه حضنته : سارنغهى اوبااااا
ليتوك بصدمة : قلتى ايه ؟
غادة : زى ما سمعت كدة 
ليتوك : اسمع تانى 
غادة : انيا 
خدت الفستان وجريت على اوضتها وهو كمان راح اوضته بانشكاحة شوية خرج لابس بدلة هيييييح

وهى متأخرة كالعادة : يلا يا غادة بقى هنتاخر
غادة : اراسو انا جاية اهو 
وخرجت اخيرا
ليتوك : هى فين غادة ؟
غادة : نستها  جوة
ليتوك : هههههههه طب اندهيلها بقى عشان هنتأخر
غادة : هو وحش اوى كدة ؟
ليتوك : هو ايه ده ؟
غادة : الفستان مش لايق عليا مش كدة ؟
ليتوك : يا نهار شعر يسونغ قبل الصبغة مش لايق عليكى امال هيليق عليا انا ده هياكل منك حتة يعنى كلها خمس دقايق وهلاقينى ماسك الفستان بس 
غادة : هيهيهيهيهى يخربيت زرافة بنت خالة مرات عمك يا جدع
ليتوك : يخربيت لسانك الاطول منك ده يلا يا بوت هنتأخر 
واخيرا خلصوا توم جيرى وخرج الشاطر حسن والاميرة عزيزة 
راحوا مطعم بيطل على نهر الهان 

غادة : واااه انا عمرى ما شوفت جمال كدة 
ليتوك ابتسم : ثانية هجيب حاجة واجى 
غادة : اراسو 
لقته اتأخر قلقت والنور قطع شوية وجه النور بتبص حواليها لقت ليتوك قاعد على بيانو وحدفلها بوبو وبدأ يعزف ويغنيلها she

 اتجمدت مكانها مش مصدقة اللى بيحصل قام وساب البيانو لواحد تانى وكمل هو غنا جاب وردة وراحلها 

ليتوك مد ايديه : تسمحيلى 
عنيها دمعت وقامت كمل غنا وبدأوا يرقصوا سلو على صوته لحد ما خلص واداها الوردة
طلع سلسلة فيها بطة وقفل ولبسهالها 

غادة بانشكاحة : ايه دى ؟
ليتوك : البطة دى انتى والقفل عشان يقفل على قلب البطة ومتحبش حد غيرى اراسو
اتجرأت وقربت منه ادتله بوبو على خده : كوماوا اورى انجل
ضمها وابتسم وهى عنيها كلها دموع بس مش الفرحة دموع الحسرة :(
 خلصوا الليلة الرومانتيكية وروحوا على بيتهم 
ليتوك : ااااااه هلكت مش هخرج لمدة سنتين قدام
غادة : خلاص يلا روح نام بقى وارتاح 
ليتوك : وانتى هتعملى ايه ؟
غادة : هنام برضو 
ليتوك : اراسو i`m good night baby 
غادة : -_-
كل واحد راح على اوضته لسة ليتوك هينام لقى الباب بيخبط جرى يفتح 
ليتوك بأبتسامة سيجنال تو : حصل حاجة ؟

غادة : لا بس ممكن اتكلم معاك شوية ؟
ليتوك قعد يحط ايده على وشها يتاكد  انها مش سخنة : ممكن انتى عيانة يا حبيبتى ؟
غادة ضحكت : اوبا بطل هزار بقى 
دخلت وقعدت على السرير وراح قعد جنبها فضلوا ساكتين شوية 
غادة : احم اوبا مش جعان ؟
ليتوك : لا انتى جعانة ؟
غادة : انيا 
عم الصمت شوية كمان ليتوك : انا هقوم اجيب الكريم عشان اغيرلك على الحرق
غادة ابتسمت : اراسو
رجع حطلها الكريم  مسك ايديها بحزن واداها بوبو عليها : مياينه انا السبب فى وجعك ده 

غادة طبطت على كتفه برقة : انيا اوبا انا اللى بابو
ليتوك : انيا انا بقى اللى بابو
غادة : اللى تشوفه اوبا انت ادرى بنفسك بقى انا هقوم اعمل عصير الجو حر اوى 
ليتوك : اراسو اجى اساعدك ؟
غادة بتوتر : انيا هعمله واجى بسرعة
راحت جابت العصير وشربوه 
غادة : انا هروح انام بقى تصبح على خير 
جت تمشى شدها نايمها جنبه 
غادة بصدمة : اوباااا
ليتوك : ده عقابك نامى جنب البابو النهاردة 
غادة : بس اوبا ..
ليتوك : النهاردة بس
وجعتها الكلمة واستسلمت بحزن وقررت تنفذله اخر طلب ليه ايا كان نام هو فى قمة سعادته ونامت هى فى قمة تعاستها 

نهاية اليوم التاسع عشر

اليوم العشرون والاخير ( عودة الندلة )

 صحيت غادة بعد الفجر فكت ايد ليتوك من عليها وقامت ومحسش بأى حاجة 

فلاش باك 
العصير اللى عملته امبارح كوباية ليتوك كان فيها منوم مش هيفوق منه الا بعد ما تمشى 
باك 
راحت جابت شنطتها كانت محضراها من امبارح قبل ما يخرجوا ورجعت اوضته تانى فضلت واقفة شوية بتتأملوا لاخر مرة واترمت فى حضنه وفضلت تعيط بقهر وهو مش حاسس بأى حاجة 
قامت مسحت دموعها وادتله بوبو على خده وسابت جنبه رسالة وعليها الوردة اللى ادهالها كانت دبلانة ومتفرقش حاجة عن حالها وهى بتودعه لاخر مرة 

خدت حاجتها ومشيت
ساعة وفاق ملقهاش جنبه ابتسم وراح على المطبخ ملقهاش دور عليها فى كل حتة ومفيش فايدة افتكر انها نزلت تشترى حاجة رجع اوضته لقى الرسالة والوردة 
فتح الرسالة وكانت كالاتى :
** لا تبحث عنى فقط انسانى **
ليتوك عنيه دمعت من الصدمة : لالالا اكيد بتهزر مقلب ده مش كدة غادة تعالى دخلت عليا وشربتها ( مفيش رد ) يعنى ايه كانت بتضحك عليا ده كله للدرجة دى انا لعبة سهلة 

بص للوردة سكت شوية : العقد ليه مسبتهوش زى ما سابت كل حاجة 
غير هدومه بسرعة وجرى على المطار الطريق كان زحمة جدا لحد ما وقف نزل وساب العربية وخدها جرررى
وصل وهو بياخد نفسه بالعافية راح لحد من  الموظفين : فى طيارة طلعت مصر النهاردة ؟
الموظف : اه فى طيارة لسة طالعة من دقيقتين
اتجمد من الصدمة شوية وجتله فكرة قديمة اوى بس مفيش غيرها راح دور على تليفون واتصل بالشرطة
ليتوك : فيه طيارة متجهة لمصر من دقيقتين فيها راكب ارهابى وهيفجر الطيارة ( وقفل )
الشرطة اتحركت  ورجعوا الطيارة وامر بان كل الركاب يتفتشوا 
الطيار نبه على الركاب ان الطيارة هتهبط لاسباب امنية كان فى راجل شكله غريب قاعد جنب غادة اول ما سمع كدة قام ورفع مسدس وقفش المضيفة 
الناس كلها بتصرخ 
الشخص : كله يقعد فى مكانه مفيش طيارات هتنزل عايزين تقبضوا عليا مستحييل بيومى مولوتوف ما يتقبضش عليه ابدا 
غادة : انت يا اخ بنزين انت عايزين نرجع بلدنا حد قال انه هيتقبض عليك بيقولوا اسباب امنية يمكن الحجارة بتاع الطيارة خلصت والسواق هيركن على جنب يجيب غيرها ويجيبله علبة سجاير ولا حاجة 
بيومى رما المضيفة وقفش فى غادة : انت بتتريقى عليا يا بت ؟
غادة : لالالا دى مش اخلاق ولاد بلد خالث يا اخ جاز
بيومى : مولوتوف مولووووتوف انتى شكلك مش من شرم وهتقرفينى 
غادة : انت عايز ايه يا عم انت الساعة دى الله يحرقك 
بيومى : الطيارة متقفش والا هقتلكوا نفر نفر وانتى اولهم
غادة : متقفش ايه يا عم انت عبيط دى نزلت بقالها نص ساعة شيل مسدس الماية ده بقى السلاح يطول
الطيار بلغامن المطار والشرطة بدأت تتحرك للطيارة وليتوك وراهم
ليتوك سأل واحد منهم : هو فى ايه حضرتك ؟
الشرطى : ارهابى فى الطيارة 
ليتوك : انتوا صدقتوا ده انا كنت بهزر 
الشرطى : نعم حضرتك هتستظرف وسيبنى الارهابى معاه قنابل ومهدد بقتل الركاب 
ليتوك : يالهوى ده بجد ؟
الشرطى : يا عم حل عنى بقى انا ناقصك
ليتوك اتسرسب من ورا الضباط ودخل الطيارة من غير ما ياخدوا بالهم دخل لقى الراجل قاعد يلعب قمار مع غادة على المسدس وقفشها من قفاها عشان متعملش حاجة كدة ولا كدة 
ليتوك دخل وسط الناس وقعد يزعق : يالهوى يا خرابى انتى عايزة تموتى الناس دى كلها 
غادة بصدمة : اوبا 
بيومى : انت مين يا عم انت ؟
ليتوك : ابعد عنها بسرعة قبل ما تعديك ولا خليك زمانك شربت المرض كله 
غادة : o.O 
بيومى : انت بتقول ايه يا عم انت ؟
ليتوك : زمبؤلك كدة اللى انت مسكها فى ايدك دى مريضة مرض معدى وزمانها عدتك
بيومى رمى غادة ورمى المسدس وطلع يجرى زى الاهبل اول ما طلع البوليس قفشه 
قعد يصرخ : مستشفى بسرعة مولوتوف هيموت يا ناااااااس 
الناس طلعوا يجروا وهيييييه هييييييه
ليتوك راح وقف قدامها وهى منزلة راسها مش قادرة تبص فى عنيه 
شدها وخرج بيها من غير ما يتكلم حاولت تسحب ايديها من ايده تبت عليها اكتر 
غادة : انت واخدنى على فين ؟
ليتوك بعصبية : على بيتنا 
غادة : مش هينفع خلاص انا لازم ارجع كل اللى بينا خلاص انتهى 
ليتوك مد ايده على رقبتها طلع العقد : ولما هو انتهى لسة لبساه ليه ؟
غادة اتوترت بس لحقت نفسها ببرود : نسيته
قلعته ومدت ايديها تدهوله : ميانيه لازم امشى 
مسك ايديها وحطها على قلبه وبعصبية : وده نستيه برضو ؟
غادة عنيها دمعت : تشيبال سبنى امشى لمصلحتك
ليتوك بعصبية : ايه مصلحتى فى بعدك عنى ؟!!
غادة : مياينه تشيبال سبنى 
ليتوك : قوليلى السبب وبعدها هسيبك
غادة : مش هقدر ومش هتفهمنى 
ليتوك : دى حاجة ترجعلى مش هتمشى قبل ما تقولى السبب
غادة بدات تحكيله كل حاجة وهى بتعيط : هو ده كل اللى حصل وقالتلى لو فضلنا مع بعض بعد العشرين يوم ممكن تفقد نجاحك وممكن تفقد ...
ليتوك : حياتى ؟!! انا فعلا كنت هفقدها لو ملحقتكيش انا نفسى افهم ازاى واحدة متعلمة زيك بتصدق الكلام ده 
غادة : بس اوبا 
ليتوك : مفيش بس هيجى ايام كتير علينا صعبة واكيد فى يوم هفقد فيه حياتى افضل افقدها وانتى جانبى 
غادة بدموع : اوبا 
ليتوك قرب منها ومسح دموعها واداها بوبو والمطار كله بيتفرج 
خدوا بالهم من الكارثة بعدوا عن بعض 
غادة واقفة خايفة ليتوك شد على ايديها وعلى صوته : غادة نان يوجا 
بصتله وابتسمت حضنها : سارنغهى 
غادة : دادو نومو نومو سارنغهى 
والناس واقفين بيصقفوا على فيلم غرام فى المطار 

بعد سبع سنوااااات
غادة : ايل جو كفاية تنطيط دماغى هتنفجر ومش عارفة اتكلم فى التليفون 
ايل جو كملت تنطيط وطنشت امها 
غادة : برضو هواااانغ الحقينى يا بنتى تعالى سكتى اختك 
هوانغ : اوما مش فاضية بزاكر
غادة : يعنى بتحضرى الدكتوراة يا اختى ايش حال ما كنتى فى اولى ابتدائى الرحمة يارب
ليتوك جه من وراها حضنها : مالك يا حبيبى بس مين زعلك ؟
غادة : العويال يا ابو العيال طالعين قرود لمين معرفش 
ليتوك : لخالهم هيوكى بقى الله يسامحه
غادة : انت مش نازل النهاردة ولا ايه ؟
ليتوك : اممم لا هقضى اليوم معاكى ومع البنات 
غادة لفتله : ربنا يخليك لينا يا بطتنا 
 شدها ليه و بووووووبو
ايل جو وهوانغ : اباااااا اوماااااا بتعملوا ايه احنا جعانين 

النهااااااااااااااااااااااية 

هااااااااااااح وفى النهاية احب اشكر بجد كل حد دعم وشجع هذا الهبل اللى بكتبه بجد مش عارفة اقولكوا ايه هتوحشنى كومنتاتكوا و توقعاتكوا المسخرة واول كومنت واخر كومنت والحشو اللى فى النص كله كله 
ويارب تكون نالت جزء بسيط من اعجباكوا انتوا وصاحبتها 
والى اللقاء فى بارتات جديدة بس ليكوا بقى انا هاخد اجازة شوية ياريت اى حد فيكوا بيكتب يفتكرنى بتاج 
كوماوا & سارنغهى 
<3 <3 <3