ملاكى نحس الانحاس المنحوس البارت السابع

ملاكى نحس الانحاس المنحوس البارت السابع

   غادة : يوبو سايو 
المتصل : جادة شى 
غادة : ديه 
المتصل : حضرتك تعرفى الايدول ليتوك 
غادة بقلق : ديه حصل ايه ؟!!
المتصل : احنا هنا بار محترم وليتوك شى شرب كتير وهو مش دريان بحاجة واحنا خلاص شطبنا وهنقفل ياريت حضرتك تيجى تاخديه بسرعة والا هيبات فى الشارع كدة 
غادة : مليش دعوة اتصل بأى حد تانى يجى ياخده
الراجل : حضرتك انا مش شغال عند ابوكوا انا بلغتك وخلاص اعملى اللى انتى عايزاه (قفل)
غادة لسة هتجرى عشان تلبس افتكرت : لا مش هنزل واضيعه اكيد حد هيروح ياخده 
فضلت قاعدة متوترة شوية وقلقانة ومقررة انها مش هتتحرك من مكانها 
لحد ما الدنيا مطرت 
غادة اول ما شافت المطر قامت مرعوبة : اده ممكن يكون فى الشراع دلوقتى بحالته دى فى الجو ده لا هنزل واللى يحصل يحصل 

جهزت فى ثوانى وخدت الشمسية ونزلت وقفت تاكسى وطلبت منه يسوق بأكبر سرعة ممكنة
الطريق زحمة ومتعطل والساعة قربت على 12 وغادة مش شاغل بالها غير حالته دلوقتى ازاى 
نزلت من التاكسى وقررت تاخده  جرى لحد هناك فضلت تجرى بكل قوتها لحد ما وصلت البار اخيرا لقت ليتوك قاعد قدامه ورايح فى النوم وكله مبلول من المطر
جريت عليه وخدته فى حضنها وقتها الساعة تمت 12 

ليتوك بدأ يفوق شوية  بعدت عنه
غادة بعصبية : ايه اللى بتعمله فى نفسك ده فهمنى بتعمل كدة ليه ؟!!
ليتوك : انتى السبب انتى اللى عمتلى فيا كدة من يوم ما ظهرتى فى حياتى انتى فعلا سياسنغ بس مش سلبتى حياتى انتى سلبتى قلبى 
غادة اتصدمت شوية وبتوتر : ايه اللى بتقوله ده انت شكلك شربت كتير 
ليتوك : دى اكتر مرة واعى فيها كويس  اشمعنا انا اللى بتكرهينى مين بين كل الاعضاء كلهم ايه اللى مش عاجبك فيا ؟
غادة : قوم معايا احنا غرقنا وهنبرد 
ليتوك : مش رايح فى حتة قبل ما تشرحيلى كل حاجة 
غادة مسكت ايديه وبدأت تسنده عليها لحد لما لقت تاكسى ركبته فيه جت تتطلع من التاكسى عشان تركب جنب السواق سحبها وقفل الباب 
ليتوك : اتكل يا اسطى 
كان لسة ماسك ايديها شدتها منه نام على كتفها شالت راسه سندتها على الشباك رجع نام تانى على كتفها وكل ما تبعده يرجع تانى لحد ما استسلمت للامر الواقع وسابته لحد ما وصلوا سندتوا ودخلته على اوضته قلعته الجزمة وراحت تجيبله منشفة عشان ينشف بيها شعره عشان ميبردش راحت وجت لقيته نام على السرير
غادة : قوم نشف شعرك هتبرد
مردش قربت منه تنشفله شعره فتح عنيه اول ما عنيها جت فى عنيه ارتبكت ولفت عشان تمشى شدها نيميها جنبه غادة حاولت تفلت ايديه منها اتمسك بيها اكتر
ليتوك بصوت مخنوق : خليكى كدة ثوانى لحد لما انام وده هيكون اخر طلب اطلبه منك
غادة فضلت مش مستوعبة ومتجمدة لحد ما حسته نام جت تقوم رجعت فى كلامها وسابت نفسها ونامت 
بس هو مكانش راح فى النوم اوى حس باللى عملته ابتسم وراح فى النوم
نهاية اليوم الثانى عشر

اليوم الثالث العشر ( ملاكى خان كابور )

صحى ليتوك لكن ملقاش غادة جنبه قام يدور عليها لكن ملقهاش
( فلاش باك ) 
غادة قامت من بدرى وسابت ليتوك ومشيت وقررت انها مش هتجيبله سيرة عن اللى  حصل امبارح قدامه ولانها بتتفرج على افلام هندى كتير قالت انه هو كدة كدة مش هيفتكر حاجة فى الليلة سكر فيها ولما يجى يسألها عن اللى حصل هتألفله اى مشهد من مشاهد شاروخان وخلاص 
(عودة من الفلاش باك)
ليتوك غير هدومه وقرر هيورح يقابل غادة اما غادة استعدت لتنفيذ خطتها الهندية جهزت وراحت على الشغل
غادة : انيو اجوما 
والدة ليتوك : انيو جادة مش جيتى اليومين اللى فاتوا دول ليه؟
غادة : ميانيه اجوما اصل كان عندى تروكة وشكشوكة
والدة ليتوك : يا بنت المحظوظة ده انا مقدمة عليهم بقالى سنتين ومش بيجوا يلا انتى هتروحى من ربنا فين يلا نبدأ الشغل 
غادة : ههههههه اراسو 
ليتوك دخل حضن والدته : اوماااا بوجيشيبتا 
امه استغربت : فلوس مفيش 
ليتوك : مش عايز حاجة منك يا ولية انا جيت عشان واحشتينى بجد
والدة ليتوك : ما هو يأما عيان يأما ملبوس
ليتوك : ليه يا حاجة كدة بس ؟
والدة ليتوك : اصلك اهبل اوى النهاردة 
ليتوك :ههههههههه اتلمى يا ام الغوالى لينا بيت يلمنا يا أما 
والدة ليتوك : أما جتك مو يا بعيد 
وغادة واقفة تشتغل وعاملة نفسها مش من شرم قال يعنى مخدتش بالها من اللى دخل وهو واقف مراقب كل تحركاتها 

والدة ليتوك : منور تعاشب شاى 
ليتوك : ده نورك يا حاجة لسة شارب والله 
والدة ليتوك : نعم 
ليتوك : نعم الله عليكى يا ست الحبايب يا حبيبة 
والدة ليتوك : يا ابنى انت اهطل هتفضل قاعدلى كدة طول اليوم ده محل اكل عيش يا حبيبى 
ليتوك : وانا يعنى كنت كلت من العيش بالعكس ده قعدتى دى هتلم الفان امم امم كدة على المحل ومش هتاكلى عيش بس ده انتى هتاكلى صنية بسبوسة بالمكسرات كومان 
والدة ليتوك : صبرنى يارب على ما ابتلتنى 
ليتوك : هو فى ابتلاء فى جمالى وحلاوتى بذمتك عمرك شوفتى ابتلاء بغمازتين 

والدة ليتوك : عااااا اللهم زيدك تواضع 
ليتوك : يارب يا اختى يارب
امه قامت من جنبه قبل ما يشلها كل ده وغادة لسة مرجعتش من شرم وعاملة مش شايفة ولا سامعة 
ليتوك راحلها : مستنيكى فى العربية خلصى وتعالى 
غادة بتوتر : اررراسو
خلصت وخرجت ولا كانها رايحة لقضاها برجليها ركبت وطلع 
ليتوك : غادة هو ايه اللى حصل امبارح انا روحت ازاى قالولى انك خدتينى اصل مش فاكر حاجة 
غادة ارتاحت من جوها انه مش فاكر وبدأت تتطلع الهندى : انا ركبتك تاكسى واديته العنوان يوصلك
ليتوك اتصدم : نعم ازاى ده انا فاكر ان كان فى حد معايا 
غادة : تلاقيه السواق وانت مش واخد بالك عشان كنت سكران
ليتوك : طب ده بالنسبة للتاكسى بالنسبة للبيت كان فى حد نايم جنبى امبارح وحضنى 
غادة كحة كحة كحة : وانا ايش عرفنى قلتلك ركبتك التاكسى بس
ليتوك فضل ساكت لحد ما وصلها : اتفضلى 
غادة : لوسكرت تانى متتصلش بيا مش كل مرة هنزل فى الوقت المتأخر ده 
ليتوك : هتصل بيكى ليه اصلا ملكيش لزمة قال ركبتينى تاكسى قال لا فيكى الخير والله ما كنتى سبينى فى الشارع احسن 
غادة ببرود : تصبح على خير
جت تمشى 
ليتوك : غادة 
لفت تانى 
ليتوك : متأكدة ان مكنش فى حد معايا وصلنى البيت ؟
غادة سكتت شوية وببرود : اه
طلعت وسابته مشى روح فى قمة احباطه انها كدبت عليهكان فاكر كل حاجة بس كان نفسه يشوف خجلها لما يكلمها عن الموضوع بس مشافش غير انها بتضحك عليه بحجة انه كان سكران ومش فاكر حاجة
واسئلة كتير دارت فى عقله لما مبتحبوش ايه اللى نزلها فى والوقت والجو ده عشانه لما مبتحبوش ايه اللى خلاها تستسلمه وتنام جنبه بكل ثقة فضل حيران لحد ما راح فى النوم وانتهى اليوم الثالث عشر

اليوم الرابع العاشر ( غريب فى بيتى )

ليتوك صاحى من صباحية ربنا عمال يلف حوالين نفسه ومش ثابت فى مكان رايح جاى جاى رايح 
ليتوك : عاااااااا هموت من الملل انا هكلم اى حد يجى يقعد معايا 
مسك تليفونه كل لما يكلم حد يطلع مش فاضى يأما مش بيرد لحد لما عدى على رقم غادة 
ليتوك : مستحيل لو اخر كائن على وجه الارض مش هتصل برضو ( رمى التليفون وقعد جنبه )
كل شوية يفتح التليفون يبص على الرقم ويرمى التليفون لحد ما جاله ارتجاج يا قلب امه
ليتوك قفش التليفون من قفاه : ما ترن يا عم الحاج بقى انت اخرس مش راضى ترن يعنى مااااشى 
( هبده فى الحيطة ) عجبك يعنى كدة لما استخدم معاك العنف هخش انام واقعد انت هنا لوحدك يا كلب ( شوية والتليفون كان هيطلببله مستفى المجانين )
دخل ينام لسة هيتغطى جرس الباب رن 
ليتوك قام جرى ووقف يرقص قدام الباب : هيييييييييييه هيييييييه جالى حد ( فضله يرقصله شوية وبعد كدة افتكر الملطوع على الباب )

راح فتح الباب واذ ب...............

اذا بأيه نكمل المرة الجاية :P يلا اتحفونى بقى بالتوقعات =D