يوم
الخميس هيييييييييييييييح واخيرا يوم
خطوبتي لولولولولولولولولولي (وجاي بكرة يخطبني ومن زمان اصله عارفني عجباه يا ماما وعجبني
ومستحيل انه يسبني)=D
خلينا كده ناخد لفة في الشقة عندنا
انا ^_^ ضاربة بلوز سودة حملات والكمام
بتاعتها شيفون علي بنطلون ابيض وشوز بكعب عالي ابيض في اسود مع مكياج خفيف
ومسيبة شعري
سيبكوا من كل ده واقفة في المطبخ بتسنط وبحاول ابص كده بس الرؤية مش واضحة اوووي
والمفروض اني عشر دقايق كده واطلع بصنية الشربات بقي
وننتقل الي الصالون حيث عريسي حبيب
هارتي واخويا الموكوس توكي وام شيون وابوه واكيد ريا وسكينة عن امي وخالتي اتحدث
ايه ده شيون ماسك ورد لزوم الرومانسية بقي هييييييييح
,لحظة كده في كائن طفيلي قاعد جنب شيون
في الواقع هي كائنة تكونش اخته اه اكيد اخته امال جاي يخطبني وجايب موزة معاه مثلا
ده انا كنت دبحته,لالالالا بيقرو الفاتحة اهو لا انا كده هعيط
ام شيون بانشكاحة:امال فين عروستنا الحلوة؟؟؟
ماما :جاية حالا اهي
تم ارسال مندوب توكي جالي المطبخ عشان
يديني اذن بالخروج ودخل لاقي وشي احمررر ولا كأني لسه طالعة من الفرن
ليتوك بيضحك وبصوت واطي:كل ده وانتي سمعاهم بس,امال لما تخرج هتعملي ايه؟؟؟يلا يلا
بلاش تلكيع ودلع بنات
اداني ضهره انا مسكت سكينة ورفعتها
كأني هدبها في ضهره ليتوك لف رحت رمية السكينة وشلت الصنية زي الجزمة وخرجت ,ابوه كان اول شخص في طريقي
انا بصة في الارض ومادة الصنية:اتفضل يا اونكل
بعد كده عديت علي توكي وكان نفسي
اقوله اطفح بالسم ,وصلت لشيوني بقي ايوة بقي اموت انا بصلي وضحك ومد ايده اخد
كوباية (يالهوووووووووي بتبصلي ليه هي
ناقصة كسوف ده انا هنفجر من الكسوف قريب) ووصلت لاخته اللي بصتلي من فوق لتحت
وضحكت بسخرية واخدت كوباية(اما انك بت غتتة صحيح) امه بقي يالهوي علي امه اللي اول ما
شافتني راحت واخدة من ايدي الصنية وحطتها علي الترابيزة ومسكتني من كتافي
ام شيون بتبوسني:موووواااااااااااااه,امووووواااااااه,عسل قمر ما شاء الله امووواااه
اموووااااه (ايه يا ولية انتي لزقتي ولا ايه)
انا حاليا تلقيت صدمة بتقنية HD
شيوني اتاخر عشان اقعد جنبه تلك
الطفلة اللعينة قامت من جنب توكي قعدت جنب شيون وبكده بقيت قاعدة بيني انا وشيون
في النص محرم يعني
جي وون (اخت شيون)بتبصلي بقرف:ايه يا شوشو ده هي مالها عاملة كده
ليه لبخة ومعصعصة ومش مالية مركزها
شيون كاتم ضحكته:ايه مش عجباكي؟؟
جي وون بقرف وهي ماسكة دراعي
وبتتفحصني:خااااالص كنت متوقعة ذوقك احسن من كده يا شوشو (عليا الطلاق بالتلاتة هرتكب جريمة مش كفاية سكتالها وهي بتطلع فيا
القطط الفطسانة لا وبتقوله يا شوشوهو بنت اختك) >.<
ام شيون:ساكتة ليه يا عروسة؟؟ (اسكتي يا ولية بدل ما اقوم اردحلك)
انا ابتسامة كسوف (ايه رايكوا فيا وانا مؤدبة اجنن مش
كده ^_^ )
ماما:احم احم (الترجمة:اتكلمي يا حيوانة متكسفيناش ^_^
)
طنط ام شيون:يلا يا عريس عشان تلبس عروستك الشبكة
وعشان شيون يلبسني الشبكة والحمدلله
يعني جي وون قامت من جنبنا
تم تلبيس الشبكة (لولولولولولولولولولولولولولولي مبروك عليا)
بعد ساعة دعونا نقول بعد الغدا ابو
شيون وامه مشيوا وسابوا شيون لانه رايح مع ليتوك النهاردة عشان يخطبوا البت نور اه
ما انا ونور هنتخطب في يوم واحد ^_^ وجي وون لزقت فينا والسلام كم انتي
لزقة زي اخوكي بس عندك حاجة مش عند اخوكي سخيفة :P
ليتوك :نص ساعة كده وهننزل
شيون بانشكاحة:ماشي
انا بزعل:كنت عايزة اجي معاكوا
ليتوك بصلي بقرف:للاسف انتي جاية
انا بانشكاحة:ايه ده ازاي؟؟حصل امتي؟؟؟
ليتوك:نور قالتلي يا تجيب نورا معاك يا مش
هتجوز مليش فيه,واطية اساسا باعتني عشانك
انا:تصدق طلعت اصيلة
شيون بيشدني:تعالي اقولك حاجة
ليتوك بيضحك:حاجاتك كترت
دخلنا انا وشيون اوضتي (الملجأ ومكان الجريمة فاكر اخر مرة
اتقفشنا فيها يا شيوني.اوضة حبنا )
وقفنا مع بعض حبة رغي فاضي والسلام
وماسكين ايدين بعض شيون بصلي انا عارفة البصة دي يا واطي قرب مني حسيت بنفسه بيخبط
في وشي وبيختلط مع انفاسي ها هيلمس اهو واذا فجأتن ينط كائن طفيلي ويقف في النص
يبعدنا عن بعض بعد ما كنا لازقين في بعض (ليه كل حاجة حلوة عمرها قصير اهئ اهئ
اهئ)
جي وون بنظرة عتاب:بتعمل ايه يا شوشو؟ (بيحضر لاجتماع يختي)
شيون باصص في الارض وبيكح:ولا حاجة,في ايه؟
جي وون:زهقت من القعدة لوحدي,قلت اجي اقعد معاكوا ايه مشغولين
ليتوك واقف علي الباب:بلا هنتاخر
شيون بيضحك:لبست بدلة ونضفت يا معفن
جي وون مبرأة:مززززز اخر حاجة
وراحت حضنت دراع ليتوك
جي وون باصة لليتوك وعنيها بطلع قلوب
وهي حاضنة دراعه:انت سنجل صح؟؟؟
ليتوك بيضحك:سنجل يا موزة او مش سنجل انا قلبي
كبير ويسع من الحبايب الف,قولتيلي اسمك ايه؟؟
جي وون بصاله اووي ومذبهلة:جي وون,تشوي جي وون ,هيييييييييييييح
شيون بعصبية:احترم نفسك يا بغل,انتي يا حيوانة تعالي هنا
جي وون:مش قدام المز بتاعي طيب
شيون حس انه هيموتها وصوته بقي عالي:قلت احترمي نفسك وتعالي هنا
جي وون دلدلت شفايفها وسابت دراع
ليتوك وماشية بصة وراها ومبتسماله :خمسة كده هقرطس اخويا واجي
شيون مد ناحيتها وكان هيجبها من قفاها
انا واقفة قدام شيون وماسكاه:خلاص عشان خاطري (شفتي انا طيوبة ازاي رغم انك قطعتي عليا لحظة مينفعش تتقطع -_-
)
ليتوك بيظبط البدلة:يلا هنتأخر
انا خرجت برا وناديت علي ماما وخالتو
لبسنا الجزم والكوتشيات ونزلنا مش مهم رحنا ازاي المهم اننا رحنا ,ليتوك واقف هو وشيون قدام الباب بما
انهم الرجالة يعني ليتوك جاي يدوس علي جرس الباب لكن متردد
شيون راح دايس علي الجرس:يا عم خلص انت داخل امتحان فزيا
ليتوك بصله وجز علي سنانه وكان هيضربه
لقي نور جامد طلع مرة واحدة
ام نور:اهلا اهلا اتفضلوا
انا بمجرد ما حطيت رجلي في الشقة لقيت
حد سحبني من وسط اهلي وجي وون لزقة فا جات ورايا
نور بهمس:اتأخرتي ليه؟؟
انا بهير انبهرت:يا بنت الايه يا موزة
نور باذبهلال:يخرب بيتك ده انتي اللي موزة
مريم خارجة من اوضة نور بتطفح:موزة جتكوا البلي في شكلكوا افتكرولنا
حاجة عدلة
نور بتبص علي جي وون:مين دي؟
انا بملل:للاسف اخت شيوون
جي وون حاطة ايدها في وسطها وبصالي
بقرف(اشوف فيكي يوم حد عشان تكوني في المدرسة):افندم
انا بتصنع ابتسامة:العسولة القمر دي اخت حبيبي شيوون
جي وون اتعصبت:متقوليش حبيبي
انا بصتلها بصة مرعبة وبصوت واطي يخوف(انا ممكن ادفنك خلي بالك كله الا شيون):قلتي ايه؟؟
جي وون رجعت خطوتين لورا:ولا حاجة (هيهيهيهيهيهي جابت ورا)
مريم راحت ناحية جي وون وبتكلمها بلطف:اسمك ايه؟؟
جي وون:انا مش برضع علي فكرة
مريم باستظراف:اسمك حلو اوووي
انا:دي شرسة بس لتاكلك
نور بهمس:يوووه هيسمعونا يلا علي جوه
دخلنا الاوضة ونور متوترة
انا بحاول اهديها:يا بنتي متخافيش ما انا لسه مخطوبة
اهو وكنت زيك
مريم بتضحك:انا يوم خطوبتي ريووك بصلي كنت هوقع
عصير الفروالة علي حماتي لا وكانت لابسة ابيض
نور بخضة:ايه؟؟؟؟ ده ليتوك قاعد في الوش يعني
اكيد هيبصلي (في الخطوبة لا مفر من البصبصة)
انا برأت لمريم:اخرسي,انتي كل ما بتفتحي بوقك بتوتريها
مريم ببوز اطفال:اتكتمنا
نور بتوتر:لا انا خايفة
انا بعصبية:بس بقي ,هتتوتري الكحل هيسيح والمسكرة وهيبقي
شكلك اععععع مش قادرة اتخيل
نور:اوووف بقي حاسة اني هموت
انا بخضة:بعد الشر يا كلبة,بصي ابتسمي مش اكتر
جي وون بملل:انا مش فاهمة انتي متوترة كده
ليه؟شيون مز اكتر من ليتوك ونورهان كانت الي حداً ما كويسة
نور بعصبية:شيليها من قدامي
مريم اتخنقت من البت اللي بتعملنا
احقر من الخادمين:ما تتهدي بقي يا بت انتي
جي وون بتشهق وبتتكلم بتناكة:انا تشوي جي وون يتقلي يا بت
انا بملل:مش هتسكت انا عارفة الاشكال دي
الباب بيخبط ,نور اتوترت اكتر
ام نور بابتسامة:قرينا الفاتحة يلا عشان تقدمي الشربات
ونلبس الدبل يلا
نور بلجلجة:انا جاية
انا بابتسامة:فايتنغ^^
نور استسلمت للامر الواقع وخرجت
بخطوات تقيلة اتوجهت للمطبخ شالت الصنية بأيدين بتترعش وجسمها بيتنفض وتوجهت
للصالون وربنا يستر علي اللي قاعدين برا
بداية ادت لخالتو وماما امها شيون
واخيرا وصلت لـ ليتوك مدت الصنية عشان ياخد الكوباية
ليتوك بهمس:سسسسسسسـ نور
نور اتوترت واتلجلجت وبقت هبلة تماما
ليتوك بيضحك علي كسوفها وهبلها وبصوت
واطي وهو حاطط ايده جنب بوقه كأنه بينادي عليها:بحبك
(احييييييه دي البت كانت خايفة يبصلها قالها بحبك)
نور سمعت الكلمة دي ورزعت الصنية علي
الترابيزة
نور بلججة ووشها احمر وهي بصة في
الارض:بـ......بعد.......اذنكوا
وجريت علي اوضتها
خالتو بتضحك وكأنها معجبة بكسوف نور
ده
شيون غمز لـ ليتوك:يا عم الرومانسي البت هتموت منك
ام نور بابتسامة:معلش البت الهبلة اتجلجت ودخلت جوا
انا هنديلها عشان نلبس الدبل لحظة واحدة
وفي الاوضة
نور حاطة ايدها علي وشها اللي بقي شبه
الطماطم :يالهوووووووووووي هموت مش قادرة ركبي سابت
انا بضحك:يا ابن الايه يا ليتوك
نور بتلطم:بتضحكي علي اييييييييييييييه؟؟؟
مريم كاتمة ضحكتها:يا بت اهدي بقي,بصي كل اللي فات حمادة وكل اللي جاي
حمادة
نور:اطلعي من دماغ اهلي دلوقتي
مريم:انا قصدي اقولك ان الصعب خلاص عدي,هتلبسوا الدبل ومبروك وخلاص وننزل بقي
نروح البيت الموكوسة نورهان
نور باستغراب:ليه؟؟؟
انا -_- :بغض النظر عن كلمة الموكوسة اللي مش
هعلق عليها,عشان ماما عزماكوا علي العشا النهاردة
نور:اه صح افتكرت
ام نور بعصبية:قومي يا بت عشان نلبس الدبل,احم نورهان
انا:نعم يا طنط
ام نور:ليتوك وشيون عايزينك
انا قمت بانشكاحة:قلتي شيون؟؟
طنط بتضحك:اه روحي
انا خرجت بسرعة بانشكاحة وتوجهت ناحية
شيون اه بلا ليتوك بلا وجع دماغ ما هو في خلقة امي 27 ساعة في اليوم
ليتوك بيشدني:انا اللي عايزك
شيون بيشدني:سيب ايديها
ليتوك بعصبية:اختي وانا حر
شيون بنبرة حادة:خطبتي,عندك مانع؟؟
انا:ممكن تسيوبني للحظة حسيت اني فرخة
شيون بصلي بنظرة جادة:اسكتي
انا بدلع:شيون حبيبي ممكن تتاخر شوية كده
شيون اتاخر انا قعدت وبكده بقيت في
النص بين ليتوك وشيون اللي كانوا عمالين يتخانقوا (انا شخصية مهمة لدرجة انهم بيتخانقوا
عليا ,تبا لتواضعي)
انا اه قعدت في النص بس علي مين لزقة
لشيون طبعا وابتدي بينا شغل النحنحة والسهوكة ^_^
نور خارجة من الاوضة مكسوفة ووشها في
الارض -_- قعدت جنب ليتوك,ليتوك انشكح طلع علبة قطيفة من جيبه
وفتحها اخد الدبلتين وراح رامي العلبة وراه وبص لنور وانشكح اوووي حركة ليتوك دي
زادت نور كسوف علي كسوفها وبقت زي القمر مع خدودها اللي اتلونت باللون الاحمر كان
شكلها كيوت اوي,نور مدت ايديها ليتوك لبسها الدبلة ومد الايد التانية عشان
يديها الدبلة بتاعته نور اخدتها وكل ده وهي بصة للارض وتقريبا ناوية تصاحبها ليتوك
مد ايده هو كمان نور لبسته الدبلة ليتوك شد ايد نور وباسها وفي ظل الجو الرومانسي
ده افوق علي صوت خرم وداني زغاريط(كم هي مزعجة)
ليتوك بابتسامة بيهمس في ودن نور:مبروك عليا انتي
وبعد مدة من الزمن ماما اتكلمت مع ام
نور وقالتلها ان نور هتيجي معانا عشان عاملة عزومة حلوة كده ليا انا وشلتي وام نور
واافقت الحمدلله عشان مرارتي اتفقعت من الرومانسية دي ,روحنا علي البيت امي و خالتي داخلوا
المطبخ وانا ونور وشيون وتوكي قعدنا في الصالة نهزر ونضحك وجي وون فاتحة فيس من
علي الموب ,الباب خبط
امي من المطبخ:افتحي يا مقصوفة الرقبة
شيون بصلي وهو كاتم ضحكته
انا انشكحت(عادي اتعودت بقي):ايوة جاية
فتحت
الباب ولقيت ناس كتير عدوا من جنبي بسرعة وانا واقفة متنحة وبصيت ورايا دونغهي
وريووك جريوا علي ليتوك وشيون ونرمين ومريم علي نور
دونغهي بغمزة:يوة يا عم خطبتوا واتدبستوا زينا
ريووك بانشكاحة:مبروك يا شيون مبروك يا ليتوك (كم انت سيس)
ريووك سابهم وجه ناحيتي وهو منشكح
وراح قافل الباب
ريووك بيقرصني في خدي:مبروك يا نورا
شيون ماخدش باله الحمدلله
انا رحت قعدت مكاني:فين ييسونغ وكيبوم؟؟
نرمين :كيبوم بيجيب الموزة بتاعته
مريم بقرف ممتزج بالحقد:موزة؟؟
انا :احم احم,وييسونغ
مريم:راح مع كيبوم يختي
جي وون متنحة وقامت راحت وقفت قصاد
دونغهي:احلف انك حقيقي
دونغهي مبتسم(ابتسامة شريفة مش معاكسة)
ومد ايده:انتي جي وون صح؟؟
جي وون حطت ايديها علي بوقها:انت مرتبط؟؟
نرمين بملل:معاك جنيه فكة؟؟
شيون بعصبية:وهي شحاتة؟؟
نرمين باستغراب:مين دي اصلا؟؟؟؟؟
شيون اتنهد:اختي
نرمين بنظرات بريئة:اوبس
دونغهي بينكش شعر جي وون:كيووت اوي
جي وون ماسكة الموب بتاعها:رقمك كام؟؟؟
شيون بعصبية:بت تعالي هنا
قام جبها من قفاها وهي قاعدة تبص
لدونغهي وعنيها تطلع قلوب دونغهي بصلها وابتسم وملحقش يلف وشه اخد بالكوع في بطنه
يا حررام
الباب خبط تاني
امي من المطبخ:افتحي........
انا بملل:يا مقصوفة الرقبة,قايمة اهو
فتحت لقيت قرد نط قدامي
كيبوم بانشكاحة:صباح الفل
انا -_-:صباح دي اللي بتغني يا ولا ادخل
دخل وبص وراه ملقاش حد
كيبوم واقف علي الباب:ادخلي,يوووه تعالي بقي (شدها)
كيبوم بانشكاحة حاطط ايده علي كتاف ندي:اعرفكوا ندي
نرمين زقت ايد دونغهي وقامت جري:يااااه اخيرا,ازيك يا ندي
ندي مدت ايديها عشان تسلم علي نرمين:الحمدلله
ييسونغ داخل
انا جريت عليه
انا بنعكش شعر ييسونغ:خطشيبي الصغنون وصل
ييسونغ بيضحك:موزتي وحشتيني
