ملاكى نحس الانحاس المنحوس البارت التاسع

اليوم السابع عشر ( فى بيتنا سوجو )

غادة صحيت لاول مرة قبل ليتوك عشان تلحق تحضر الوليمة 
شوية وصحى بعد ما حس بدوشة فى البيت قام لقاها قاعدة فى الارض والاكل حواليها وعمالة تشتغل 

ليتوك : هو فى ايه ؟

غادة : مش ناقصة زهايمر على الصبح مش شايف بحضر للتدبيسة اللى دبستهالى اركن على جنب بقى 
ليتوك : انا اللى دبستك برضومش اول ما قولتلك قمتى اتحزمتى ورقصتى اشربى بقى 
غادة : طب غور من وشى الساعة دى بدل ما اديك بالحلة فى دماغك 

ليتوك : خاف يا تيوكى خاف هو مين اللى شغال عند مين يا شئ 
لسة هتحدفه بالحلة كان هرب الجبان
ليتوك فى سره : ماشى يا غادة هتروحى فين هعرفه النهاردة يعنى هعرفه
فضل قاعد طول اليوم لحد ما خلصت وقامت تروش نفسها بقى 
دخلت الاوضة وخرجت لابسة فستان ابيض قصير حبتين تلاتة اربعة 

 ليتوك اول ما شافها اتحول

ليتوك بعصبية : انتى هتقابليهم كدة ؟

غادة : اه ليه وحش ؟
ليتوك : زبالة عريان اوى خشى غيريه
غادة : انا حرة البس اللى يعجبنى مش فاهمة انت معترض ليه اساسا
ليتوك : ااااش اولا يا بابو دول 14 شاب تتطلعى عليهم بالمنظر ده وكمان ده منظر حد شغال عندى كدة هيشكوا ان فى حاجة بينا 
غادة : كويس فكرتنى هروح البس مريلة المطبخ بقى عشان ابان انى شغالة عندك 
ليتوك : مريلة مطبخ عاااااااا ارحمنى يارب غورى غيرى الهباب ده بسرعة
غادة : تؤ تؤ تؤ
جريت وهو وراها بالمقشة دخلت اوضته دخل وراها وقفل الباب عشان متعرفش تزوغ 
ليتوك : ليلتك لون شعر يسونغ قبل الصبغة 
غادة طلعت وقفت على السرير طلع وراها تنزل وهو ينزل وفضلوا  يلفوا ورا بعض لحد ما ليتوك وقف وهى لسة مكملة لحد ما لقت نفسها فى وشه فضلت ترجع لورا وهو يتقدم هى ترجع وهو يتقدم لحد ما لزقت فى الحيطة رفع المقشة
غمضت عنيها : خلاص خلاص هغيره خلاص

سمعت صوت المقشة وقعت على الارض فتحت عين واحدة قلبها وقف ليتوك فى وشها بالضبط فضل يقرب اتجمدت وغمضت عنيها قرب وقرررب وهوبا جرس الباب رن
فتحت عنيها لقته بعد عنها وفتح الباب وخرج يفتح للكبسة اللى جت الحبايب كلهم وصلوا بالسلامة فضلوا يسلموا ساعة 14 نفر مش قليل يعنى 
دخلهم وراحلها المطبخ : الاكل جاهز ؟
غادة موطية راسها : ثوانى وكله هيبقى جاهز 
فضل واقف معاها لحد ما خلصت وخد منها كل حاجة وطلعها وهى مخرجتش
فضلت قافشة لحد ما خرجت تقدم الحلو وترحب بالحبايب 
غادة اخدتلها ساعة بتستوعب ان اللى قدامها ده حقيقى وبعد فترة الاستيعاب ما عدت 
غادة : لوووووووووووولى يا ويلكم يا ويلكم يا الف مليون ويلكم 
هيتشول : ايه ده يا تيوكى انت جبت قطة جديدة ؟

غادة : طب اتكتم بدل ما اخربشك 
كيو : نيهاهاهاها علمت عليك يا هيونغ 

هيتشول بصله البصة الهيتشولية

 وكيو رد عليه بالبصة الكيونية ( كل اللى قاعدين هيولعوا يخربيتكوا حد يحوش )

وليتوك قاعد مراقب الموقف واستبعد كيو وهيتشى 
شين دونغ دخل وسطهم : بسسسسس ناكل الحلو الاول وبعد كدة ولعوا فى بعض الا فين الحلو يا مزمازيل ؟!!

غادة : يالهوى انت لسة عندك مكان فاضى حاضر يا دبدوبى هجيبلك 
ليتوك استبعد شين 
هيوك : هيونغ هيونغ عايز حليب بالفراولة 

ليتوك : مفيش شطبنا خلاص
هيوك لسة هيعيط دونى خده فى حضنه : معلش يا بيبى اول ما ننزل هجيبلك 

هيوكى ابتسامة طفولية : بجد 
دونى هز راسه (اه)
ليتوك : اشكو اليك 
غادة : انا عندى حليب بالفراولة استنى اجيبهولك الجويلز بعتهولك 
دخلت جابت الحليب والقرد 
غادة : اتفضل يا سيدى شبهك الخالق الناطق
هيوكى خد القرد على حجره وقعد يلعب معاه وهو فرحان اوى 
دونى اتقمص : هيوكى سيب القرد ده وتعالى العب معايا

هيوك هز راسه ( لا)
غادة : سيبك منه الالفيش بعتولك انت كمان 
ادتله السمكات : واااااااه عيالى كيوبتااااااااه 
فضل ده يلعب مع القرد وده مع السمكة وليتوك حطهم على رأس المستبعدين 
شيون : طب وانا حدش افتكرنى بحصان ولا حتى جحش صغير ؟

غادة : ودى تيجى برضو اتفضل يا سيدى الشيونست بعتولك كلبات كلابك ابقى اعزمهم على الفرح بقى 
شيون : with my pleasure

غادة : يرحمكم الله 
جابت الكنتاكى والسبرايت وادتهم لهنرى وشدته من خدوده : خد يا كوتى بوتى السترينج بعتولك دول عشان تاكل بدل ما انت بقيت شبه عصاية الغلية كدة 
هنرى : ثوكرا يا طنط

غادة لسة هتسكعه على قفاه كانغ ان وقفلها 
كانغ ان بنظرة مرعبة وصوت عالى : انتى هتعملى ايه فى الواد ؟

غادة قلبت رعب هى كمان وبصوت اعلى : هضربه على قفاه حد ليه شوق فى حاجة ؟

كانغ ان : لا خالث بس بصى عايزه يطرقع لو معجبنيش هجرب انا 
غادة : هار منيل لالالا خلاص زوجاته عايزينه 
كانغ ان : بشوقك 
وليتوك قاعد يكتب سيون هيهيهي برة هنرى هيهيهي برة كانغ ان هيهيهييهات بررة

غادة راحت تجيب السلاحف : اتفضل يا ابو كف رقيق وصغير من الكلاودز
يسونغ : والنبى دول ليا طب استنى اغنيلهم بقى 
 غادة : ملوش لزوم الجيران هيطلبوا لنا الشرطة
يسونغ : لا هغنى يعنى هغنى بقى والواد ووكى هيغنى معايا 

ريوك : وانا مال اهلى انا يا عم مش عايز اغنى انا 
يسونغ : انا حزناااااااااااان ( سكع ريوك قفا ) غنيلى يا قصيرررر
ريوك : يا مهون هون هون 

يسونغ : نيهااااااهااااا هند رستم
ريوك : لا يا هيونغ الا هند 
يسونغ : يلا ياض بدل ما اسكعك قفا تانى 
غادة : ما تهمد يا عم انت بقى 
يسونغ قاملها : بتقولى ايه يا بت انتى ؟

سونغمين رما الطبق اللى فى ايده بالقصد وقام مسك يسونغ وغادة من قفاهم
سونغمين : انتوا هتهمدوا فى ليلتكوا دى ولا هطربق الاطباق دى على دماغكم

غادة : انا برئ يا بيه والله 
يسونغ : سيب الشاكيت يا هيوان انا الهيونغ
سونغمين رما يسونغ : لا مؤاخذة يا هيونغ 
ولسة قافش فى غادة : سيب الشاكيت يا بجر تايوانى انا النونا (رماها )
غادة : هيهيههى اهبل اوى الواد ده ( طلعت تجرى)
 جابت كشاف النور 
غادة : الميتانج كان نفسهم يبعتولك عمود نور بس مقدرتش اشيل مشى نفسك بده مؤقتا
جومى مش واخد باله ان الكلام عليه هان هزه : بتكلمك يا فيرع
جومى : انا 
هان : للاسف اه اينعم انا اطول منك بكتير بس يلا حظوظ يا ابن المحظوظة 
جومى خد منها الكشاف : ثوكرا يا طنط

غادة : عاااااااا طنط برضو طب التانى كنت هضربه على قفاه وخلاص اطول انا قفاك ازاى دلوقتى شيون ما تيجى تشبكلى 
شيون عمل نفسه مش من شرم : تصبحوا على خير ايها العالم خخخخخ
غادة : اه يا واتشى مفيش حد جدع يجى يشبكلى عشان اطول قفاه 
الاعضاء بصوا لكيبوم وهو ولا هنا 

غادة : هى مالها تلجت كدة ليه ولا انا باينى جعان عليه العوض ومنه العوض مش هعرف اخد حقى 
هان : ههههههه سيبك منهم انتى مين بقى اوباتك فينا ؟
ليتوك ركز اوى وفى سره : ايوة هو ده 
غادة : انا الف وبس 
هان : بس اكيد فى حد فينا مميز كان سبب حبك لينا كلنا 
غادة بصت لليتوك ورجعت بصت لهان : معلش ممكن مجاوبش على السؤال 
هان : اه طبعا براحتك 

كيو من كحك لكحك لهيتشول : خدتلى بالك انت هو مين ؟
هيتشول : نيهاهاها طبعا يا واد 
شوية واللمة اتفضت وكلوا مشى والهدوء رجع للبيت
غادة داخلة اوضتها ليتوك وقفها : انتى ليه مقولتيلوش على اللى فى قلبك ؟
غادة : نعم ؟!!
ليتوك : اتكسفتى تقوليله انك بتحبيه تحبى اقوله انا ؟
غادة : هو مين ده ؟
ليتوك : هان طبعا
غادة ابتسمت ابتسامة استنكار ودخلت اوضتها وهو دخل اوضته هو كمان
غادة : هان يا حمار انا بحبك انت 
ليتوك : هان يا حمارة انا اللى بحبك 
وانتهى اليوم السابع عشر وكل واحد فاهم التانى غلط 

اليوم الثامن عشر ( ملاكى ام ايدين مسلوخة )
   
الصبح طلع والاتنين صحيوا فى وقت واحد كل واحد فتح الباب وطلع راسه عشان يشوف التانى فين 
اول ما طلعوا راسهم وشافوا هبل بعض خرجوا ولا كأن فى حاجة 
غادة جريت على الحمام قبله ورزعت الباب فى وشه 
ليتوك : ده بيتى ده على فكرة ممكن ارميكى فى الشارع
غادة : ولا تقدر 
ليتوك : ايه الرخامة دى ما تروحى بيت حبيب القلب يمكن ياخدك معاه على الصين
غادة فتحت الباب بعصبية : حبيب مين بقى انا لو ليا حبيب كان هيسبنى اتبهدل عندك كدة 
ليتوك : وبالنسبة لهان
غادة : يادى هان اللى واكل دماغك صحيح اوبا زى القمر ويه ايه ده هو القمر ذات نفسه بس مش استايلى نحس انا عارفة
غادة كانت ساندة على الحيطة حط ايده على الحيطة واتحشرت بينه وين الحيطة 
ليتوك بابتسامة خبث : ومين هو استايلك بقى ؟

ماذا سيحدث بعد هذا الخبث  و مين هى ام ايدين مسلوخة ؟
ده اللى هنعرفه فى البارت القادم
ما أراء حضراتكم فى هذا البارت والتوقعات اهم حاجة اللى بتجبلى شلل دى =D