أسرتُ من نظرة ♥ Part 3

  

نور عمالة تتنطط وتزعق مع ليتوك:قوم بقي اييه اللي انت عاملة ده

ليتوك فتح عنيه وبصلها وبصوت محشرج:اعتبريني بخونك وامشي بقي عايز انام

انا لما سمعت كلام ليتوك(بخونك) فتحت عيني لقيت نفسي نايمة في حضن ليتوك وليتوك حاطط دراعه تحت راسي واللي يشوفنا يقول بيحبوا بعض مفيهاش نقاش

 ,قمت بسرعة ونطيت من علي السرير

نور بتبصلي بنظرة حقد وغيرة:ما لسه بدري ولا تحبي تنامي في حضنه شوية كمان

انا نغزت ليتوك في دراعه عشان يقوم ما هو اللي حطني في الموقف ده

ليتوك نطر البطانية من عليه وقام وهو بينفخ:في ايه يا نور,بتكلميها كده ليه؟

نور بعصبية:ابدا دخلت لقيتها نايمة في حضنك المفروض ابقي هادية

ليتوك وهو بيفرك في عينه وبينكش شعره:انا اللي نمت جنبها هي ملهاش دعوة,وبعدين انتي بتغيري من نورهان دي اختي في الرضاعة يعني مفيش مجال للخيانة(مسك وشي بأيده)وبعدين بذمتك دي خلقة أخونك معاها دي شبه علبة السردين

انا حطيت إيدي في وسطي :نعم يا عنيا هي مين دي اللي علبة سردين ده انا موزة

ليتوك زقني:غوري يا بت,بص لنور:صباحو يا قلبي

نور ابتسمت بكسوف:صباحو,(بصتلي)انتي مش بتردي علي تليفونك ليه يا نورا؟

انا:تقريبا ضاع انا مش لاقياه من امبارح

ليتوك:طيب البسي بقي عشان نروح الجامعة ,عشان هعدي علي شيون

انا عنيا وسعت وبقت تطلع قلوب: قلت شيون

ليتوك بتردد:لا انا مقلتش

انا وهيمانة علي روحي خالص :متكدبش انت قلت كده

ليتوك باستسلام :اه قلت,بس ده مش معنـ.......

انا قاطعته ومسكت في دراعه زي العيلة الصغيرة:اجي معاك اجي معاك

ليتوك بنبرة حادة:لا طبعا

انا بعيون قطة شريك اللتي لا تقاوم:كده يا توكي

ليتوك بصلي وبعصبية:خلاص هاخدك معايا بس بشرط تحترمي نفسك

انا وانا بزق ليتوك برا الاوضة:حاضر,يلا عشان اغير هدومي

خرجته وقفلت باب فتحت الدولاب بتاعي وطلعت طقم

 بسيط وشيك اووي لبست وسرحت شعري وبصيت في المراية كنت موزة فظيعة متتوصفش كنت احلي من امبارح فتحت الباب وخرجت

ليتوك لطم:انا قلت هنروح الجامعة مش هاخدك كباريه

انا :شكلي حلو؟

ليتوك: لا ده مكشوف اووي روحي غيري

خالتو خارجة من المطبخ:بسم الله ما شاء الله عليكي تتحسدي قمر يا حبيبتي

ماما:كبرتي وبقيتي عروسة يا موكوسة      (ماما لازم تشتمني ^_^ )

ليتوك:بس ده مكشوف اووي يا خالتو

ماما:مطقتعش برزق البت يمكن تلاقي عريس واخلص منها

نور ومريم مقدروش يمنعوا نفسهم من الضحك وليتوك كان علي الارض وماسك بطنه

انا بنظرات غضب:ماما هو انا مش هلاقي عريس غير لما البس طقم ملفت,طب ايه رايك انا داخلة اغير

نور بخضة:لا انتي كده تمام

غمزتلي وانا فهمت انها عايزاني ابقي موزة قدام شيون رغم اني معارضة الفكرة الا ان نور غلبتني واحنا كنا متأخرين ووصلنا بيت شيون اخيرا ونزل شيون وريووك ودونغهي ونرمين 

ليتوك:انتوا هنا من امتي؟

ريووك ودونغهي في نفس اللحظة:من نص ساعة

ويشاء القدر ان كل واحد يجتمع بموزته ويفضل انا وشيون ,شيون كان ماشي جنبي وفي مسافة بينا

شيون بكسوف:ازيك؟

انا بصاله بكل بجاحة:انا كويسة الحمدلله

وفجأة رفع وشه وتتقابل عنينا في نفس اللحظة انا وشي بقي احمرررر وبصيت في الارض بسرعة شيون ابتسم وكأن كسوفي ده عجبه اوووي ولاحظت ان شيون قرب مني ومبقاش في بينا مسافة كبيرة زي الاول والصمت هو سيد الحوار بينا الشارع كان فاضي وكان نادرا  لما تلاقي حد معدي واحنا ماشيين في حمار سلمنطح (انا اشكره جزيل الشكر ^_^ ) عاكسني

الحمار بطريقة تدل علي انه مبرشم وحالته حالة:اموت انا ايه المزز الجامدة دي علي الصبح,ما تيجي يا موزة    (مش هروووح)

شيون بصله بنظرة غضب وكان رايح يضربه لكن انا مسكته من دراعه وشديته ومشيت ومدينا وبعدنا عن الحمار

سيون وهو بيزقني: اوعي

انا بعصبية:انت بتتعصب عليا انا ليه هو انا اللي قلتله عاكسني؟

شيون:ما هو لو حضرتك......امشي يا نورهان يلا قدامي

انا مشيت بكل عصبية وكنت هموت من الغيظ لحظة كده خلوني افكر في اللي حصل ده اضايق يعني بيغير ايوة بيغير واضح انك وقعت ومحدش سمي عليك انا عايزة اصوت شيون بيغير عليا يا بشررررررررررررررر ,ماشية وفي انشكاحة غبية مرسومة علي وشي مش في وقتها خالص

شيون بصلي باستغراب وعصبية:هو اللي حصل حاجة تضحك؟

انا بتوتر وبقول لنفسي يا غبية:انا.........

شيون اتنهد وبص قدامه لقي باقي الشلة اختفت ومفيش غيرنا في الشارع مسكني من دراعي جامد وانا مستحملتش فا زقيته ومشيت في نص الطريق ومأخدتش بالي ان في عربية هتشلني في طريقها واذ فجأتن الاقي نفسي في حضن شيون(لمجرد التخيل هيغمي عليا)

وحسيت بيه وهو بيتنفس بسرعة وحاضني جامد وقلبه بيدق جامد ولا اجدعها طبلة اما بالنسبة لقلبي فا هوو تقريبا انفجر

شيون بعدني عنه وماسكني من كتافي وبقلق: انتي كويسة

انا:..................(لا يوجد اشارة)

فلاش بااك*********

بعد ما زقيت شيون ومشيت في نص الطريق سرحت بافكاري كالعادة وكان في عربية جاية بسرعة شيون كان بينادي عليا بس انا مكنتش سمعاه فا جري ناحيتي وشدني بسرعة من دراعي ولزقني في حضنه

عودة من الفلاش باك

شيون بيرجني:نورهان انتي كويسة

انا بجلجة:اه اه كويسة

شيون غمض عنيه واتنهد براحة واخدني في حضنه تاني:الحمدلله

انا عنيا كانت علي وسعها وهنا شيون اخد باله من اللي عمله وزقني بعيد عنه بسرعة

شيون بلجلجة وتوتر:انا اسف انا اسف

انا مشيت من غير ولا كلمة وهو كان ماشي جنبي ومحافظ علي المسافة اللي بينا

شيون في سره بيفكر: ايه اللي انا عملته ده,ازاي سمحت لمشاعري انها تسيطر عليا,غبي هتقول عليا ايه دلوقتي

انا بقي بفكر:هييييييييييييح حضنك حلو يا ابن اللذينة ,ما تيجي نعملها تاني يالهوي حاسة اني هموت,يا تري هو بدأ يحبني ولا لا

وفجأة لقينا نفسنا قدام باب الجامعة وبقينا نبص لبعض باستغراب

السبب في اختفاء الشلة هو ان احنا لمفروض بندخل في شارع جانبي بيودي علي المترو انا وشيون سرحنا وفضلنا ماشيين لحد ما وصلنا للجامعة مشي بينما باقي الشلة دخلت في الشارع ده وركبوا المترو ,دخلنا انا وشيون الجامعة ولقينا الشلة خارجة من المحاضرة

ليتوك : ما لسه بدري فاتتكوا المحاضرة الاول,بس ايه الدكتورة كان صاروخ

واذ به ياخد كوع في بطنه من نور يجيبه الارض

ريووك: احترم نفسك في بنات واقفة

دونغهي بضحكة:تستاهل

شيون بانشكاحة: قولتوا فين الصاروخ؟

هنا كان نفسي اديه قلم يجيبه الارض صاروخ مين يا ابن التيت انت مش لسه حاضني من شوية

ريووك بيهز راسه (مفيش فايدة):قلنا في بنات واقفة

وفي الحوراات السافلة دي جات واحدة من بعيد وبتشارلي بايديها

نانا:نورهان هاااي

(نانا ده دلع اسمها الحقيقي ناريمان اد ايه بكرها دايما بتحاول تفرق بيني وبين نور لانها بتغير من صداقتنا وخصوصا مني حبيبها هو كابتن هيتشول نانا تعتبر بل هي بالفعل عدوتي)

انا بابتسامة سخيفة: هااي عليكي

نانا بابتسامة :ازيكوا,اعرفكوا بحبيبي هيتشول

انا في سري: حبيبيك,يا بجاحة اهلك

نانا وهي بتبص لشيون: وااو مين المز ده؟,متقوليش انه حبيبك,ومتقوليش ليه هو اصلا استحالة يصاحب واحدة زيك

انا اتكيت علي سناني وفي سري:يا بنت المضايقة وربنا هزعلك

وبعدين بصتلها بعصبية: ليه مالها اللي زيي ,انا اصاحب اللي احلي منه كمان

نانا بتضحك بسخرية وبتتكلم بنظرة تحدي:طيب اكيد حبيبك الوسيم القمور هو واحد منهم ما تعرفيني عليه,ولا انتي يا حررام لحد دلوقتي ملقتيش اللي يصاحبك

انا اتوترت: اه اكيد هعرفك عليه

ليتوك فتح بوقه من الصدمة

شيون لما بص في عيون نانا وشاف نظرة التحدي دي فهم انها بالتأكيد عدوتي

شيون بابتسامة ساحرة ومشرقة مشوفتهاش قبل كده راح شاددني ليه وحط ايدي في دراعه وبص لنانا: ايوة انا الوسيم القمور انا حبيب نورهان

ليتوك وقع علي الارض ريووك بوقه وقف علي وضع الاندهاش

نانا باحراج بعد ما اتكبست:اه اهلا وسهلا يا...

شيون: اسمي شيون

شيون بص لنانا وهيتشول بقرف بعد كده بصلي بابتسامة مشرقة وساحرة اكتر من الاولانية:يلا يا حبيبتي

وشدني ومشي وساب نانا تاكل في نفسها وبعد كده راح حاطط ايده علي كتفي ,بعدنا عنهم تماما وشيون شال ايده من علي كتفي ولسه هيعتذر رحت نازلة بكفي علي وشه وسبته ومشيت ليتوك كان جاي وشافني وانا بضربه ,شيون كان حاطط ايده علي مكان الضربة ومستغرب اووي المفروض اني اشكره عشان انقذني من موقف زي ده بصراحة ده كان تفكيري لكن تسألوني ضربته ليه اقولكووا غباء مني او تفكيري كان مشوش ومعرفتش اعمل ايه ,شيون جري ورايا مسكني من دراعي وقفني

شيون بندم:انا اسف,انا بس لاحظت نظرات التحدي اللي بينكوا وحبيت اساعدك مش اكتر

انا وعنيا بتلمع من الدموع وبصوت مخنوق:محدش طلب منك مساعدة

شيون: انا اسف

سبته ومشيت ومحضرتش ولا محاضرة والاحداث بتاعت الاسبوع ده كانت مملة اووي عشان كده هختصرها في كام سطر

نور وليتوك النحنة والحب مستمر بينهم وقدامي حتي مش بيحسوا وعادي بالنسبة ليهم

مريم وريوك مفيش تطور في علاقتهم اووي تقدروا تقولوا اصحاب مقربين مش اكتر

نرمين ودونغهي دول اللي مفضوحين علي الاخر والسهوكة اللي بينهم والسخافة مش بتقل

اما بالنسبة ليا من ساعة اللي حصل وانا مش بروح الجامعة بقالي اسبوع معسكرة في البيت ومهما ماما تقنع فيا وليتوك يشتمني ويزعقلي ويهزئني انا بردو مش راضية اروح بقيت باكل بالعافية

بالنسبة لشيون كان ندمان وكان هيتجنن ويشوفني لدرجة انه فكر يجيلي البيت بس هيقول لاهلي ايه وجاي بصفته مين فكل اللي بيقدر يعمله هو انه يصبر لحد ما انا اعقل وانزل الجامعة تاني

وفعلا انا بقيت احس بملل فظيع وشيون وحشني اوووي هموت واشوفه بس مش هقدر ارفع عيني في عينه بعد اللي انا عملته واخيرا قررت اني انزل الجامعة بكرا صحيت الصبح بدري لبست ونزلت لوحدي من غير ليتوك ومريم ونور ودخلت الجامعة وكنت خايفة اشوفه فجأة قدامي ومعرفش اعمل ايه ,وفعلا ده اللي حصل دخلت ولقيته واقف مع اصحابه لمحني من بعيد وسابهم وجه جري ورايا انا دخلت في المكان اللي دونغهي زقني فيه علي شيون وشيون دخل ورايا مسكني من دراعي

شيون: ازيك؟,مكنتيش بتيجي ليه؟

انا بقيت عايزة اقوله اختفي من قدامي والا انا مش مسؤلة عن اللي ممكن يحصل 

شيون بنظرات قلق:مش بتردي ليه؟

لقيت نفسي اترميت في حضنه بدون اي مقدمات وبدأت اعيط لانه فعلا كان واحشني اوووي 

سموها بجاحة او انه واحشني مش فارقة اهم حاجة اني في حضنه واني عملت اللي يريحني ,في الاول شيون مكنش عارف يعمل ايه لكن بعد كده سند بدقنه علي راسي وشدني ليه اكتر وقفل بدراعاته عليا جامد وغمض عنيه انا هديت شوية,وهو حس بضربات قلبه هديت بعد ما كانت عاملة انقلاب ,بعد حضن دام لمدة عشر دقايق تقريبا,شيون بعدني عنه

انا بلجلجة:انا....

شيون حط صباعه علي بوقي:هشششششششش

شيون بص في وشي وقرب مني حسيت بأنفاسه بتخبط في وشي ولمس شفايفي بدأ يبوسني بمنتهي الرقة وبعد كده زقني علي الحيطة جامد وسند بايده علي الحيطة

وهنا اتحولت من مجرد لمس شفايف لبوسة عميقة بتحمل معاني الشوق والحب محاولتش امنعه لاني بصراحة كنت عايزة ده يمكن اكتر منه في اللحظة اللي انا كنت مسافرة فيها في عالم تاني عالم مفيهوش حد غيري انا وشيوون, نور وليتوك كانوا قالبين عليا الجامعة نور جت في المكان اللي احنا فيه ولسه هتدخل لمحت شيون وهو مغمض عينه وساند علي الحيطة قربت شوية لقيته بيبوسني ابتسمت وكانت فرحانة ان العلاقة بيني انا وشيون اتطورت بالسرعة دي,انا وشيون كنا في عالم تاني مش حاسين بحد خالص حتي مش حاسين بنفسنا البوسة طولت اووي وشيون بيحس ان عايز يقربني ليه اكتر نور كانت واقف وسرحانة ليتوك جه والغبية اتوترت واتلجلجت وبوظت الدنيا

ليتوك بقلق وهو بينهج من كتر الجري:لقتيها

نور بتوتر جامد:لا لسه بدور اهو

ليتوك:دورتي هنا(المكان اللي انا وشيون فيه)

نور: لا اقصد مش موجودين مش موجودة يعني

ليتوك زقها ودخل وشاف المنظر الرهيب ده ليتوك اتصدم

ولولولولولولولولولولولولي زغرطي يا ابلة سعاد هتعلق النهاردة ^_^