(اوضتي بقت مبوسة احيييه يا ابو سوسو
احيه) وفي تلك اللحظة الفظيعة المليئة بالمشاعر باب اوضتي يتفتح وامي
خالتو بحنيتهم الفظيعة جايبين كيكة وشاي بلبن عشان الجو برد (مش عارفة انا الكيكة والشاي بلبن دول
مش بيخلصوا من بيتنا من اول القصة ملازميني) طششش الصواني وقعت الكوبايات اتكسرت
بعد ما امي وخالتو شافوا المنظر ده ,انا زقيت شيون وجريت,ليتوك نفض لنور وخد ديله في سنانه
وحصلني ,وانا وليتوك واقفين علي السلم
انا بطنطط:هنروح فيييييييين؟
ليتوك عمال يبص حواليه:مش عااااااااااارف
احيييييييه اتقفشنا ,مفيش خمس دقايق كنا انا وليتوك قاعدين
علي ركبنا في الصالة وزي المذنبين بالظبط بينما الحلوين واقفين علي باب اوضتي
بيتفرجوا علينا,وهنا بدأت حرب الاكتاف
ليتوك بيضربني بكتفه وبيجز علي سنانه:ادي اللي بناخده منك
انا بضربه في كتفه بكتفي:وانا مالي يا اخويا هو انا اللي
اتنيلت
ليتوك بيضربني بكتفه في كتفي:لا انا اللي شيون جالي لحد هنا عشان
يعتذر (كتفي اتخلع)
انا لسه هديله في كتفه لقيت ماما
جيباني من ودني
ماما مسكاني من ودني:انتي يا عيلة يا مقصوفة الرقبة ايه
اللي بتعمليه ده ,ده انتي لسه مطلعتيش من البيضة
انا بتذمر اطفال:يا ماما بقي ما هو خطيبي
ماما سابت ودني اللي اتهرست في ايديها:خطيبك مش كاتب كتابك يا روح امك
انا بصيت في الارض:اووف بقي
ماما بنظرات شريرة:مش خطيبك وفرحانة اووي قومي بقي ادخلي
المطبخ اغسلي الاطباق وظبطيه عيزاه بيلمع
انا:ايه علاقة انه خطيبي باني اغسل
الاطباق
ماما:مش هتتجوزي قريب لازم تبقي ست
بيت ولا عيزاهم يقولوا
معرفتش تربي
انا:يا ماما بقي
ماما بنبرة حادة:سمعتي انا قولت ايه يلا قومي
انا ببوز اطفال زعلانين:ماما انا مش بعرف اعمل الحاجات دي
وانتي عارفة
ماما بابتسامة نصر:تتعلمي,امال لما تروحي بيتك هتعملي ايه هتسبيه
معفن
ليتوك بيصقف بانشكاحة:هتتظبطي
خالتو وهي قاعدة علي الكنبة وبنبرة
حادة لا دي نبرة امر:متخافش يا حبيبي هينوبك من الحب جانب,ما
انت اكيد مش هتسيب مراتك تعمل شغل البيت كله لوحدها عشان كده يا حبيب ماما
قوم امسح الاوضة يلا
انا فصلت ضحك
ليتوك بصلي بغضب:ايه حلوة اووي كده؟اعملك سندوتش؟؟
انا وهموت من كتر الضحك:انت تمسح اوضة ده انت كبيرك تشيل
شرابك بعد ما تقلعه ده لو عملتها
خالتو بنبرة حزم خلتني انا وليتوك
نتنفض من مكانا:يلا قوموا
انا توجهت للمطبخ وليتوك للاوضة بعد
ما خالتو جابتله عدة المسح ,نور من حنيتها المفرطة وده مش حقيقي هي عايزة تقعد مع ليتوك مش
اكتر ,دخلت الاوضة وبدأت توجه ليتوك وتساعده ,اما الموكوسة علي عينها انا كنت واقفة
بهرش في شعري ومش عارفة اعمل حاجة ولقيت حد بيحمحم
شيون بنظرة ثقة ساحرة:احم احم,مش عايزة مساعدة
انا بصيت ورايا وضحكت ضحكة هبلة:
اه
شيون بيبصلي بندم:لو مكنتش اتسرعت وقولتلك بحبك
انا بوش باين عليه ملامح الزعل وعلي
وشك الانفجار:قصدك ايه بقي؟
شيون بيضحك وراح حاضني من ضهري:ولا حاجة ,هتعملي ايه ؟
انا بانشكاحة:معنديش ادني فكرة بيغسلوا الاشياء دي
ازاي
شيون سابني وبزعل:ايه ده هو انتي ضايعة للدرجة دي؟
انا بدبدب في الارض:اوووووف بقي بجد مش عارفة اعمل ايه؟
شيون قرب مني حضني تاني:امممممممممم,خليكي في حضني
اما بالنسبة لروميو وجولييت اللي في
الاوضة ^_^
نور بتشاور بايديها:ايه ده ليتوك حد يكنس كده؟
ليتوك بعد ما كان بيكنس وقف وعدل نفسه:امال بيعملوها ازاي؟
نور راحت ناحيتة وبدات تكنس عشان
تعلمه وبعد كده بصلته بابتسامة:شفت الموضوع سهل يلا جرب
ليتوك بيهرش في شعره:حاضر
ليتوك بيكنس تاني لكن كل اللي بيعمله
غلط في الحقيقة ليتوك كان بيستعبط ليتوك من الناس اللي بتتعلم الامور بسرعة لو
اتعملت قدامهم مرة واحدة بس ونور عملتها كذا مرة قدامه لكنه مسكتش غير لما وقفت
وراه ومسكت ايده وبدأت تعلمه
ليتوك سحب ايده من تحت ايديها وشدها
حضنها
نور بابتسامة تدل علي انها فهمت:انت كنت بتستعبط؟
ليتوك وهو حاضنها ومغمض عنيه:اه,خليكي كده شوية
والان خلونا نشوف ريا وسكينة بيعملوا
ايه(اقصد ماما وخالتو طبعا ^_^ )
في الواقع امي وخالتو مكنوش بيعاقبونا
لكن كانوا بيوزعونا عشان عايزين يتكلموا في موضوع شديد الاهمية,امممممم يا تري ايه هو ؟؟؟؟,مش مهم الاهم انهم كانوا بيتصنتوا
عليا انا وليتوك وشافوا كل اللي حصل مكنوش مضايقين بالعكس كانوا فرحانين جدا امي
كانت فرحانة لانها لما شافت شيون بيحضني والقلوب هتنط من عيونه حست انه فعلا راجل
وهيقدر يتحمل مسؤليتي ويعرف يتعامل مع طفلة متهورة زيي,اما خالتو كانت فرحانة لانها حست
برجولة ليتوك قصاد نور واللي مكنتش ظاهرة و واضحة لينا لكن ظهرت لما حب انسانة
وقرر انه هيتحمل مسؤليتها ,وبعد ما ريا وسكينة خلصوا خطط القتل اقصد خلصوا كلام
ماما دخلت المطبخ بس انا وشيون كنا في
وضع لطيف وغير محرج انا واقفة قدام الاطباق وشيون مربع ايده وساند بكتفه علي
الحيطة
ماما بلوية بوز تدل علي ان انا عديمة
الفايدة (عديمة الفايدة وافتخر) :كنت عارفة انك مش هتعرفي تعملي حاجة
تعالي
وكذلك خالتو راحت نادت الواد ليتوك
والبت نور
ليتوك قعد علي الكنبة ونور جنبه,ماما وخالتوا دخلوا يحضروا العشا
شيون ماسك راسي وانا بصاله لفوق بما انه نجفة يعني الله
اكبر وانا بالنسبة ليه قصيرة وبابتسامة: متزعليش امك وبطلي تصرفات العيال دي فاهمة
انا بووز اطفال:خليك معايا شوية
شيون:مينفعش الوقت اتأخر
انا بدبدب في الارض:اوووووف بقي
شيون حضني نص ثانية وبعد عني(مستعجل ليه يا اخويا ما تخليك شوية
هيييييييح ):هبقي اكلمك
ليتوك بيبص لشيون بنظرات غيرة:انا قاعد يا حنين انت
شيون طلع لـ ليتوك لسانه:وانت مالك خطيبها,الدور والباقي علي اللي في حكم
المتجوز وهو مش قاري فاتحة حتي
ليتوك ساب ايد نور:انا حاسس بتلقيح في الموضوع
شيون غمزله:طول عمرك حسيس
انا باستظراف:حسيس وبانجو
ليتوك ونور فصلوا ضحك مش علي اللي انا قلته مطلقا ولكن علي النظرة اللي شيوون رمقني بيها وكانه بيقولي انا اتدبست فيكي خلاص مش عارف اغيرك
شيوون هز راسه بمعني مفيش فايدة:مجنونة
ماما خارجة من المطبخ وشالية طبق:ومين كدب عليك وقالك انها عاقلة؟
شيون باصص في الارض وبيهرش في شعره:انا كدبت علي نفسي
خالتو بتضحك:اقدر اضمنلك انك هتاخد حاجة فريدة من
نوعها
انا بعصبية اطفال:ايه يا خالتو ده,هو انا حيوان اليف
ليتوك بيضحك:انتي اسد شرس
شيون رايح ناحية الباب:انا ماشي
ماما شدته من دراعه كانت هتكفيه علي
وشه وقعدته علي الكنبة:لا اتعشي معانا الاول
انا انشكحت ورحت قعدت جنب شيون,ماما ابتسمت ابتسامة محتاجة ميكرسكوب
عشان تتشاف
ليتوك بيزعقلي وبصوت عالي:بت قومي من هنا
شيون بنظرات حادة:متزعقلهاش كده
خالتو:لو هي هتقوم من جنب شيون قوم انت من
جنب نور (يا خالتو يا نصفاني انتي)
ليتوك مكنش عارف يقول ايه وبلجلجة:ده ملوش دعوة بده,انا راجل
خالتو:ونور راجل بردو ,لا مؤاخذة يا حبيبتي
نور مش قادرة تكتم ضحكتها وباصة في
الارض:لا يا طنط براحتك
ليتوك خبطها في دراعها وبعصبية:بتضحكي علي ايه؟
خالتو:احترم نفسك يا حيوان
نور هتموت من كتر الضحك اععععععع توكي
اتهزق كتير اتدخل انا بقي
ليتوك قام وقف:يوووه مش طافح
انا ونور قمنا وقفنا في نفس اللحظة:رايح فين؟
شيون بيشدني من دراعي:اقعدي
ليتوك دخل اوضتي اللي بقت سبيل انا
نفضت ايد شيون ودخلت وراه,شيون كان مستغرب اوووي
رغم ان ليتوك بيرخم عليا ومطلع عيني الا ان انا بحبه ومتمسكة بيه اووووي,مفيش دقيقتين خرجنا انا وليتوك واحنا
بنضحك
انا بزقه:اترزع بقي
ليتوك:يلا يا رخمة
انا قعدت جنب شيون وبصتله بابتسامة
لكن حسيت انه هياكلني بنظراته الحادة دي عملت نفسي هبلة وحطيت وشي في الطبق وبدأت
اكل ,ليتوك ونور كانوا عمالين يهزروا وهما بياكلوا ماما وخالتو رغي
ستات كالعادة,انا وشيون سكوووووووووووت
انا خلصت اكل وقايمة لقيت اللي مسكني
من دراعي
شيون وهو ماسك ايدي وباصص قدامه
وبنبرة حادة خوفتني:رايحة فين؟
انا ببساطة:خلصت اكل ورايحة اغسل ايدي
شيون لسه باصص قدامه:مخلصتيش طبقك
انا:لا
شبعت مش قادرة اكل تاني
شيون شدني جامد قعدني تاني وبصلي
بابتسامة مش لايقة علي نبرة صوته:قدامك عشر دقايق وتخلصي ده (شاور علي طبق الاكل بتاعي)
انا بلا تعابير بدات اكل تاني
اما الكل فكانوا مستغربين جدااااااا ,مش مصدقين ان اللي هيمشيني علي العجين
ملخبطهوش وهيعرف يتعامل مع شخصيتي العنيدة المتطلبة قاعد قدامهم
ليتوك :ممكن اخد توقيعك؟
شيون بصله وبيضحك:نعم؟
ليتوك:انا فخور انك صاحبي
شيون بيضحك:عارف عارف
ليتوك ضربه في كتفه وبصله بقرف:متبقاش واثق اوي كده
انا اخيرا رفعت وشي من علي الطبق
وبوقي مليان اكل وبطفولية:خلصت
نور بتضحك علي منظري
انا :هو انتي جاية تضحكي النهاردة
نور بصتلي بملل:جتك القرف عيلة نكدية
وبعد ساعة من الزمن
شيون بابتسامة:انا ماشي يا طنط ,عايزة مني حاجة؟
ماما بابتسامة:لا يا حبيبي عايزة سلامتك
ليتوك نزل مع شيون عشان يوصل نور اه
ما هي مش هتبات عندنا يعني ,وانا كنت قاعدة تحت انظار ريا وسكينة عمالين يبصلوا ويتكلموا
بصوت واطي ويضحكوا انا زهقت قمت دخلت اوضتي ووقفت قدام المراية سحبت قلم ورفعت
شعري ورحت ضاربة القلم فيه(في شعري) ومسكت الفرشة بتاعتي وشغلت المروحة ووجهتها عليا
انا بغني قدام المراية وعاملة فيها
شيرين:بتلوموني ليه اه بتلوموني ليه لو شفتم عنيه حلوين قد ايه,انا قلبي دليلي قالي هتحبي دايما
يحكيلي وبصدق قلبي انا قلبي دليلي ,شيفاه في خيالي سمعاه اه اه بيقولي يا حياتي تعالي تعالي تعالي
يا حياتي تعالي تعالي تعالي(هما تلاتة تعالي) ,معجبة مغرمة انا بقي مش عايزة الا هو
مشيته همسته نظرته بتحرك قلبي جوا, انا يلي بحبك وحدي انا انا يلي بريدك ليا انا,ما تيجي هنا وانا احبك عشان اعيش علي
حسك حبيبي ده انت الدنيا ده انا اموت لو غيري يمسك تعالي هنا خد فكرة ده انا
بالنسبالك بكرة استاذة في الدنيا مذاكرة كمل روحك ده انا نصك,في البعد عشقاه في القرب عشقاه في
البعد عشقاه في القرب عشقاه زي العسل علي قلبي هواك زي العسل علي قلبي هوالك زي
العسل علي قلبي هواك زي العسل علي قلبي هواك (كوكتيل نورهان حصري في الاسواق ^_^
)
ليتوك ساند بكتفه علي الحيطة ومربع
ايده وبتريقة:علي قلبي هواك زي العسل
انا بملل:انت هنا من امتي؟
ليتوك بيضحك:من ساعة ما تيجي هنا وانا احبك
انا:رخم يا ربي
خرج وسابني وانا طفيت النور واتخمدت
بعد ما ليتوك بوظلي الحفلة اللي كنت عملاها
وجه بكرة اليوم المنتظر مش بتاعي بتاع
البت نرمين النهاردة دونغهي هيتقدم رسمي لنرمين ,نرمين صحيت من النجمة واتصلت بيا انا
ومريم ونور عشان نروحلها ,نفضنا للجامعة النهاردة وروحنا لنرمين ودخلنا قعدنا في اوضتها
مع بعض
نرمين بانشكاحة :حاسة اني هموت
مريم :يارب,قصدي بعد الشر ليه بتقولي كده بس؟
نور ضربت مريم في دراعها:متبوظوش علي البت فرحتها
نرمين بتبص لمريم وطلعتلها لسانها:سيبيها دي اكيد غيرانة مني,بس انتي يختي الموكوس ليتوك ده مش
ناوي يخطبك ولا ايه؟
انا:O____O
مريم بتتضحك ورفعت ايديها اللي فيها
الدبلة عشان تغيظنا:وهغير ليه,انا سبقتك,ليتوك ده بيستهبل
نور بطفولية:هو بيستهبل وبيستعبط بس انا بحبه (وبصت للارض قال يعني مكسوفة)
انا بملل:احم احم انتوا بتتكلموا علي اخويا
نحترم نفسنا وننقي الفاظنا
مريم بتشوحلي:يا شيخة اتنيلي
انا بمسكنة وعاملة غلبانة:بتكرهيني ليه يا مريم,اقوم امشي
نور -_- :دور الغلبانة مش لايق عليكي اطلعي منه
انا رفعت راسي بانشكاحة:بجد,بس ممثلة هايلة مش كده
مريم:زبالة يا قلبي
انا بانحنائة:يكرم اصلك يا بعيدة
نرمين بصويت وبصوتها المسرسع اللي خرم
ودني:يوووووووووه وانا جيباكوا عشان مبقاش متوترة ولا عشان تشتموا
في بعض وتتخانقوا
نور بتشاور بصباعها علي ايد نرمين:بزمتك في واحدة متوترة تحط مونكير
انا:بيئة اسمه اكلدور
نور بتبصلي بجنب عنيها:الله يرحم
مريم بفضول:ايه ايه؟؟
انا:ابويا كان بياكل البقصمات بالعرض
ارتحتي
نرمين برأت:واااااااااو بجد كان بيعملها,علي كده بقي باباكي بوقه كبير اوووي,ههههههههههههههههههه
نور:اقفلي بوقك مش بتضحك
مريم:انا عطشانة يا نيمو (دلع نرمين ^_^ )
نرمين بلوية بوز:وانتي غريبة قومي هاتي اللي انتي
عيزاه
مريم قامت وفتحت الباب جاية تخرج
اصتدمت بهيئة كائن مز اخر حاجة ومن غير تيشرت
,مريم مخدتش بالها ورفعت راسها عشان
تتأسف لقيه من غير تيشرت وشها بقي احمر واتمسمرت في مكانها مش عارفة تتحرك ,انا ونور تنحنا لبعض ونرمين قاعدة
عادي وبتكمل حط مونكير في ضوافرها
(يا برود مامتك)
كيبوم بيتفحص مريم:عندنا مزز في البيت طب مش تقولوا
نرمين:تعالي يا كوكوادخل
كيبوم بيخبط علي كتف مريم عشان تتحرك:لو سمحتي
مريم رفعت وشها باحراج :انا اسفة
كيبوم بقي زي اللي اترمي عليه تعويذة
وشافها زي ما البطل بيشوف البطلة في الافلام ,شعرها بيطير لورا مع ابتسامة مشرقة
تخطف القلوب
نرمين باصة لكيبوم باستغراب:يا كوكو واقف ليه تعالي وخلي مريم
تعدي (ايوة بالنسبة للتيشرت اللي اخوكي نسي يلبسه ده وانا نور رقبتنا
هتتكسر من كتر البص علي الارض)
كيبوم وسع لمريم عشان تمشي وداخل
الاوضة وهو مبلم
كيبوم بلجلجة:هو............الـ..........الـ.........
نرمين بصاله مستنياه ينطق:الـ....,ايه يا كوكو؟
كيبوم لسه مبلم ومش عارف هو بيقول ايه:اه.......الـ.....
نرمين بتشاورله يقعد:لا ده انت مش مركز خالص,اقعد
انا ووشي لسه في الارض ورقبتي اتكسرت :احم احم
نرمين ببرود:ايه يا حبي عايزة حاجة؟
انا مردتش مفيش ثانيتين تليفوني رن(اه اه تررن تررن واللي ردت اه يا عيني
صوتها احن ^_^ كم انا لذيذة ) طلعت التشليفون(التليفون) من جيبي وبصيت فيه اووه انه شيون حبيب
القلب
انا رفعت راسي تلقائيا مش بجاحة مني
وانشكحت:الو
شيون بعصبية:انتي فين يا استاذة,مجتيش الجامعة ليه؟؟
انا خبطت بايدي علي دماغي:اخ,اصلي عند البت نرمين ونسيت اقولك اني
هروح ومش جاية الجامعة النهاردة
شيوون هيفرقع من كتر النرفزة:انتي بتهزري صح؟
انا بطفولية:بص بقي احنا لسه متخطبناش وبتزعقلي
شيون هدي شوية ونبرة صوته بقت واطية(مش واطية الشتيمة واطية بمعني هادية):هتتنيلي تخلصي امتي؟؟
انا باستغراب:هتنيل؟؟؟؟؟؟,علي العموم انا هتنيل بالليل لما اخلص
هبقي اكلمك سلام
نهاية المكالمة
انا قاعدة هطق وبهز في رجلي(عادة منيلة بستين نيلة لما بكون
متعصبة بفضل اهز في رجلي لحد ما اهدي)
نرمين:ايه مالك؟
مريم داخلة بالمية ومعاها كوبايات:بتهز رجلها يبقي اتخانقت مع حد,مين يا وش السعد؟
كيبوم خبط علي دماغه:افتكرت,نيمو فين التيشرت بتاعي اللي انتي
كنتي بتكويه؟
نرمين بتضحك:واخيرا,اهو علي الكرسي
انا بفكر:تيشرت, افتكرت, احيه هو انا كنت بصاله وهو كده يحرقك
يا شيون عصبتني وخلتني مش شايفة قدامي
ورجعت بصيت للارض تاني
مريم بتبرطم:يا ابني اتهد بقي والبس حاجة وانت مز كده
كيبوم بيلبس التيشرت:بتقولي حاجة؟
مريم بابتسامة هبلة:لا خالص
افرااااااااااااااااااااااااج لبس
التيشرت
اخيرا والمسكينة نور رفعت وشها اللي لزق في الارض,كيبوم واقف قدام المراية بيعدل هدومه
ويظبط شعره ,نرمين قامت راحت وقفت جنبه بعد كده زقته
نرمين وهي بتزقه:وسع كده شوية
كيبوم بيضحك:بطلي رخامة
نرمين بطلعله لسانها:لا
ومسكت وشه باسته في خده وراحت
منعكشاله شعره وهي بتضحك
كيبوم مسك ايديها وعمل زعلان:ينفع كده
نرمين حضنته من ضهره وهو واقف بيسرح
شعره اللي نرمين بوظته
انا بعيون سهتانة:هيييييييييييييييييييح,مينفعش يعتبرني اخته
نور ادتني بوكس محترم في بطني:اتلمي
كيبوم رايح ناحية الباب:انا نازل,عايزة حاجة؟
نرمين حاطة ايديها في وسطها:رايح فين؟؟؟
كيبوم:نازل مع اصحابي
نرمين:طيب متتأخرش,عارف لو اتاخرت هشعلقك
كيبوم بيبعتلها بوسة في الهوا:مش هتأخر
كيبوم خرج وقفل الباب
مريم قامت وقفت وراحت بعتاله بوسة:والنبي انت واد مز وعسل يخرب بيتك
نرمين :عنده موزة اتهدي بقي
(كيبوم هو اخو نرمين الصغير اصغر منها
بـ3 سنين يعني هو في 2 ثانوي ,وهو نرمين بيحبوا بعض اووي وعارفين كل بلاوي بعض)
مريم وش قرفان:موزة,اععععععععععع
تليفوني رن (تاني تررن تررن واللي ردت اه يا عيني
صوتها احن,طب مش بذمتكوا انا عسل )
انا بعصبية:الو
شيون بنبرة رومانسية:وحشتيني
انا ضعفت شوية واترسمت ابتسامة غبية:يا سلام,ما انا كنت بتنيل من شوية
شيون بيضحك وعامل عبيط:يااااااه,انتي لسه فاكرة؟
انا بطفولية:لا زعلانة
شيون:بحبك
انا انشكحت واحمريت بقي واتكسفت :وانا كمان (تبا كم انا عاشقة للكسوف)
شيون:لما تخلصي كلميني هعدي اخدك
انا بابتسامة:ماشي
نهاية المكالمة
انا:هيييييييييييييييييييييح
نور بملل:راعي مشاعر امي
و قضينا اليوم كده لحد ما جت الساعة
المنتظرة الوقت اللي نرمين هتقوم تلبس فيه وتظبط نفسها نرمين لبست بلوزة
لونه
كافيه وبنطلون كافيه غامق Hand made منقوشة من فوق بـ جاكت صغير Off White
ولبست اسورة من اللؤلؤ اللي مش حقيقي
طبعا ^_^ وكذلك السلسلة وقعدت علي الكرسي
وبدأنا نبوظ وشها اقصد نحطلها مكياج وننضفها عشان تبقي بنت ناس ,وخلاص كنا بنحط اللمسات الاخيرة
والباب خبط
نور بتبص وراها:ادخل
كيبوم مدخل راسه:ممكن ادخل يا بنات ؟
مريم بانشكاحة:يختي عسل
كيبوم:ها؟
انا زغدتها عشان تتلم
مريم عدلت نفسها:اه اتفضل
نرمين وهي مغمضة عنيها:تعالي يا كوكو,كنت عايز حاجة ؟
كيبوم وشه في الارض:لا انا بس كنت جاي اطمن عليكي
مريم بتكلم نور وهي مبتسمة:يا خرابي عليه وهو مكسوف
نور علت صوتها عشان تغطي علي صوت مريم
وكيبوم ميسمعهاش:اقعد يا كيبوم واقف ليه
كيبوم بيهرش في شعره ورفع وشه
بابتسامة ملايكة:انا هروح اجيبلكوا حاجة تشربوها
خرج كيبوم ومريم اتشلت من الابتسامة
الفظعة دي وبصراحة الواد كان مز اووي ,مريم كانت تعابير وشها متفرقش عن الاصنام وعنيها كانت علي
كيبوم لدرجة انها عملت لنرمين خط علي خدها بقلم الكحل وبقينا انا ونور واقفين
هنموت من الضحك علي منظر نرمين ونرمين مغمضة عنيها براحة ومديانا الامان
نرمين بقلق:بتضحكوا علي ايه؟
انا كاتمة ضحكتي بالعافية:ابدا يا حبي مفيش حاجة
نور زغدت مريم عشان تفوق مريم بصتلها
راحت نور مشاورلها علي وش نرمين مريم شافت اللي هي عملته وبقت مبرأة ورموشها بقت
مروحة ,انا نتشت قلم الكحل من ايديها ونور مسكت مزيل المكياج وقطنة
وبدات تمسح لنرمين الخط اللي مريم عملته
نرمين :بتعملي ايه يا نور؟
نور بتوتر:ابدا ده انا بحطلك كريم مرطب عشان
بشرتك تبقي حلوة
نرمين بابتسامة رضا:ماشي يا حبي
بينما انا هفطس من الضحك ,مريم راحت قعدت علي طرف السرير وعلي
وشها علامات الاذبهلال ,الباب خبط
نور:ادخل
انه المز الفظيع سارق قلوب الفتيات
كيبوم ,كيبوم راح ناحية مريم وفي ايده صنية فيها كوبايات عصير
كيبوم بصوت هادي:يا انسة ,يا انسة
نور بصت وراها وعلت صوتها:مريم
مريم بصتلها راحت نور مشاورلها علي
كيبوم ,
مريم مدت ايديها تاخد كوباية ويصوت
واطي:شكرا
كيبوم بابتسامة:العفو (يا ابني اتهد بقي البت هتروح مننا)
كيبوم جه عندي وبيبصلي:يا انسة.............
انا بابتسامة:نورهان
كيبوم:اه اتفضلي
انا بصتله بابتسامة واسعة ساحرة:معلش حطه علي الكومدينو عقبال ما اخلص
كيبوم بكسوف:اه حاضر
نور ابتسامة استلطاف
كيبوم وشه في الارض وبصوت هادي خالص:ها خلصتوا
انا بانشكاحة:اه
واخيرا
نرمين وهي لسه مغمضة عنيها خايفة نكون
عملنا فيها حاجة مش تمام:مش عارفة ليه مش مرتاحة من واخيرا بتاعتك دي
انا ونور بنضحك
كيبوم باندهاش:وااااو (كنت عامل مؤدب من شوية)
نرمين فتحت عنها بصت في المراية وبقت
حاسة ان مش هي اللي في المراية دي واحدة تانية(انا مش عارفني انا توهت مني انا مش
انا لا دي ملامحي ولا حتي ده شكلي ولا ده انا ,تبا كم انا عاشقة للاغاني)
نرمين بصدمة:وااااااااااااااااااو,انتوا عملتوا فيا ايه؟
نور:نضـ.....
انا ايدي علي بوقي:احم احمممم
نور بتتصنع الادب :زي القمر الله اكبر
كيبوم بانذهال:قمر يا نيمو
وراح موطي علي ودن نرمين
كيبوم بصوت واطي ونظرات صايعة:هي الموزة صاحبتك اللي قاعدة هناك ايه
نظامها؟
مريم سمعت موزة من هنا و تفت العصير
اللي في بوقها وشرقت وقعدت تكح ووشها بقي احمر والبت خلاص هتموت مننا,انا ونور ونرمين وكيبوم جرينا عليها
نور ونرمين قاعدين جنبها علي السرير يخبطوا علي ضهرها وانا فطسانة من الضحك وكيبوم
واقف مبلم مش عارف يعمل ايه,مريم هدديت شوية وبصت لكيبوم بنظرات شريرة ,الواد خاف ورجع خطوة لورا
مريم بعصبية ووشها احمر:بتضحكي علي ايه؟
انا فصلت ضحك (الرقم الذي طلبته ميت من الضحك حاليا
الرجاء المحاولة مرة اخري بعد ما يبطل ضحك )
انا بحاول امسك نفسي لحسن تقوم تولع
فيا:خلاص خلاص اتكتمت
كيبوم بقلق:انتي كويسة
مريم حست انها بتسيح زي الشكولاتة:يختي جميلة عين امه عسله
نرمين ضربتها في بطنها بغباء وبتتصنع
الضحكة:ايه يا روما بتقولي ايه يا حبي؟
مريم ماسكة بطنها:ااااااه
كيبوم:براحة شوية يا قادرة انتي
نرمين ببوز اطفال:اخص عليك يا كوكو,انا قادرة
مريم بتتوجع:اه ومفترية
طنط (ام نرمين) داخلة:ايه ده يا بنات انتوا قاعدين كده ليه
العريس وصل
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله
في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
[img]URL IMG[/img]
تعليقـــك بيســــعدنا ونقــدك بيهمنــا ツ