طنط (ام نرمين) داخلة:ايه ده يا بنات انتوا قاعدين كده ليه
العريس وصل
نرمين اتنفضت وبتوتر جاد:وصل ها قالت وصل صح وصل هو وصل
طنط بتعجب:ايه مالك بقيتي زي اللي لدغته حية كده
ليه؟اقعدي,وانت هنا بتعمل ايه تعالي يلا
كيبوم:حاضر
كيبوم وطنط خرجوا واحنا بنهدي في
نرمين اللي بقت مهيبرة مرة واحدة ومنعرفش ليه,سمعنا صوت جرس الباب احنا الاربعة
قمنا في نفس اللحظة جرينا لزقنا علي باب الاوضة وفتحنا حتة صغيرة وبقينا واقفين
فوق بعض عشان نبص واحدة علي الارض والتانية قاعدة علي ركبها والتالتة موطية شوية
والرابعة واقفة عادي ايوة عايزين نعرف ايه اللي بيتقال الفضول قاتل نبص دونغهي
داخل
معاه ورد
(اه يا رومانسي انت) ومعاه مامته وبباه واخوه الكبير ,دونغهي دخل سلم علي عمو(ابو نرمين)وكيبوم بما انهم الرجالة يعني فا هما
اللي هيقفوا يستقبلوا العريس واهله سلموا وباسوا وكحوا واهلا اهلا نورتوا ومنورين
وازيك يا عريس والجو ده
عمو ابو المز دونغهي:احنا جايين عشان نخطب بنتكوا الانسة
نرمين (كبرتي يا بت وبيتقالك انسة اه لو
يعرفك علي حقيقتك)
عمو ابو نرمين:اهلا وسهلا احنا لينا الشرف طبعا,بس انا احب اعرف اكتر عن حياة دونغهي
وعيشتهم هتبقي ازاي
دونغهي وشه في الارض(يا عيني يا واد يا خجول):عمي انا حاليا بدرس انا زميل نرمين في
الجامعة ومش بشتغل بس انا بدور علي شغل وعندي شقة في المعادي وان شاء الله ربنا
يكرم واشتغل وافرشها
عمو ابو نرمين:كويس علي العموم بردو احنا بنشتري
راجل وانا معنديش مانع ابدا انكوا ترتبطوا ببعض ,ولا انت رايك ايه يا كيبوم
كيبوم:موافق ياا بابا (يختي حلوة كميلة انت بياخد رايك يا بيضة الله كيووت اوي الواد
ده)
عمو ابو نرمين:لكن انا عندي شرط مفيش جواز قبل
التخرج
دونغهي:اللي
تشوفه يا عمي
ابو دونغهي بيضحك:هاهاهاهاهاها( O_oالضحكة دي بطلت من يوم ما عمرو دياب
بطل يعمل حفلته في العجمي -_- ) علي علي خيرة الله يبقي نقرا فاتحة
ونلبس الدبل عشان يبقي خطيبها رسمي
عمو ابو نرمين :مفيش مانع (لا قول انك قرفت من البت وعايز تخلص منها بقي)
وفي
الاوضة وخصوصا عند الباب في اربع كائنات لازقين علي الباب واول ما سمعنا تلبيس دبل
وقراية فاتحة قعدنا نطنطط ونبوس في نرمين ونبراكلها نرمين رايحة ترقع زغروطة لقت 6
ايادي علي
بوقها
انا ومريم ونور:ههششششششششششششششششششش
ورجعنا لزقنا علي الباب تاني
ام دونغهي بانشكاحة:امال فين العروسة مش هنشوفها ولا ايه؟
طنط (ام نرمين) بابتسامةة:لا ازاي حالا اهو,قوم يا كيبوم انده اختك
قام كيبوم واحنا ملحقناش نقوم وكان
هيوقعنا وهو بيفتح الباب احنا قمنا بسرعة وكيبوم دخل وقفل الباب وراه
كيبوم بعصبية وبصوت واطي:ايه اللي انتوا عملينه ده؟؟؟
احنا وشنا في الارض زي المذنبات
كيبوم بيشاور لنرمين:يلا يا هانم عشان تقدمي الشربات
نرمين بانشكاحة:حاضر راحت نرمين واحنا لزقنا علي
الباب(ديل الكلب عمره ما هيتعدل) نرمين دخلت تجيب الصنية من المطبخ
وكانت هتتكعبل كيبوم لحقها
كيبوم بيسند نرمين:ايه
هتوقعيه علي الناس وتفضحينا ولا ايه؟؟
نرمين:لا متخافش
شالت الصنية وتوجهت الي الصالون حيث
الضيوف ,عدت قدامهم بابتسامة خجل زادت من جمالها والمفروض انها بتدي
ابو دونغهي بعد كده امه بعد كده دونغهي
بعد كده اخوه,نرمين ادت ابوه وامه وادت دونغهي وهي بتعدي عشان تدي لاخوه
فرمت رجل دونغهي ولابسة كعب 5سم
دونغهي وشه احمر:ااه
ابونرمين بصله بقلق:ايه مالك؟
دونغهي كتم الالم وابتسم:لا مفيش خبطت رجلي بس
عمو ابو نرمين:خلي بالك بس
ونرمين حطت الصنية ولسه هتعدي عشان
تقعد لقت ام دونغهي شدتها
ام دونغهي:تعالي يا عروسة,ممممواه مممواه,ما شاء الله الله اكبر قمر 14
,ما تسمعينا
صوتك يا حبيبتي ساكتة ليه؟
نرمين فاقت من صدمتها ووشها بقي عصير
فراولة طبيعي بدون اي اضافات وبصوت واطي بكسوف:ازيك يا طنط؟
ام دونغهي:ما شاء الله,وصوتك حلو ورقيق كمان (احييه هي الست دي بتكلم مين)
اخو دونغهي كاتم ضحكته بيهمس في ودن
دونغهي:امك هتموت البت قبل ما تتجوزوا,بس عرفت تنقي يا واطي البت صاروخ
دونغهي بعصبية:احترم نفسك ياض واتلم
دونغهي بيبص علي امه اللي تقريبا
بتعمل اختبار جواز لنرمين
دونغهي اتكلم مرة واحدة بدون مقدمات:امي
امه اتفزعت:ايه يا حبيبي؟
دونغهي اتوتر:لا ابدا انا بس كنت...........,فين مريم ونور ونورهان (بتجيييب سيرتنا ليه)
نرمين باذبهلال:ليه؟
دونغهي بابتسامة هبلة:لا ابدا سلميلي عليهم
ام دونغهي بطلع علبة من شنطتها وادتها
لدونغهي:خد يا عريس لبس عروستك الدبلة
كيبوم ابتسم وشاور لنرمين بدماغه عشان
تروح تقعد جنب دونغهي (بتفسد اختك)
نرمين قامت بانشكاحة وقعدت جنبه ,دونغهي طلع الدبلة ولبسها لنرمين وادلها
الدبلة التانية وهلي لبستهالوا ,واذا فجأتن تترقع زغروطة,ام دونغهي وطنط ام نرمين ,ابو دونغهي وامه استأذنوا ومشوا وفضل
دونغهي واخوه مين هو ,وعمو ابو نرمين نزل يقضي مشاوير
انا ونور ومريم اتسحبنا ورنيت علي
نرمين خرجنا سلمنا عليها وبركنلها ونزلنا كان شيون وتوكي وريو واقفين مستنينا ^_^
كل واحدة جريت علي المز بتاعها
مريم اتخضت من شكل ريو باين عليه
تعبان اووي ووشه اصفر وتقريبا رجله شيلاه بالعافية
مريم بتتفحصه بقلق:مالك يا ريو؟
ريووك شدها بعصبية:يلا
شيون:استني يا ابني مش هتروح معانا؟
ريووك وهو ماشي:لا هروح لوحدي
وشد مريم ومشي بيها لا ده تقريبا كان
بيجري كان بيمد بسرعة اووي
انا باستغراب:ماله الاخ ده؟
شيون:مش عارف
ليتوك بملل:مش يلا بقي
انا:يلا يا عم المستعجل انت كمان
(احم احم افهموها بقي اكيد لزقت في
دراع شيون مش محتاجة كلام ^_^ ) شيون بيبصلي باستغراب وضحك
انا بعيون سهتانة ومكسوفة:ايه بتضحك علي ايه؟؟
شيون قرصني في خدي:ولا حاجة
انا:طيب
شيون بنبرة دافية:وحشتيني (اموت انا)
انا باصة في الارض:وانت كمان
وحيث الاخ المتعصب والاخت المذبهلة (عن ريو ومريم اتحدث)
مريم شدت ايديها من ريووك:اقف بقي,انا مش فاهمة حاجة وانت جاررني وراك
زي الجاموسة
ريووك بيكتم ضحكته:معلش مخنوق شوية
مريم قربت منه حطت ايديها علي خده:طيب قولي مخنوق من ايه
ريووك مسك ايديها اللي علي خده:ماما تعبانة شوية
جاية تقرب منه قامت دايسة علي رجل الواد يا عيني فرمتها وهو بقي بيتنطط علي رجل واحدة
و ومريم فطسانة من الضحك
ريووك بعصبية:ينفع كده؟
مريم اتنرفزت:يووه مش ماشية معاك
ومدت سبقته
ريوك بيجري وراها:مريم تعالي هنا بطلي جنان
مريم بتبص وراها عشان تكلمه:لا
وراحت باصة قدامها وياريتها ما بصت
اتكعبلت وقعت علي الارض في نص الشارع ,ريووك بقي فطسان من الضحك وبيمد بسرعة عشان يلحقها
ريووك بيقوم مريم:قومي يلا ينفع كده فرجتي علينا الناس
مريم ماسكة رجلها وبتتوجع:رجلي يا ريو مش قادرة
ريووك ساندها:وبعدين بقي في المرمطة دي
مريم بزن:يوووه,بقولك رجلي وجعاني مش قادرة اقف عليها
ريووك :طيب تعالي
اخدها اقعدها علي رصيف وبدأ يتفحص
رجلها
ريووك بيدوس علي رجل مريم عشان يعرف
الوجع فين:هنا؟؟
مريم:لا
ريووك:طيب هنا؟؟
مريم:لا بردو
ريووك:ولا هنا؟
مريم صوتت
ريووك حاطط ايده علي بوق مريم:يخرب بيتك هتفضحينا اكتمي
مريم زقت ايده وضربته في كتفه:ما انت اللي دوست علي رجلي جامد
ريووك بيضحك:شكلها اتلوت,خليكي هنا عقبال ما اوقف تاكسي
ومع اول تاكسي شاورله وقف
ريووك بيبص للسواق:لحظة هجيب خطيبتي
ريووك راح سند مريم:يلا قومي
مريم قامت جت تدوس علي رجلها راحت
مصوتة تاني
ريووك مش ساندها ده يعتبر شايلها:ايه مالك في ايه؟
مريم هتعيط:رجلي وجعاااااني يا بني ادم
ريووك بيتنهد:امري لله
وراح موطي وشال مريم وراح حطها في
التاكسي وقعد جنبها
ريووك بيقفل الباب:اطلع يا اسطي
مريم مذبهلة تمام ومتنحة ,ضحكت وبصت لريو وراحت حاضنة دراعه
ريووك بصلها وضحك
السواق باصص عليهم في المراية:احم احم
مريم بصت للسواق بصة شر
عودة سريعة ليا انا وشيوني ^_^
شيون بقلق:مالك؟؟
انا بصة في الارض:مليش
وبصيت قدامي في الواقع هو انا مبصتش
قدامي لا انا كنت براقب ليتوك ونور اللي شكلهم مش طبيعي وغير العادة
ليتوك:ما تفردي بوزك ده؟
نور ساكتة
ليتوك بعصبية:في ايه يا نور؟, اتكلمي
نور بصوت مخنوق وعيون مدمعة:مفيش انا كويسة
ليتوك بصلها بقلق :نور
نور بتحاول تدراي اللي هي حاسة بيه
بابتسامة:نعم
ليتوك:متأكدة انك كويسة؟؟انا.......
نور قاطعته بابتسامة اوسع من اللي
قبلها وضربته في كتفه:انت بتكبر الموضوع ليه قلتلك كويسة يالهوي عليك ما بتصدق تيجي
سيرة النكد وتمسك فيها
ليتوك ضحك لمجرد انه شافها بتبتسم
ومسك ايديها:يا بت خضتيني,ينفع كده؟,انا زعلان منك
نور بووز عيالي:انا عملت ايه بس؟؟؟؟
ليتوك بصصلها ومقرب منها اووي:اموت انا في العسل الزعلان ده
نور بصة في الارض:احترم نفسك
ليتوك باستغراب:لا اله الا الله,طب اعملك ايه طيب؟لا عجبك احترام ولا
قلة ادب
نور بتضحك
ليتوك رجع حنين تاني:عجبتك يا موزة؟؟
نور بتكتم ضحكتها:اه
ليتوك:بحبك,بحبك,بحـبك
نور:بموت فيك يا تيكي (مشاعري اتفرتكت)
خطوة الي الخلف مريم وريو
ريووك بيحاسب السواق وساند مريم اللي
واقفة علي رجل واحدة
ريووك بيضحك:ايه ده؟
مريم بعصبية:ما قلنا رجلي وجعاني الله
ريووك بيشيلها:طيب يلا
مريم بلعت ريقها بالعافية ووشها بقي
احمرررر (يا بنت المحظوظة)
ريوووك دخل العمارة وطلع بيها السلم
لحد اما نفسه اتقطع ونزلها قدام باب الشقة ورن الجرس
فتح كائن مز اخر حاجة شعره اسود
بغمازات شخص وهمي ,وبياكل تفاحة -_- ,ييسونغ اخو مريم
ييسونغ اول ما شاف مريم ساندة علي
ريوووك وريووك يا عين امه بينهج ونفسه اتقطع تنح
ييسونغ شال التفاحة من بوقه وهو متنح
وباصص عليهم:مـــامـــا
امه خارجة من المطبخ:ايه يا حبيبي في ايه؟؟
ييسونغ متكلمش بص لامه وهو متنح وشاور
علي مريم وريووك
امه بتبص لقت ريووك ساند علي السور
بينهج(الواد هيموت مني انجزوا) ومريم ساندة عليه
ام مريم بتزق ييسونغ من قدام الباب:تعالي يا ريووك معلش وقفناك اتفضل
ريووك دخل اترمي علي الكنبة وييسونغ
سند مريم ووصلها لاوضتها
ريووك مرمي علي الكنبة زي الفسيخة
وبينهج:ييسونغ عندكوا مية ؟
ييسونغ :لا بنعيش علي الطاقة الشمسية,استني اما اجبلك
راح ييسونغ يجيب لريو مية وجه ريو اول
ما شاف ييسونغ بكوباية المية هجم عليه ونتشها من ايده زي ما يكون محروم من المية
ريووك بعد ما شرب بيدي الكوباية
لييسونغ:ححححححححححـ شكرا
ييسونغ :العفو
وعودة مرة اخري لمستر دونغهي ونرمين
دونغهي بيجز علي سنانه:البدلة دي مكوية اوعي
نرمين مكلبشة في دراعه:استحالة اسيبك
مين هو بيغمز لدونغهي:االله يسهلو يا عم
دونغهي بملل:خليك في الموزة اللي جنبك
كيبوم بيشهق:انا موزة؟؟
نرمين كاتمة ضحكتها:قلتلك قص شعرك شوية؟
مين هو ماسك دراع كيبوم:تعالي اقولك حاجة في بوقك
كيبوم بيزقه:اوعي يا عم,دونغهي الحق اخوك
دونغهي حاطط ايده علي ودن نرمين:بطلوا قلة ادب في بنت قاعدة
نرمين بتزق ايد دونغهي:اوعي ايدك يا دودي عايزة اسمع (اه يا منحرفة)
دونغهي بيزعق:اتنيلي تسمعي ايه انتي كمان
نرمين مضيقة عنيها:بتقول ايه؟,علي صوتك مش سمعاك
مين هو بيضحك لدونغهي:يااه ما خلاص بقي خلصنا شيل ايدك
دونغهي شال ايده من علي ودان نرمين,كيبوم قام من جنب مين هو وراح قعد جنب
نرمين
نرمين برأت:حاسب حاسب
كيبوم اتفزع:ايه؟؟؟
نرمين بابتسامة:كنت هتقعد علي الورد اللي دودي
جابهولي
نرمين شالت الورد:اقعد
كيبوم قعد
دونغهي بيزق نرمين اللزجة عشان تسيب
دراعه وخصوصا انه بدأ يحس بالحر
وعودة للناس اللي سايحة في الشارع مش لاقية اللي يلمها الا وهما انا وشيوني
شيون وصلني البيت باس راسي واداني
الوصايا السبعة قبل ما يمشي وانا طلعت غيرت هدومي اتعشيت واتفرجت علي المسلسل ونمت
ليتوك راح يوصل نور كالعادة ورجع طلع
علي بيته مجاش عندنا
دونغهي اتعشا مع نرمين وروح من عندهم
حوالي الساعة 12 بااليل نرمين طايرة من الفرحة لانها
خلاص اترتبطت بالانسان اللي قلبها اختاره يكون شريك حياتها
ريووك قعد مع ييسونغ يتكلموا شوية
واطمن علي مريم وروح بيته اخد دش وناام
مريم مكنتش عارفة تنام بسبب وجع رجلها
وييسونغ قلها هيبقي ياخدها المستشفي بكرة
نور روحت واول ما دخلت الشقة جريت علي اوضتها قفلت الباب وفضلت تعيط
كانت مضايقة وهي شايفة كل اصحابها بيتخطبوا مكنش حقد منها ولا حاجة بس نفسها تقول للعالم كله ان ليتوك بيحبها وهي بتحبه نفسها تبطل تحبه في السر من ورا اهلها نفسها تمشي معاه ويمسكوا ايد بعض من غير ما يخافوا ويقولوا الناس هتقول علينا ايه
احداث الكام يوم دول كانت مملة جدي
محدش من الشلة كان بينزل الجامعة خالص
انا كنت بشتري فستان وبظبط حالي عشان اليوم اللي شيوون هيجي يتقدملي فيه
نور كانت حاسة باكتئاب ومخنوقة فا
فضلت معسكرة في البيت
مريم رجلها اتلوت جامد والدكتور قالها
متمشيش علها كتير فـ بالتالي قعدت في البيت
نرمين بقي كانت عايشة الدور تسهر
تتكلم مع دونغهي لحد الفجر وتنام تصحي متأخر فا متنزلش الجامعة وكذلك الحال مع
دونغهي
ليتوك مكنش بينزل اصلا غير عشان يصيع
مع اصحابه ويشوف نور وبما ان محدش بيروح الجامعة فا بطل يروح هو كمان
ريووك مامته كانت تعبانة شوية وكان
قاعد جنبها يهتم بيها عشان اخته بتروح المدرسة وترجع يبقي عندها مذاكرة ودروس
وابوه الله يرحمه فا ريووك كان قاعد جنب امه عشان يخدمها
شيوون كان بيدور علي شغل مش عشان
هيتقدملي ويبقي عريس كامل والجو ده لا بس عشان هو حس انه خلاص هيشيل مسؤلية ولازم
يبقي قدها
يوم
الخميس هيييييييييييييييح واخيرا يوم
خطوبتي لولولولولولولولولولي (وجاي بكرة يخطبني ومن زمان اصله عارفني عجباه يا ماما وعجبني
ومستحيل انه يسبني)=D
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله
في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
[img]URL IMG[/img]
تعليقـــك بيســــعدنا ونقــدك بيهمنــا ツ