انا بعصبية:انت بتتجاهلني ليه؟
شيون ببرود تام متوقعتهوش منه:وانا اصلا كنت مهمتم بيكي قبل كده
عشان ابقي بتجاهلك
انا حسيت بكلامه نزل عليا زي الصعقة
وبقيت ببلع ريقي بالعافية:انت بتقول ايه؟
شيون ضحك:عشان حضنتك او بوستك,نورهان انا كنت عايز منك حاجة وانتي
محاولتيش تمنعيني مترميش الذنب عليا لومي نفسك انتي كنتي مستسلمة تماما
انا في اللحظة دي جسمي كله اترعش وكان
نفسي اضربه قلم يفوقه لكن حسيت بشلل في جسمي ومقدرتش اتحرك بقيت بضحك وبس :يااه للدرجة دي
شيون قرب مني وهمس في ودني:انا مش بتاع حب والكلام الفاضي ده ثم
انك مش ذوقي اصلا
ريووك بعصبية مسكه من دراعه:
يعني ايه
انت فاكر بنات الناس لعبة في ايدك؟
انا معرفش ريووك وباقي الشلة وصلوا
امتي لاني مكنتش حاسة بحاجة غير باني بموت تدريجيا من جوايا
ليتوك وقف قدامه :انت رايح فين كان ده غلطها عشان
سلمتلك قلبها؟
شيون مكنش في تعابير علي وشه غير
البرود ومكنش بيرد علي حد
انا مسكت دراع ليتوك وبحاول ابقي
متماسكة:خلاص يا ليتوك
شيون مبصش عليا حتي ومشي بكل برود
وبمجرد ما شيون بعد عني حاولي خطوتين انا وقعت من طولي في الجامعة زي ما يكون هو
ماشي وبياخد روحي معاه ,شيون كان ماشي عادي وسمع صوت حاجة ادبت في الارض اتمسمر في
مكانه وبيحاول يدير راسه براحة خايف يكون اللي في باله وشافني واقعة علي الارض رجع
خطوتين لورا وكأنه مش مصدق ان مجرد كلمات منه عملت فيا كده بقي بيمد في الجامعة
وبيمشي بسرعة زي المجنون ,بالنسبة للجثة المرمية علي الارض الا وهي انا ليتوك شالني وقف تاكسي واخدني علي اقرب مستشفي(هو الموضوع مكنش مستاهل مستشفي بس
ليتوك كان خايف عليا لحسن يحصلي ضيق تنفس وميعرفش يعملي حاجة ده غير انه مكنش عايز
يعرف ماما حاجة) ,دخلوني اوضة للطوارئ بعد ما فعلا حصلي ضيق تنفس وقطعت نفس وشوية جه الدكتور
الي كشف عليا
الدكتور:انت قاريبها (بيكلم ليتوك)
ليتوك بقلق وخوف:اه اه انا مالها فيها ايه
الدكتور:عندها هبوط حاد ده غير ان حالتها
النفسية صعبة
ليتوك قعد علي الكرسي ونور واقفة جنبه
مش مبطلة عياط ليتوك حس انه دايخ حط دراعاته علي رجله وسند راسه علي ايده وفضل كده
وقت طويل ميعرفش المدة ومرفعش راسه غير لما نور نغزته في كتفه
ليتوك بصوت واطي: في ايه؟
نور بعياط:بص قدامك
ليتوك رفع راسه لاقاه شيون مسكه من
هدومه وكان هيضربه ريووك ودونغهي فكوهم من بعض بالعافية
شيون بلهفة:هي فين؟
دونغهي: وليك عين تسأل عليها بعد اللي عملته؟
شيون مستناش كتير وراح لمريم ومسكها
من كتفها وبقي بيهزها جامد وصوته باين عليه الخنقة:هي فين ,فين اوضتها؟
مريم من غير تفكير شاورت علي اوضتي
بصباعها
شيون اول ما شافها شاورت جري علي
الاوضة فتحها ودخل,انا نايمة علي السرير وفي محاليل متعلقة في ايدي
شيون جه قعد
جنبي حضني وبقي يعيط وظاهر علي ملامحه الندم ,بصلي وحط ايده علي وشي وفضل يتأملني
ودموعه بتنزل علي وشي باسني في راسي وفضل قاعد جنبي لحد الساعة 2
باليل ماسك
ايدي ومش راضي يروح
ليتوك دخل عليه وبصوت خشن:
انت قاعد
لحد دلوقتي ليه قوم روح
شيون مبصلوش حتي وبنبرة جدية:لا انا هفضل جنبها
ليتوك:لما انت بتحبها اوي كده جرحتها ليه؟
شيون:ميخصكش
ليتوك بزعيق: لا يخصني لما تجرح اختي يخصني
شيون:ممكن توطي صوتك عشان متصحاش
وطي عليا باس راسي ومشي وقبل ما يمشي
وقف وبص لليتوك:مش عايز نورهان تعرف اني كنت سهران جنبها
ومشي من غير كلمة واحدة زيادة ,ليتوك اتنهد وجه قعد جنبي وغلبه النوم
,انا صحيت علي الساعة حوالي 9 الصبح لقيت ليتوك نايم جنبي بمجرد ما
اتحركت ليتوك صحي
انا مخضوضة وعمالة ابص حواليا زي
المجانين:انا فين ايه اللي بيحصل؟ماما فين؟
ليتوك مسكني من كتفي عشان يطمني:اهدي يا نورهان انتي في المستشفي,امك متعرفش انك هنا انا قلتلها انك
بايتة عند صاحبتك
انا وعيني بتلمع من الدموع:
عايزة اروح
ليتوك: لما الدكتور يكتبلك علي خروج
انا:عايزة اشوفه وحشني
ليتوك:نورهان انتي اتأكدتي بنفسك انه مش بيحبك ممكن متفكريش فيه تاني
انا مردتش علي ليتوك اكتفيت بدموعي
اللي نزلت وشديت الغطا عليا ونمت تاني ويارتني ما نمت بعد اما انا نمت بساعة شيون
جه عشان يتطمن عليا دخل عادي بمنتهي البرود ولا اللي داخل بيت ابوه
ليتوك:ايه اللي جابك؟
شيون:قلتلك متدخلش
وبكل بجاحة جه قعد جنبي ومسك ايدي
ونام علي كتفي ليتوك كان عارف انه لو قعد اكتر هيتخانق معاه بلا شك ولو اتخانق معاه انا هصحي وهشوف شيوون ومكن اتعب تاني عشان كده خدها
من قصيرها وخرج برا مفيش ربع ساعة وشيون كان نايم علي كتفي ,واستمر الوضع طويلا بعد مدة من الوقت
انا حسيت بأنفاس حد عند رقبتي بدات افتح عنيا براحة واما اتأكدت من اللي انا حساه
اتفزعت واتنفضت من علي السرير شيون قام مخضوض بيفرك عينه وهو لسه ماسكك ايدي انا
بقيت مضيقة عيني وبحاول اركز يمكن دي تهيئات
شيون بلهفة:ايه في ايه؟انتي كويسة؟
لما سمعت صوته اتاكدت بصيت علي ايده
اللي ماسكة ايدي راح سايب ايدي بسرعة
انا برعشة:شيون
شيون مردش عليا قرب مني نفسه بقي
بيخبط في وشي غمض عينه وقرب اووي
انا زقيته بسرعة:اوعي
شيون افتكر كلامه اللي زي السم اللي
قالهولي قام وقعد علي الكنبة اللي جنبي وهو بيبصلي بعديها بشوية لقيته جه لزق جنبي
علي السرير (لزقة افندي ^_^ ) وبعد كده حط ايده علي كتفي (ده فاطمة وكريم حبوا ابعض اسرع من
طريقتك دي) استعبط وعمل ان دراعه وجعه انا بصتله بسرعة راح فاقعني بوسة في خدي(يا قلب امي اللي راح ومرجعش)
رموشي
اشتغلت علي وضع المروحة وهنا يدخل الدكتور ابن الـ.....الناس الطيبين ><
الدكتور بص علينا بعد كده تأمل ارض
الاوضة:احم احم
شيون يا عين امه اتنفض من علي السرير
وكان هيقع ,ولما شاف الدكتور عض علي شفايفه وكان هاين عليه يقوم يضربه
الدكتور بانزحة ادي لشيون ورقة:اتفضل
شيون :ايه ده؟
الدكتور ببرود اهل ابو امه:كتبتلها علي خروج لان حالتها اتحسنت
شيون اخد الورقة:اه ماشي
بعد ما الدكتور خرج شيون جه ادالي
الورقة وخرج من الاوضة ولا كأنه يعرفني (يا برود اهلك بقي ><)
انا قمت وبقيت ما شاء الله الله اكبر
في وشكوا زي الحصان وخرجت متعصبة لقيت ليتوك مرمي علي الكرسي
انا:ليتوك
ليتوك:الواحد مش عارف ينام في ام المخروبة
دي خيير يا وش السعد
ولسه بيرفع راسه لاقاني قدامه زي الفل
ليتوك بدهشة: ايه ده انتي رجعتي زي الاول اهو بقيتي
تمام واتصلحتي
انا بعصبية: وانت جايب خلاط كان بيتصلح
رميت في وشه اذن الخروج
ليتوك اخده وزقني:طيب يلا يختي وانا اللي مكلف نفسي ومستشفي ومحاليل
اخدنا تاكسي وروحنا البيت وانا في
التاكسي كنت بفكر,يكونش شيون بيحبني وعامل عبيط ولا هو بيتسلي بيا زي ما قال
والغريب اني ساكتة لامه علي التصرفات بتاعته دي اووف بقي
ليتوك بيهزني:فوقي بقي يا زفتة انتي
انا:خييير
ليتوك:وصلنا,هتنزلي ولا اخلي السواق ياخدك لفة
انا فتحت الباب ونزلت زقيت ليتوك
وطلعت خبطت ماما فتحتلي لسه هقفل الباب لقيت ليتوك راح زقاقني وداخل وقبل ما افتح
بوقي بكلمة شدني من دراعي ودخلنا الاوضة وقفل الباب
ليتوك بصوت واطي:امك متعرفش حاجة عن اللي حصل,انا قلتلها انك كنتي بايتة بتذاكري
عند واحدة صاحبتك وتليفونك فصل شحن عشان كده معرفتيش تكلميها
انا:طيب مماشي
ليتوك لسه هيتكلم امي دخلت
ماما:انتوا مش هتبطلوا عادتكوا دي,في ايه عاملين مصيبة؟
ليتوك بضحكة:عسل يا خالتو والله ,احنا جعانين
ماما مردتش وراحت تعملنا الاكل وليتوك
خرج برا وانا غيرت هدومي خرجت لقيته حاطط رجل علي رجل والاتنين علي الترابيزة
وبيتفرج علي ماتش كورة كالعادة وانا ماشية نتشت الريموت وحولت ,ليتوك نتش الريموت من ايدي جاب الماتش
تاني
انا:ايه هات الريموت
ليتوك بمنتهي البساطة:لا
انا:هو ايه اللي لا,مش هتفرج علي كورة انا
ليتوك:انا هتفرج
انا:لا مش هتتفرج
ليتوك:اعملي اللي عندك
انا قمت وقفت قدام التليفزيون
ليتوك بعصبية:اوعي
انا بتناكة:لا
ليتوك بيجز علي سنانه:قلتلك اوعي
انا بنفس التناكة:لا لا لا
ليتوك اتنهد بزهق وقام شالني رماني
علي الكنبة وقعد انا جيت اقوم راح شاددني
من دراعي هبدني علي الكنبة وبقي متبت علي ايدي جامد اووي
انا بتوجع:ليتوك سيب ايدي بقي اااه ,ايدي وجعتني خلاص هقعد ساكتة
ليتوك بصلي بطرف عينه:لحد ما الماتش يخلص مش عايز اسمع صوتك
انا:ايه الذل ده؟
ليتوك ضغط علي ايدي اكتر وببرود:خلاص خليكي
انا:لالا خلاص
ليتوك ساب ايدي ,ماما جابت الاكل اكلنا وانا دخلت
اوضتي ,وقفت قدام المراية واخدت نفس عميق هزيت دماغي(ااه)وكأني قررت انفذ حاجة ,انا قررت ان معاملتي لشيون هتبقي
مختلفة مش هستناه تاني عشان يقولي انه بيلعب بيا حتي لو بحبه مش مهم هتعذب شوية
طول العمر مفرقتش كتير بالنسبة ليا
احداث الاسبوع ده مكنش فيها تطورات
كانت مملة اوووي عشان كده هختصرها في كام سطر
ليتوك ونور قربوا من بعض اوووي في
الاسبوع ده وزيادة عن اللزوم
نرمين ودونغهي قرروا ياخدوا علاقتهم
بجد ويبطلوا شغل الحبيبة الهايف ده ودونغهي بقي قوي علي نرمين بيراقب تحركتها
وكلامها مع الناس لبسها بدأ يهتم بيها اكتر
ريووك ومريم عصافير كناريا يا اخواتي الاتنين هاديين اوووي وعاقلين في نفسهم ربنا يهديهم ريووك مش بياوفر في حبه وبيعمل كل اللي يقدر عليه عشان يبسط مريم ومريم بتسمع الكلام ومش بتكسرله كلمة
شيون بيتجاهلني ودايما يقف يضحك ويهزر
مع البنات وعادي ولا كأنه عمل حاجة عايش حياته بمنتهي البساطة
انا بتجاهله حتي مش بحاول ابص عليه زي
الاول وبدات احس بفراغ في حياتي بعد ما ليتوك بقي بيهملني اووي في الفترة دي وانا
مش فاهمة ايه سبب تغيره عليا بقي احيانا ياخد نور ويرح وميقوليش مبقاش بيكلمني
وبيتجاهلني تماما ومش فاهمة ليه
صحيت الصبح كالعادة عشان اروح الجامعة
بس النهاردة كان يومي مختلف شوية كنت واخدة برد وحالتي بالبلي وكنت سخنة ماما
اتحايلت عليا مروحش الجامعة النهاردة بس
انا صممت ومن حظي الزفت كان الجو وحش اووي ومغيم انا مهتمتش روحت ركبت المترو
وروحت الجامعة لوحدي كالعادة بما ان ليتوك رافض يتكلم معايا ,كان يوم ممل اووي مشفتش حد من الشلة
النهاردة خالص ولا حتي شفت البنات خلصت محاضراتي وكنت ماشية قابلت اللي ما تتسمي
نانا بسخافتها المعتادة:هااي يا نونو,اخبارك ايه؟
انا بكح وصوتي رايح خالص:كويسة الحمدلله
نانا :ايه ده انتي واخدة برد؟,الف سلامة
انا بكلمها من تحت الضرس ومش طايقاها
اصلا:الله يسلمك شكرا
هيتشول بابتسامة:الف سلامة يا نورهان
انا:الله يسلمك
نانا بتطلع حاجة من شنطتها وادتهالي:انا عاملة حفلة صغيرة بمناسبة خطوبتي
انا وهيتشول اتفضلي الدعوة
انا عاملة فرحانة:بجد الف مبروك
نانا من ورا قلبها:عقبالك,امال فين المز
انا:نعم
نانا:اقصد شيون
انا في بالي:ده علي اساس ان اللي جنبك ده كيس
جوافة
لسه هرد لقيت ليتوك جه مسكني من دراعي
وبيهمس في ودني:ايه اللي موقفك مع استاذ برص وخنفسة هانم دول
انا مقدرتش امسك نفسي من الضحك وعملت
بكح
هيتشول باستغراب:بتقول حاجة؟
ليتوك عامل عبيط:لا انا بس بقولها شفت حاجة.....,وانت اخبارك ايه؟
هيتشول بيديله دعوة:تمام,انا خطوبتي قربت لازم تجيب انسة نور
وتيجي
ليتوك:شدها من ايده ان شاء الله,بعد اذنك
خدنا انا ونور ومشي
ليتوك بيبص للدعوة بقرف:صدق اللي قال الطيور علي اشكالها تقع
وهو قال جملته من هنا والدنيا مطرت
انا بعصبية:يخر بيت فقرك يلا بقي انا سخنة ومش
ناقصة
بدات تمطر جامد وبرق ورعد وشغل افلام
رعب والطريق بقي فاضي خالص وعقبال ما انا روحت كنت زي الهدوم اللي طالعة من
الغسالة من غير ما تتعصر
ماما بخضة:يخرب بيتك,انتي اخدتي المطر كله
انا بقلع جزمتي:لا اديت حبة للواد ليتوك
ماما بحزم:طب خشي غيري بسرعة
غيرت هدومي ودخلت تحت البطانية واما
جت تشوف حرارتي لقتني بترعش وسخنة مولعة مش قادرة اتحرك من مكاني,علي المغرب كانت حالتي مزرية تماما
وكان في دكتور واقف بيكشف عليا
الدكتور بيكتب الادوية:عندها حمي يستحسن تقعد في البيت يومين
تلاتة,اتفضل(بيديها لـ ليتوك)
ليتوك نتشها من ايده ونزل جري جابلي
الدوا (حنين يا واد من يومك)وبقي يسهر جنبي بالليل وينام ساعتين
وينزل يروح الجامعة واستمر الحال 3 ايام وانا بخف بالتصوير البطئ ,البنات في الجامعة وصلهم خبر ان انا
تعبانة وقاعدة في البيت وكانوا ماشيين في الجامعة
بيتكلموا
نور بحزن:نورهان وحشتني
مريم بملامح باين عليها الزعل:سمعت ان عندها حمي والدكتور قال لازم
تفضل في البيت
نرمين بخضة:حمي,يالهوي دي تلاقيها متعذبة
شيون كان معدي جنبهم بالصدفة وسمع
الحوار مش بيتصنت لا ده سمعه عادي ,شيون حس بالخوف عليا وندم (هتقضيها ندم حضرتك خش علي المفيد)ان
هو قالي كلام زي اللي قاله كان هيجيلي البيت بس جمد قلبه وقال بكرة تتحسن وتيجي,عدي 3 ايام كمان وشيون كل يوم يقول لنفسه
بكرة تتحسن وتنزل الجامعة لكن في اليوم التالت حس انه خلاص فاض بيه ومش قادر,وقرر انه فعلا هيروحلي البيت,انا كنت اتحسنت شوية وقدرت اقوم من
علي السرير لوحدي من غير ما حد يسندني ,كنت بسرح شعري والخاتم بتاعي وقع تحت السرير,وفي الوقت ده الباب خبط
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله
في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
[img]URL IMG[/img]
تعليقـــك بيســــعدنا ونقــدك بيهمنــا ツ