دونغهي راح ناحية ليتوك وشيون :خلاص ياعم بالراحة انا عندي
الجيرل فريند بتاعتي خلي نورهان لشيون
وراح زاقق شيون عليا انا لزقت في الحيطة وشيون فوقي
مباشرة
انا في بالي:ياغبي طب مش تنبهني الاول كده انا
ممكن اروح فيها
وحسيت بشيون وهو بيتأمل ملامح وشي وعيوني لا عيوني كان
بيتأملها اوووي وكأنه اتسحر وكأن الزمن وقف بيا في اللحظة دي لاني توهت في عيونه حاجة غريبة جوايا احساس غريب مش عارفة ايه هو ولا فهماه في حاجة بتتحرك جوايا وحسيت اني بسيح زي الشكولاتة اللي انا مسكاها ,بالنسبة لـ ليتوك بلع ريقه ومكنش
قادر يتنفس بهدوء الوضع اللي انا وشيون فيه مينفعش وفي نفس الوقت خايف يجرحني
بحركة غبية منه,اما بالنسبة للبنات بوقهم وقع علي الارض من الصدمة,لكن الموضوع كان
مختلف بالنسبة للبارد ريووك والابرد منه دونغهي كانوا واقفين بيضحكوا وكأنهم
فرحانين باللي حصل
شيون بصلي اووي وهو مضيق عنيه وبصوت يكاد يتسمع حتي انا
سمعته بالعافية:مش ممكن
همسة ,مجرد همسه منه خلت قلبي وكانه بيتمرد علي ضلوعي عايز يخرج من مكانه ويحضن شيوون
الهمسة دي خلتني ادوب اكتر وابقي مش مصدقة اللي بيحصل
حاسة اني هموت ,هو اللي جوايا ده قلب ولا طبلة
ليتوك بيحمحم وبنبرة حادة:احم احم ايه يا عم الامور
عجبتك اللزقة
هنا شيون فاق وبعد عني ولسه هيقول اسف لاقاني جريت خرجت
برا خالص حتي اني وقعت الشكولاتة بتاعتي علي الارض خرجت برا واخيرا البنات فاقوا
وحصلوني لاقوني قاعدة علي الارض عنيا مفتوحة علي اخرها وبتنفس بسرعة
انا بصوت متقطع وبالكاد يتسمع:ده......ده.....
عجزت عن الكلام
نور بتبصلي اووي وبتحاول تفهم اي حاجة من اللي انا
بقوله:نورا انتي كويسة؟(اه ما هي نور بتحب تقولي يا نورا مش نورهان ^_^ )
انا وعنيا مفتوحة من الصدمة وكأني اتكهربت:كان قريب اووي
وكان بيبصلي اوي,كان بيتفحص عيوني,بصيت لنور بهيمان:ملامح وشه من قريب كانت هييييييييييييح اوووي
نور ضحكت:باينها اتهبلت,سندتني عشان اقوم
قمت ولا كأن في حاجة حصلت بس تعابير وشي
عاملة زي اللي اترمي عليها تعويذة او سحر
انا بنفس التعابير اللي تقريبا لزقت في وشي: مش قادرة بجد كان مز
مريم:يارب ليتوك يسمعك
نرمين بدلع ووسهوكة:حرام عليكي يا مريم يا شريرة ده الحب ده حاجة كيووت اووي
انا بصيت لنرمين -_- :يا جماعة الكائنة دي اما بتتكلم بتفصلني
نور نفخت ولسه هترد عليا لقت اللي شدني من دراعي وزقني
علي الحيطة دماغكوا متروحش بعيد اكيد مش شيون ده ليتوك الفقري اللي انهي اللحظة
اللي كنت بحلم بيها من ساعة ما دخلت الجامعة
ليتوك بيتفحصني بقلق:انتي كويسة,مالك عاملة كده ليه؟
في اللحظة دي خرج ريووك ودونغهي (انا اشكر دونغهي علي
الزقة دي انا لازم اعمله تمثال)ومعاهم شيون
انا لما شفت شيون رجعت لحالتي الطبيعيةوهي الهيمان وشيون يا عين امه
كان بيحاول يشرحلي الموضوع
شيون بصوت ساحر (وده اللي انا حسيته لكن في الواقع هو
كان بيتكلم عادي):يا انسة,اسمك نورهان مش كده,انا...انا اسف بس هو..
انا قاطعته بانشكاحة فظيعة وزقيت ليتوك ورحت وقفت
قصاده:دونغهي اللي زقك حصل خير
شيون بصلي باستغراب يمكن من وقاحتي اللي متوقعهاش:اه ده
اللي كنت هقوله
لكن انا لما بصيت علي وشه ولقيت ملامح الاستغراب ادركت
اللي انا قلته وحطيت ايديا الاتنين علي بوقي وكان في بالي (احيييييييييييييييييييه
ايه اللي انا هببته ده)
بصيت لشيون ووشي بقي عصير طماطم:انا اسفة لازم امشي
وسحبت نور في ايدي لانها الوحيدة اللي لقيتها قصادي ورحت
علي قاعة المحاضرة لقيت الدكتور مجاش ولا حد من الطلاب كمان نور كانت عايزة ترجع
عشان تتنيل تحب هي وليتوك في بعض كالعادة لكن مرضتش وفضلت واقفة لحد ما لقيتهم
كلهم جايين وفي المقدمة شيون
انا بصيت لنور وبملامح مش مطمنة:احيييييييه,طب اروح منه
فين ده؟
نور رسمت ابتسامة رقيقة علي وشها وقرصتني في دراعي:اتلمي
بقي
وليتوك اول ما شافنا مد وسحب نور ودخل بيها( ميلة البخت
مكتوبالي)
ريووك بابتسامة:ايه واقفة كده ليه يا نورهان؟
انا لسه هرد لقيته راح ساحب مريم ودخل بيها القاعة وكده
كده السخيفة نرمين لازقة في دراع دونغهي ومش راضية تسيبه والاتنين شغالين ضحك
وهزار
وكده مش فاضل غيري انا وشيون واول
ما دونغهي ونرمين وصلوا عندي سبقتهم ودخلت قبل ما شيون يوصلي ودخلت ويارتني ما
دخلت لقيت كل واحد زانق الموزة بتاعته في
مدرج وماسك ايديها واشتغلت النحنحة بصتلهم بقرف وحقد وقعدت في مدرج لوحدي كأني لقيطة وسرحت
ولقيت كائن لزق جنبي نعم يا سادة انه شيون اللزج
شيون بابتسامة كسوف:انتي كويسة؟ (الله ده بيتكسف وعنده من الاحمر اذا كان انا معنديش)
انا بتنهد:اه كويسة
وشيون شكله كان ناوي يظبط معايا لكن يا قلب امه ملحقش
لان مريم وريووك كانوا لازقين جنبي ونرمين ودونغهي لازقين جنب شيون بصتلهم
بابتسامة وبدور علي ليتوك مش لاقياه ببص ورايا لقيته قاعد حاطط رجل علي رجل وايده
علي كتف نور ووشه لزق في وشها ورايح يبوس
انا بمشاكسة:يا عم المبوسة مش هنا؟
وفي لحظتها كل اللي كانوا قاعدين جنبي بصوا علي ليتوك
ونور
ليتوك وهو بيخبط علي رجله ووشه احمر من العصبية:يا
بنت......,وحياة امك لما نروح لأربيكي,ولا ليه لما نروح انا هربيكي دلوقتي وقام
وقف علي المدرج ونازل جري ناحيتي جيت اجري لقيت نفسي متحاصرة وما كان عليا الا ان
انا اقف علي المدرج وانط وفي الحركة دي شيون جالوا انذهال وبدا المعركة ليتوك يجري
ورايا وهو بيشتم وانا بصوت ,خبطت في شخص افتكرت حد من اصحابي طلع الدكتور بتاع
المحاضرة ليتوك جه وقف جنبي وبقينا شبه
المذنبين
الدكتور بيبصلنا من لفوق لتحت وبص علي باقي الشلة اللي
كانت قاعدة وراح مشاور بصباعة بكل تناكة:انتوا الاتنين وانتوا(قصده علي باقي
الشلة) برا المحاضرة
اععععععععععععععع كان شكلنا وحش اوووي
وما كان علينا الا اننا نخرج فعلا وخرجنا
ليتوك وهو بيزقني برا القاعة:اهو ده اللي بناخده منك
دونغهي بانشكاحة: حصل خير,شكرا يا نورهان
انا باستغراب:علي ايه؟
دونغهي وهو بيبص حواليه:اصل الدكتور ده رخم وانا بكره
المحاضرة بتاعته وكان نفسي يطردني من زمان
انا بغمزله :اي خودعة
ليتوك باستغلال:طيب بما اني اطردت بسببك اعزميني علي
الفطار
انا: ليه يا روح خالتك خلفتك ونسيتك
ليتوك:يخرب بيت لسان اهلك ده
انا:افطر علي حسابك ولا دادي مش مديك المصروف
ليتوك قرب مني وهمس في ودني:هتحترمي نفسك وتعزميني
ولا....
وراح مصفر وبص علي شيون هنا انا فهمت انه هيفضحني
انا رحت حاطة ايدي علي بوقه والايد التانية علي كتفه:انت
مش قلت جعان,تعالي هفطرك
ورحنا اتلقحنا علي التربيزات بتاعت المطعم
انا بقرف:هتطفح ايه؟
ليتوك بيبص بطرف عينه علي شيون:اتكلمي بأدب شوية
انا بجز علي سناني وبصتله بابتسامة مصطنعة:هتاكل ايه؟
ليتوك بتناكة اهله المعتادة لما بيبقي ماسك عليا ذله:مش
عارف
انا:نعم يا اخويا هو اخرك فول وطعمية ,انجز
ليتوك:بت اتلمي ويلا اسرحي
انا وبطلع دخان من ودني ومناخيري:تحب عدد معين ولا اروح
اجيبلك المطعم كله
دبسني في اكل غالي وخلاص
نور:ليتوك تعالي معايا هجيب ايس كريم(مش وقته يختي)
ليتوك:ماشي يا قلبي يلا
مريم:نور هاتيلي معاكي
ريووك وهو بيشد مريم: لا تعالي معايا,انا عايز اجيب
حاجات
راحت مريم مع ريووك
ونور مع ليتوك ومش فاضل غير المحروس
شيون و المتسهوكة نرمين واستاذ دونغهي اللي تقريبا غايبين عن العالم وراح شيون
يجيب ليه فطار ,انا جبت فطاري انا وليتوك وكنت هجيب لنور لكنها قالت مش جعانة و
وانا راجعة لقيت خمس بغال واقفين قدامي ومش راضيين يعدوني (احنا رحنا الصبح وده كان اول يوم جامعة فا
طبيبعي بتبقي فاضية شوية وده غير اننا مطرودين يعني كل الناس في محاضراتها)
وهناك في الركن البعيد الهادي حيث كريم وريووك بيتمشوا
ريووك باصص لايد مريم وعايز يمسكها وخايف يمسكها تقوم البت مصوتة ولا حاجة ومريم ما شاء الله صوتها ولا سرينة الاسعاف
ريووك بتوتر:مريم
مريم بصتله:ممم
ريووك بتوتر:مريم
مريم باستغراب:ايوة
ريووك بنفس التوتر:مريم
مريم تنحت وزاد استغرابها:نعم
ريووك بتوتر:مريم .. آآآ (مفيش في الواحة كلها غير مريم)
مريم:انت بتحفظ اسمي ولا ايه؟؟؟
ريووك بصلها واتوتر اكتر:ها .. لا .. مش قصدي
مريم ضحكت علي توتره ولخمته:امال ايه قصدك ده انت من الصبح عمال مريم مريم مريم
ريووك تنح للحظات لتلك الضحكة الساحرة:جميلة
مريم اتخضت ووشها احمر:هي ايه دي
ريووك ابتسم:الوردة
مريم ضحكت تاني بكسوف ومشيت سبقته
ريووك مد حصلها وبحركة سريعة قام ماسك ايديها
مريم قلبها بقي دوم تك دوم تك دوم تك دوم تك دوم وراحت ساحبة ايديها منه :احنا اتاخرنا يلا نرجع
وعودة ليا انا والبغال
البغل رقم واحد:علي فين يا صاروخ؟
انا خارج نطاق الخدمة
البغل رقم اتنين:مين المتخلف اللي يسيب موزة زيك لوحدها؟
انا بقيت برجع لورا وخايفة وهما بيغنوا ويردوا علي بعض
ولقيت واحد منهم مسكني من دراعي
البغل رقم تلاتة:ما تيجي معانا
انا بحاول افك دراعي من ايده لقيت واحد راح ماسكني من
دراعي التاني
بغل منهم (مش لازم الرقم):ما بلاش الاسلوب الصعب,انتي مش
بتردي ليه خلينا نسمع صوتك الرقيق
ولقيت صوت اي من ورايا بيضحك :ومين فيكوا الحكم,ويا تري
الجايزة كام؟
ببص ورايا ايوة فارس احلامي شيووووووون
اوووبـــــــا,وملحقتش اسبل لقيت بغل راح ناحية شيون عايز يضربه
البغل ضرب شيون في كتفه:ايه يا خفيف انت مصطبح علي
الصبح؟
شيون ضحك بعد كده بصله بنظرة حادة انا نفسي خفت منها
ومسك ايده رماها:شيون انت كده بتلعب في عداد عمرك
البغل بيضحك وبص لاصحابه:طب والنبي شوفلي الفاتورة
شيون ضحك:حاضر من عنيا
وفي التو واللحظة البغل كان واخد من شيون روسية جابته
الارض,ولما باقي البغال شافوا ده جريوا علي شيون وفي واحد منهم كان ماسكني من
دراعي جامد اووي
انا بتوجع وعمالة اصوت:انت يا بني أدم كائن غريب سيب
دراعي
بس بصراحة الفيلم الاكشن اللي حصل قدامي خلاني انسي ان
دراعي بيوجعني واركز معاه شيون في النص وسط اربع بغال تقدروا تقولوا اربع صراصير
كبار اتلمووا علي نملة
شيون بيضرب ويضرب وعادي ولا فارقة معاه
انا بصوت:حاسب يا شيون
وشيون لسه هيبص وراه لقي بغل راح مديله بوكس كومه علي
الارض شيون قام وكأن مفيش حاجة حصلت وبدأ الاكشن وانا كنت واقفة بعيد ايدي علي
بوقي وخايفة,والبغل اللي ماسكني اخيرا افرج عني وراح يضرب مع اصحابه,انا كنت هموت
من الرعب وقتها مش عارفة اعمل ايه وانا شايفة شيون بيتشلفط قدامي يضرب مرة ويتضرب
عشرة ,كنت هموت من الرعب لقيت تلات اشخاص بيجروا من جنبي افتكرتهم اصحاب البغال
يالهوي شيون هيموت,لا الحمدلله طلع ليتوك واصحابه ولقيت البنات بيحالوا ياخدوني
لكن انا فضلت متمسمرة في مكاني وبراقبهم هنا مكنتش عارفة اخاف علي ليتوك ولا علي
شيون كنت هتجنن,ولقيت بغل منهم جاب خشبة وضرب ليتوك علي راسه
انا بصوت وبحاول اهرب من البنات اللي ماسكني
بأحكام:ليتوك
ووقع ليتوك علي الارض وراسه بينزل دم وانا هموت من كتر
العياط جه امن الجامعة واخدوا البغال دول ولقيت شيون وليتوك مرمين علي الارض شيون
وشه مليان دم مش باينله ملامح وليتوك عنيه مفتحة شوية بس دماغه لسه بتنزل دم جريت
عليهم ولقيت ليتوك بيحاول يقوم والشباب ساعدوه لكن شيون اللي مغمض عنيه وخلصان
خالص ,انا مستنتش اطمن عليهم وجريت خرجت برا الجامعة علي اقرب صيدليه جبت
شاش ومطهر ورجعت الجامعة لقيتهم مقعدين شيون وليتوك
علي ترابيزة ,ولما وصلت لقيت ليتوك رابط دماغه وماسكه وبيصوت زي الولية المطلقة
وشيون مسحوله الدم اللي علي وشه وبيحاولوا يقنعوه يروح المستشفي وهو مش راضي
ليتوك وهو ماسك دماغه:بتتخانق معاهم ليه يا حيوان ده
الواحد يعمل خمسة منك يا غبي
شيون بياخد نفسه بالعافية:كله منك انت
ليتوك ماسك دماغه وعمال يندب:مني انا؟
شيون بنظرات غضب:ازاي تسيبها تروح تجيب اكل لوحدها وتروح
تجيب حاجات مع نور
ليتوك بصله:شيون الزم حدودك,ثم انت بتتكلم عليه ايه علاقة
نورهان بالخناقة اصلا
شيون:اسكت يا ليتوك
ليتوك نبرة صوته بقت عالية اووي:لا مش هسكت فهمني
شيون قام وزعق :عاكسوا نورهان
ليتوك اتصدم ومقدرش يتكلم وحس انه داخ وقعد علي الكرسي
شيون وهو لسه بيزعق:ما انت لو منتبه ليها شوية,مكنش ده
حصل لكن انت كل همك علي الحلوة(بيشاور علي نور) وتولع نورهان
نور بصت في الارض وحست بالذنب لان لو هي فعلا مكنتش اخدت
ليتوك وراحوا يجيبوا ايس كريم مكنش ده حصل
انا كنت وصلت في اللحظة دي وسمعت حوارهم خفت ابص لليتوك
رحت رامية لنور شنطةفيها دوا وقطن وشاش
انا وانا لسه بعيط وبصوت متلجلج:اربطيله دماغه
ليتوك بنظراته الحادة اللي بتموتني من الرعب وده اللي
خالاني مبصلوش:اهلا بالانسة,دايما مش بيجيلي من وراكي غير المصايب
شيون بعصبية: يعني هي اللي قالتلهم والنبي عاكسوني
ليتوك: وانت بدافع عنها ليه يا اخويا بص لوشك الاول بسبب الهانم وشك مبقاش فيه ملامح
شيون :ملكش دعوة
انا رحت ناحية شيون وببص لوشه وحاسة بالذنب وبصوت متلجلج
وخايف:انت كويس؟
شيون بابتسامة فيها نوع من الوجع :اه متخافيش
قعدت قصاده وطلعت الادوية وبدأت انضفله الجروح وليتوك
الدم بيضرب في عروقه وحاسس انه هيقوم يقتلنا بعد شوية ,واخيرا خلصت شيون وشه بقي
نصه بلستر
ليتوك حس انه ارتاح بعد ما بعدت عن شيون وعمل نفسه قال
متعصب: بعد الضرب والاهانة دي كلها,جبتي فطار ولا لا؟
نور بصتله بعصبية وراحت ضرباه في كتفه:انت همك الاكل.ما
تشوف ايه الي حصل لنورهان وشيون
ليتوك حط ايده علي كتفه وظهرت علي وشه ملامح الوجع مع
انه في العادة نور بتضربه وهي اللي بتتوجع
ليتوك بضيق:انتي ايدك بقت تقيلة اووي كده ليه؟
نور راحت رمياله شنطة السندوتشات في وشه:تقيلة ازاي ما
انا طول عمري بضربك
انا قربت من ليتوك اللي بياكل بلا رحمة وبعدم مبالاة ورحت
ضاغطة بصباعي علي الكتف الي نور ضربته عليه لقيت ليتوك نزل في الكرسي وبصلي بملامح
غضب رحت ضرباه جامد لقيت ليتوك صوت
ليتو بألم: ايه الغباء ده؟
انا:كتفك شكله وارم ابقي خلي خالتوا تشفهولك
ليتوك:ليه وانا برضع؟
مردتش عليه وطلعت سندوتش واديته لشيون اللي رفض بشدة بعد
محايلة مريرة مني اكله
واليكم جزء من المحايلة
انا بابتسامة: كل
شيون: لا مش جعان
انا بخضة: لا, انت كنت
بتجيب اكل وبسببي انت مفطرتش
دونغهي السخيف: يلا يا شوشو عشان تبقي شطور
نرمين بسخافة زي دونغهي وبضحكة: يلا عشان نجبلك حاجة
حلوة
انا في بالي:شوشو,هو بنت اختك؟
وخلص اليوم البشع ده وخلاص مروحين واتسحبت من ورا ليتوك
اللي كان مشغول مع نور ومشيت ورا شيون لحد محطة المترو ولسه هيركب لاقاني نطيت
جنبه
شيون مبرأ:انتي بتعملي ايه هنا؟
انا بابتسامة:هوصلك
شيون:افندم؟
انا بنفس الابتسامة: زي ما سمعت
شيون: ليتوك لو عـ.....
انا قاطعته وبنفس الابتسامة:ليتوك ملهوش دعوة بتصرفاتي
انا حرة
شيون متكلمش كتير زي ما يكون ما صدق وركبنا المترو وفي ابتسامة غبية علي وشي مش
قادرة اخفيها سيطرت علي نفسي وقدرت اظهر ملامح طبيعية رغم ان انا حاسة اني مشش
لامسة الارض وفي وسط تفكيري العميق ده شيون غمض عينيه ونام علي كتفي رغم ان انا
كنت عايزة اقوله بالحضن لكن انا اتوترت كالعادة
انا بتوتر ولا اللي داخلة لجنة امتحان من غير ما
تذاكر:انت ايه....
شيون قاطعني وبصوت نعسان:معلش حاسس اني دايخ ومش قادر
افتح عيني
انا سكت لكني حسيت بدفا في نبرة صوته مش دي النبرة اللي
انا متعودة عليها وبما ان شيون نايم علي كتفي
فا افتكرت اول لحظة شفته فيها كان واقف مع ليتوك ده وانا في اولي جامعة انا
دلوقتي في تانية جامعة سنة كاملة وانا بحبه وهو مش حاسس بيا خالص وشكله هيبتدي يحس
كنت اتمني الوضع ده يبقي للابد لكن المحطة اللي احنا نازلين فيها هي الجاية ولسه
هصحيه لقيته قام وقف وراح ناحية الباب جريت وراه زي الهبلة وخرجنا من المترو وصلته
لحد العمارة اللي ساكن فيها وبقيت بصاله بحزن مش عايزة اسيبه
شيون بابتسامة:شكرا
انا خارج نطاق الخدمة
شيون بيشوح بايده قداام وشي: نورهان,نورهان
انا فوقت :العفو,اتفضل(اديتله شنطة الدوا بتاعته و سيبته
ومشيت) رجعت البيت خبطت وماما فتحتلي خالتوا وليتوك كانوا عندنا وانا داخلة برقص
انا: انا قلبي دليلي قالي هتحبي دايما يحكيلي وبصدق
قلبي,انا قلبي دليلي دليلي
ليتوك باستغراب وهو بيطفح(احيانا بحس انه بيجي ياكل
عندنا وامه مش عاملة اكل):وده من ايه ده؟
انا فوقت من غيبوبة الرومانسية وبصتله
ليتوك جاي ناحيتي ومضيق عنيه :رحتي فين بعد ما خرجنا من
الجامعة؟
انا وعنيا مفتوحة علي اخرها وخايفة:كنت بجيب حاجة
ليتوك عامل ذكي:ايه هي بقي؟
انا بتوتر وصوت بيترعش لاني عارفة لو ليتوك عرف هيقتلنا
احنا الاتنين:وانت مالك حاجات بناتي ملكش فيه(قديمة اخر تلت اربع حاجات)
ليتوك بنظرة تدل علي انو عارف اني بكدب:ماشي
ولسه هدخل اوضتي لقيت ماما جابتني من شعري
ماما وهي ماسكة شعري:عملتي ايه في ابن خالتك يا مقصوفة
الرقبة؟
انا ماسكة ايديها وببوز طفولي:معملتش حاجة والله
انا بصيت لليتوك بعيون بريئة ووش طفولي: والنبي قولها
تسيبني
ليتوك بيستعبط: اه يا دماغي مش قادر
ماما بعصبية : شفتي اخرة عاميلك السودة يا حيوانة,انت
كويس يا حبيبي؟
ليتوك مازال بيستعبط ويستهبل:دماغي وجعاني اووي يا
خالتوا مش قادر
ماما سابت شعري
ووطت قلعت الشبشب وبزعيق: وحياة امك لاوريكي
ليتوك قام وقف بيتفرج وفرحان
انا جريت استخبي في حضنه وعمالة ازن:قولها تسيبني عشان
خاطري
ليتوك بصلي بنظرة معينة وانا فهمت انه عايز مني حاجة
انا بصوت همس محدش يسمعه غيري انا وهو:انت بتحلم
راح زاققني علي امي بعد ما كان حاضني واستعبط اكتر: اه
صداع مش قادر الحقيني يا خالتو
انا جريت استخبيت في حضنه تاني وهو بيحاول يزقني وبصوت
همس:طيب هقولك بس والنبي متسبنيش ليها احسن تاكلني
ليتوك بنفس نبرة الهمس: مش بتيجي غير بقلة الادب
ليتوك بص لماما وضحك: خلاص يا خالتو سبيها عشان خاطري
انا
والغريب ان ماما ضحكتت ورمت الشبشب علي الارض لبسته
وقعدت جنب خالتوا وفضلوا يرغوا
ليتوك اخدني ودخلنا اوضتي ولسه هتكلم لقيت اللي فتح
الباب فجأة واترمي في حضن ليتوك وهو بيعيط
نور بعياط وهي حاضنة ليتوك جامد:يا غبي يا حيوان مش بترد
علي التليفون بتاعك ليه؟افتكرت حاجة حصلتلك
انا قاعدة مربعة علي السرير منشكحة ومندهشة من اللي حصل ده
بعدت عن حضنه شوية وبصتله ومسكت دماغه:انت كويس
ليتوك منذهل ومش عارف يعمل ايه:اه اه كويس
نور بصتله وبتتأمل ملامح وشه وراحت شده راسه ليها وباسته
ومكنش قدام العبدة لله اللي هي انا غير حل واحد وهو اني اخرج من الاوضة فتحت باب
الاوضة حتة صغيرة وبصيت علي امي وخالتي ملقتهمش واتأكدت انهم راحوا شقة ليتوك خرجت
وقعدت علي الكنبة وضميت رجلي ليا ومفيش دقايق وسرحت
بافكاري,اما بالنسبة لليتوك
ونوور بعد ما نور عملت حركتها دي ليتوك مكنش متفاجئ بل علي العكس بروح امه اندمج
معاها اكتر وشدها ليه وحاوط وسطها بدراعاته
نور بعدت عن ليتوك وهي لسه مغمضة عنيا ووشها لامس وشه
وبهمس: قلقت عليك كنت هموت من الخضة
ليتوك:طب ما تجربي تقلقي تاني كده
نور ضربته وبصت في الارض(لا وهي وش كسوف اووي دي لسه
بيساه):احترم نفسك
ليتوك بابتسامة:اموت انا,خلاص خلصتي كل قلقك وخضاتك
ننادي بقي الغلبانة المرمية برا لوحدها دي
نور بابتسامة: اه ناديها (بصراحة مش عارفة اقولك ايه علي كرم اخلاقك >< )
ليتوك فتح باب الاوضة وخرج راسه لاقاني سرحانة راح شاخط
فيا: نورهان تعالي
انا بصتله بغضب لانه خرجني من حلم جميل ورحت قايمة بسرعة
دخلت الاوضة لقيت نور قاعدة علي السرير بتاعي
ليتوك قعد جنب نور وبعد كده اترمي علي السرير:نور عارفة
كل فضايحك وانا كذلك ارغي
نور بضحكة خبيثة:عملتي ايه تاني؟
انا بلعب في صوابعي وخايفة اطلع الكلمة لاني عارفة اني
هموت وبصوت خايف وبيترعش:انا استخبيت وبعد ما انت مشيت انا روحت مشيت ورا شيون
وركبنا المترو مع بعض ووصلته لحد بيته
ليتوك بعد ما كان نايم علي السرير براحة اوووي(كأنه سرير
اهله)اتنفض من مكانه وقام جابني من شعري(دي حركة عادية مش هيضربني ولا حاجة):يخرب
بيتك وصلتيه لبيته
ليتوك راح زاققني وبقي يضرب كف علي كف:اعمل ايه فيها دي
وفجأة مسك راسه انا ونور جرينا عليه
انا بنبرة خوف: انت كويس,ليتوك والله.....
ليتوك زقني:اوعي,والله ايه؟يا نورهان ارحميني من اللي
انتي بتعمليه ده,انتي عارفة امك لو عرفت هتجيب رقبتك
انا جريت قعدت علي ركبتي وبقيت رافعة راسي وانا خايفة
وبصاله:وانت ناوي تقولها؟
ليتوك:يا حتة حيوانة امك هي اللي زقتني عليكي وقالتلي
اسألك عشان لقيتك اتأخرتي كانت عارفة انها مش هتاخد معاكي لا حق ولا باطل
انا بصتله والدموع خناقاني وقمت وبعدت عنه ودموعي بدات
تنزل علي خدي بالراحة وصوتي بقي عالي:ما انت عارف اني بتنيل بحبه
ليتوك قام وشدني من دراعي وبص في وشي وصوته كان عالي
اوووي:ملعون ابو ده حب
انا وملامحي بقت باردة والدموع علي خدي وبكل هدوء:ليتوك
اطلع برا
ليتوك مترددش لحظة وشد نور واخدها وخرج اما انا فا غيرت
هدومي واترميت علي السرير وبدات اعيط بصوت عالي لحد ما غلبني النوم,ليتوك وصل نور
البيت ورجع تاني خبط علي باب شقتنا
ماما:تعالي يا حبيبي خش
ليتوك دخل:ماما هنا؟
ماما:اه يا حبيبي تعالي
ليتوك:طيب ونورهان
ماما:دي نامت من بدري
ليتوك اتخض:نامت,طب كلت قبل ما تنام؟
ماما بزعل:مرضيتش تاكل
ليتوك:طيب يا خالتو ممكن تعمليلها اكل عقبال ما اصحيها
دي مكالتش من الصبح
ماما:طيب يا حبيبي خش صحيها وانا هسخنلها الاكل
ليتوك فتح باب الاوضة براحة وبصلي وانا نايمة وافتكر
الكلام اللي قالهولي(ملعون ابو ده حب) قعد جنبي علي السرير وبدأ يصحيني براحة
ليتوك بصوت مخنوق:نورهان اصحي يلا ععشان تاكلي
انا صحيت علي طول بمجرد ما هزني وبصوت نايم:مش عايزة
ليتوك شخط فيا:هو ايه اللي مش عايزة قومي
انا اتنطرت من علي السرير وقمت قعدت وبقيت بصاله وانا
خايفة (متستغربوش بس انا بحترم ليتوك
وبحبه جدا هو بالنسبة ليا اخويا الكبير ويمكن بخاف منه اكتر من بابا)
ماما دخلت بالاكل وحطيته علي التسريحة بتاعتي وخرجت
وقفلت الباب
انا بملامح جدية:قلتلك مش عايزة اطفح
ليتوك وهو بينفخ وبيتنهد:انا مش فاضيلك
ولسه هرد ليه لقيته مسك خدودي الاتنين بايد واحدة وبقي
يدوس علي ضروسي عشان افتح بوقي بالعافية وبقي يحط معلقة ورا التانية وعقبال ما
خلصت اكل كان وشي ورم
انا بزق ليتوك:اوعي بقي,خلاص شبعت
ليتوك داس علي وشي اكترعشان افتح بوقي:لا خلصي الاكل كله
انتي مكالتيش من الصبح
ليتوك رمي المعلقة في الطبق وراح مطلع شكولاتة وادهالي
ليتوك بابتسامة:خدي
انا بزق ايده:مش عايزة منك حاجة
ليتوك بتنهيدة:خلاص انا اسف
ليتوك وهو بيحضني:انا اسف عارف اني جرحتك,بس انا مش
عايزك تبقي طايشة في تصرفاتك افرض طلع مش بيحبك
انا زقيته وبصتله بزعل راح حاضني تاني
ليتوك:انا بقول افرضي ,وبعدين يقول عليكي ايه دلوقتي
مدلوقة ولا ليتوك معرفش يربي
انا ضحكتله :انت رخم
ليتوك بابتسامة وهو حاطط ايده علي شعري:هتاخدي الشكولاتة
ولا لا
انا رحت ناتشة الشكولاتة من ايده فتحتها ورحت واكلة منها
ليتوك بيضحكلي رحت حطاله شكولاتة في بوقة
ليتوك بقرف:قلتلك مش بحبها (ليتوك بيكره الشكولاتة كره العمي)
انا ببوز اطفال وانا باكل الشكولاتة:اعتبره عقاب
ليتوك وهو بيزقني:اتاخري شوية بقي
وجه نام جنبي (ما قلنا ابن خالتي واخويا في
الرضاعة بلاش سفالة )
وليتوك الموكوس كان المفروض قاعد معايا شوية وماشي لكن
النوم غلبنا احنا الاتنين ونام جنبي ,ومحستش بحاجة غير الصبح وفي صوت مزعج جنبي
بفتح عيني لقيت مريم ونور
نور:O______________O
مريم:-____-
ليست هناك تعليقات:
إرسال تعليق
الان اذا أردت نشر صوره في تعليق عليك أن تضع هذا الكود أسفله
في مربع التعليق ثم تقوم بتغيير كلمة URL IMG برابط الصورة التي تريد وضعها في تعليق ❤
[img]URL IMG[/img]
تعليقـــك بيســــعدنا ونقــدك بيهمنــا ツ