أسرتُ من نظرة ♥ Part 4

ليتوك زقها ودخل وشاف المنظر الرهيب ده ليتوك اتصدم

ليتوك هو بيتنفس بسرعة وبعصبية وبأعلي ما عنده من صوت:نورهان

الصوت لوحده كفيل بأنه يخليني افوق من  غيبوبة الحب اللي انا فيها دي ,بعدت عن شيون وبصيت ناحية الصوت لقيته ليتوك زقت شيون جامد بعيد عني وبقيت باصة لليتوك اللي بيقرب مني وانا عارفة انه هيجيب رقبتي بلا ادني شك جريت استخبيت ورا شيون ,وشيون كان واقف قدامي بيحاول يحميني من ليتوك لانه عارف صاحبه كويس لما بيتعصب

شيون: ليتوك سيبها في حالها,انا هفهمك

ليتوك وهو بيزق شيون جابني من شعري:متدخلش انت في الموضوع

ليتوك كان خارج وهو ماسكني من شعري نور وقفته

نور: انت بتعمل ايه يا مجنون؟سيبها الناس هتقول ايه لما تشوفك ماسكها من شعرها كده

ليتوك :هيقولوا بربيها

نور: طب عشان خاطري سيبها مينفعش كده

ليتوك اتنهد وده دليل علي ان صبره نفد ساب شعري ومسكني من دراعي وخرج بيا بيمشي بخطوة سريعة واخدني وقف تاكسي روحنا البيت حاسب التاكسي وطلعنا وهو لسه ماسكني وبقي بيخبط علي باب شقتنا بغباء واول ما ماما فتحت راح راميني علي الارض ودخل وقفل الباب بالمفتاح

ماما وهي مخضوضة وبتحاول تفهم:في ايه يا ابني اييه اللي جابكوا بدري

ليتوك بيبصلي بنظرة حادة مشفتهاش قبل كده:حلو اووي اللي انا شفته ده

ماما اتخضت عليا: في ايه يا ابني مقصوفة الرقبة دي عملتلك ايه؟

ليتوك مستناش حتي لما افهمه جابني من شعري رماني في  اوضتي ودخل قفل بالمفتاح وحطه في جيبه ماما فضلت واقف علي الباب تخبط وتقول لليتوك يفتحلها وليتوك مش راضي

ليتوك بزعيق سمع العمارة كلها:ساكتة ليه,اتكلمي

انا قمت من علي الارض ولسه هتكلم لقيت قلم نزل علي وشي من غير مقدمات بصيت لليتوك بنظرة اندهاش ودموعي بدأت تنزل ,ومفيش  دقيقة كان ليتوك ماسكني من شعري تاني

ليتوك بزعيق:ليه بتعملي كده فيا؟مصرة تقلقيني عليكي وخلاص ارحميني بقي

انا بعياط:ملكش دعوة بيا متدخلش في حياتي خالص ,انا بكرهك

ليتوك:مدخلش في حياتك,ازاي وانتي حطاني في كل كبيرة وصغيرة تخصك

انا بزعيق : لا اذا كان علي ده فا انا مش هخليك تعرف اي حاجة عني اعتبرني مت وارحمني من اللي بتعمله ده هو انا مش انسانة معنديش قلب مش من حقي احب ولا هو حلو ليك وحرام ليا

ليتوك بمجرد ما سمع كلامي حس بنار جواه بتحرقه راح راميني علي الارض تاني, في اللحظة دي نور كانت وصلت وعمالة تعيط وتخبط علي الباب عشان يفتحلها

نور بعياط: ليتوك افتح متعملهاش ليتوك عشان خاطري سيبها

ليتوك فتح الباب ولما شاف وش نور اتخض من تعابيرها

نور وهي بتمسح دموعها وبتزق ليتوك:هي فين؟,عملت فيها ايه اوعي

نور جريت عليا وبدات تتفحصني وانا عمالة اعيط

نور: ضربك؟,مديت ايدك عليها ليه يا ليتوك حرام عليك

ليتوك خرج قعد برا وهو حاسس بنفس الاحساس نار جواه كلامه كان بيوجعه قبل ما يوجعني ,ماما جت قعدت جنبه

ماما بقلق: ليتوك نورهان عملت ايه؟

ليتوك ابتسم ابتسامة مكسورة:متخافيش يا خالتو,نورهان كويسة

ليتوك اه كان قاعد برا لكنه كان سامع الحوار اللي بيدور بيني انا ونور كويس

نور:خدي (بتديني تليفوني القديم اللي انا افتكرته ضاع)

انا: ايه ده  جبتيه منين؟

نور:اليوم اللي شيون اضرب فيه عشانك وانتي وصلتيه وادتيله الدوا الشنطة بتاعت الادوية كان فيها تليفونك ومن ساعتها معرفش يدهولك ,ليتوك دخل علينا فجأة اخد التليفون مني ايدي وشد نور من دراعها

ليتوك وهو بيشدها: يلا

نور بنظرة عتاب : لا انا قاعدة معاها شوية

ليتوك بزعيق: قلت يلا

انا بصوت بيترعش:خلاص يا نور روحي انا هبقي كويسة  

نور: طيب هبقي اتصل بيكي بااي

ليتوك اخد نور ووصلها كالعادة بس في كل مرة كان بيبقي ساكت فيها المرة دي وهما قاعدين في التاكسي ليتوك مسك ايد نور وحط راسه علي كتفها

ليتوك بصوت ضعيف:خليكي معايا متسبنيش

نور باستغراب: مالك يا ليتوك في ايه؟

ليتوك: انا خايف علي نورهان اوي تصرفاتها طايشة جدا اكيد هيجرحها

نور:سيبها تجرب وتتعلم

ليتوك: مستحيل

نور بنبرة دافية:يا حبيبي مينفعش نورا تبقي تحت سيطرتك طول الوقت لازم تديها حريتها مش تبقي بتراقبها كل لحظة

ليتوك بخنقة: قفلي علي الموضوع يا نور خلاص

وفضلوا ساكتين كالعادة لحد ما وصل نور ورجع دخل عليا الاوضة لاقاني قاعدة زي ما انا 

جه قعد جنبي

ليتوك بنبرة حادة:نورهان

انا بصلته والدموع بتنزل علي خدي وبملامح باردة وكأن روحي 
اتسحبت مني

ليتوك ضعف قدام نظرتي وملامحي الدبلانة:ليتوك ممكن متعمليش في نفسك كده ,انا خايف عليكي مش عايزك تجربي عذاب الحب انا طبعا نفسي اشوفك مع الانسان اللي قلبك اختاره لكن بلاش شيوون انتي متعرفيش عنه حاجة

انا بعصبية:لا وانت تعرف,انا بحبه ومش هسيبه

ليتوك بنبرته الحادة المعتادة:انتي ليه مش قادرة تفهمي شيون مش بتاع حب شيون بتاع بنات هيتسلي بيكي شوية ويسيبك ,انا صاحبه واعرفه اكتر منك

انا بصيت لليتوك بصة معناها انت كداب

ليتوك بصلي بضعف وحضني وطلع شكولاتة وادهاني كالعادة :ايه هتقولي عليا كداب,خدي 

انا زقيته جامد بعيد عني وجاتلي حالة عصبية وقمت وقفت تقدروا تقولوا اتجننت وزقيت ايده:لا يا ليتوك انا مش عيلة صغيرة عشان تضحك عليا بشوكولاتة وحضن وابتسامة وخلص الموضوع دي مشاعري وانا حرة فيها ملكش اي حق تتحكم فيا مهما حصل

ليتوك وقف وجاب الشكولاتة من علي الارض مسكني من دراعي وبنبرة حادة:هسيبك دلوقتي عشان تهدي,خدي بس صدقيني بمزاجك او غصب عنك استحالة اخليكي ترتبطي بشيون

خرج وقفل الباب مش عارفة ليه حسيت بخوف من كلامه يمكن عشان هو فعلا يقدر يبعدني عن شيون انهرت من العياط لمجرد التخيل اني اسيب شيون وكالعادة لجأت للنوم عشان اخلص من 
القرف اللي انا فيه

نور كانت قاعدة في اوضتها علي السرير وكانت ماسكة التليفون بتاعها عايزة تتصل بليتوك لكن خايفة منه ونفس الوقت مرعوبة عليا مش عارفة تعمل ايه نور الوحيدة اللي عارفة مقدار حبي لشيون عشان كده كانت متفهمة الامر عن ليتوك  وفي النهاية نور استسلمت للنوم

وفي اوضة مريم بقي كان الجو شبه رومانسي ولطيف شوية مريم كانت زهقانة ومتعرفش حاجة عن اللي حصلي قررت تفتح الفيس يمكن تلاقي حد منا فاتح لكن ملقتش حد كانت هتقفل لقت ريووك نطلها في محادثة

ريووك:هاااي

مريم:هاااي عليك

ريووك:ايه ده جيت في وقت غير مناسب؟

مريم:بالعكس جيت في وقتك

ريووك:امممممم,بتعملي ايه؟

مريم:ولا حاجة

ريووك:ينفع اتصل بيكي دلوقتي؟

مرريم:معلش لحظة

ريووك:اوك خدي وقتك

قامت فتحت باب اوضتها لقت العيلة الكريمة كلها دخلت نامت قفلت الباب وقفلت بالمفتاح وقعدت علي الكرسي تاني

مريم بانشكاحة:ماشي اتصل

ريووك مردش واتصل علي طول 

مريم:الو

ريووك:وحشتيني

 مريم شهقت:افندم

 ريووك ماشي بمبدأ اعمل عبيط:ابدا ده انا بكلم القطة بتاعتي

 مريم العبيطة صدقت وبلهفة:الله انا بحب القطط اووي

 ريووك بنبرة صايعة تدل علي المعاكسة:مش اكتر مني

 مريم حمحمت وشها احمر:طيب مش هتقولي اسمها

ريووك ببساطة:مريم

 مريم الغبية اخيرا فهمت انه بيتكلم عنها اتلجلجت واتوترت وردرجة الحرارة عندها بقت 50 درجة مئوية:انت..قصدك

ريووك قاطعها واتكلم بسرعة:بقولك قابليني بعد الجامعة بكرة في كافيه@!#@#@!

مريم عملت تقيلة:طب استني كده لحظة(غابت حوالي نص دقيقة)طيب ماشي نتقابل سلام

 ريووك:سلام

 في النص دقيقة الللي مريم غابت فيها كانت عمالة تتنطط ي الاوضة مع اطلاق عبارة(يس يس ايوة بقي)وبعد ما قفلت معاه حطت الهاند فري وبقت تسمع اغاني وتنطط زي الهبلة

 وفي تلك الغرفة كان سيد الحوار المعتاد هو النحنحة والسهوكة

نرمين بسهوكتها المعتادة:ايوة يا دودي اكلت

دونغهي باستظراف:او اخط يا قلبي      (يلعن ابو ظرافة عسل ام اللي جابت ابو سئالة ابوك)

نرمين بتضحك:يالهوي يا ناس علي العسل

 دونغهي غير طريقة كلامه الي طريقة صايعة:وحشتيني يا بت

نرمين بكسوف(لا وهي وش كسوف اووي):لحقت اوحشك اووي كده

 دونغهي:اوي اوووي اووي بقولك

نرمين قاطعته:بتحلم مش هديك حاجة

دونغهي:احم

نرمين:احمين يا بيبي يلا تصبح علي خير

دونغهي:سلام

 والحمدلله ناموا بسخافتهم الظريفة دي

 وفي اوضتي انا مكنتش نايمة بصراحة مكنتش عارفة انام الدموع خنقاني وهموت واترمي في حضن شيون ليتوك كان بيجي يتطمن عليا ويمشي وكل محاولاته في انه يأكلني فشلت تماما ,ليتوك لما حس انه مخنوق عشاني نزل الشارع بعد كده طلع علي بيتهم تاني اول مدخل اخد من مامته محاضرة في الادب اول ما ليتوك دخل امه قامت جريت ناحيته

 ام ليتوك بملامح غضب:ايه اللي انت عملته ده؟

 ليتوك بتعب: عملت ايه؟

خالتو(ام ليتوك):اللي انت عملته في نورهان ضربتها ليه؟

 ليتوك بملامح جدية: لو سمحتي يا امي متدخليش

 خالتو وصوتها عالي يعني ايه مدخلش,دي امها هتموت من القلق عليها وانت مش مديها عقاد نافع

 ليتوك زهق من كتر الزعيق والخناق والمشاكل ونزل تاني وساب امه لوحدها بس المرة دي جالي منزلش الشارع دخل اوضتي رما المفاتيح علي التسريحة وقعد زي ما تكون اوضة اهله

 جه قعد جنبي ومسح علي شعري ليتوك بنبرة جدية ممزوجة بالضعف:نورهان

انا مردتش عليه رغم اني كنت حاسة بنبرة صوته المختلفة ليتوك لما لاقاني مش برد قام نزل الشارع وبات برا البيت ومحدش منا كان يعرف هو راح والصبح

ريووك اتصل بمريم وقالها يتقابلوا دلوقتي واتفقوا هيتقابلوا في نفس الكافيه ريووك لبس ومريم اتشيكت

 ريووك وصل قبل مرريم وفي ايده بوكيه ورد محتاس بيه 

ريووك بيفكر مع نفسه:احطه علي الترابيزة عادي لا كده ممكن تتوتر يبقي اخبيه طب اخبيه فين 

وفي وسط حوسته دي لمح مريم جاية من بعد قام رامي البوكيه تحت الترابيزة وقعد عادي 

مريم دخلت قلعت شنطتها وقعدت:اتاخرت عليك؟؟

ريووك بانبهار لانه اول مرة يشوف مريم بلبس بناتي اووووي 
كده:لا خالص ده انا لسه داخل 

مريم لاحظت نظراته ليها ابتسمت بكسوف:ها بقي طلبت تقابلني 

الصبح بدري كده ليه؟؟

ريووك بتوتر :ها,تشربي حاجة؟؟

مريم هزت راسها لا :شكرا مش عايزة 

ريووك غمض عنيه جامد واستجمع شجاعته:مريم

مريم -_- :لو هتقول كلمة مفيدة قول هتفضل تحفظ اسمي اسكت احسن

ريووك ضحك:لا خلاص هقول كلمة مفيدة 

مريم:طيب سمعني كلامك المفيد

ريووك:مريم انا بحبك 

مريم بصدمة:احيه ياريتك ما قلت 

ريووك باستغراب: هي دي وانا كمان بتاعتك؟؟

مريم وشها احمر جامد وبتوتر:ها .. لا مش قصدي .. اصل انت فاجئتني و ..

ريووك قاطعها:شششش كفاية كلام ,هسالك سؤال تهزي راسك بـ ااه او لا ,بتحبيني؟؟

مريم وشها احمر اكتر وهزت راسها ااه 

ريووك :بجد,يعني موافقة؟؟

مريم ابتسمت بكسوف:موافقة ايه؟؟

ريووك:اجي اتقدملك واخطبك 

مريم بصدمة:احيه 

ريووك:ايه تاني؟؟

مريم بارتباك:ريووك اصلك بتفاجئني بحاجات كتير ورا بعض 

ريووك :طب استني عشان مصدمكيش لتالت مرة 

نزل تحت الترابيزة قعد يدور علي البوكيه وطلع بيه وهو شعره منعكش

مريم ضحكت اوووي 

ريووك قعد واداها البوكيه:اتفضلي

مريم خدته شمته وابتسمت:شكرا 
وعندي انا في معاد الجامعة

 قمت لبست ونزلت من غير ما اتكلم مع امي او خالتي ركبت المترو وصلت قدام الجامعة ودخلت بدات ادور علي شيون بلهفة لكن مش لاقياه وفي اقل من ثانية لقيت الشلة واقفةحواليا وكان معاهم ليتوك معرفش هما وصلوا امتي ولا ازاي انا كان همي شيون اللي اول ما الشلة جت لقيته نط فضل يتكلم ويهزر معاهم ولا عبرني بكلمة ولا بصلي حتي ودايما في المحاضرات كان بيقعد جنبي المرة دي راح اتحشر في مدرج كله بنات خلصنا المحاضرات وخرجنا وهو كان ماشي معانا وبردو مش معبرني ده حتي مبصش عليا ولا حاول يعرف ايه اللي حصل ,وفي وسط ما انا تايهة في افكاري كل واحد سحب موزته كالعادة اللي رايح يجيب اكل واللي راح يشوف حتة يحب فيها واللي سرح وخلاص ولقيت نفسي واقفة مع شيون لوحدنا وهو مديني ضهروا استغليت الفرصة وقلت اتكلم معاه

انا حطيت ايدي علي دراعه ونطقت اسمه بنبرة مليانة شوق والم:شيون

شيون بصلي وملامحة طبيعية جدا ولا كأنه يعرفني اصلا

انا بعصبية:انت بتتجاهلني ليه؟

شيون ببرود تام متوقعتهوش منه:وانا اصلا كنت مهتم بيكي قبل 
كده عشان ابقي بتجاهلك