أسرتُ من نظرة ♥ Part 6

ماما فتحت لقت شاب وسيم طويل عريض هدومه وشعره مبلولين من المطر

شيون بينهج:نورهان موجودة؟

ماما:اه,مين انت؟

شيون مش قادر ياخد نفسه:انا زميلها في الجامعة,هي فين؟

ماما بقلق:طيب خش يا حبيبي الجو برد عليك      (حونينة الست دي)

شيون دخل:هي فين؟

ماما استغربت لانه عليه عفريت اسمه هي فين:في اوضتها استني اندهالك(وشاورت علي اوضتي)

شيون مستناش ودخل اوضتي من غير ما بيخبط حتي,انا كنت بجيب الخاتم بتاعي لقيت اللي شدني من دراعي قومني بعد ما كنت قاعدة علي ركبي ولمست جسم متلج انا مش فاهمة حاجة وفي حد حاضني ,بقيت بزق فيه لحد ما نجحت وبعدته عني

انا بصتله بصدمة:انت بتعمل ايه هنا؟

شيون مردش قرب مني حط ايده علي وشي واتنهد براحة:انتي كويسة؟,حرارتك نزلت

انا بصدمة اكبر:بقولك بتعمل ايه هنا؟

شيون:بحبك

انا اخدت الكلمة دي زي الصاعقة اللي نزلت عليا وبقيت متنحة

انا بحاول ابقي قوية قدامه رغم اني نفسي اجري عليه واحضنه:لو جاي عشان تطمن عليا بصفتي زميلتك شكرا انا كويسة مكنتش تعبت نفسك

شيون قرب مني مسكني من دراعي وبنظرات مليانة حب:بقولك بحبك

انا:شيون انا مش لعبة عشان تاخدني وترميني وقت ما انت عايز

شيون:انا ملعبتش بيكي

انا بعصبية:لا لعبت بمشاعري وجرحتني

شيون بندم:انا اسف,كنت خايف عليكي

انا:خايف عليا من ايه؟

شيون بتوتر:من ليتوك,اليوم اللي  شافنا فيه مع بعض بعد ما خرجتوا واخدك كلمك انا كنت شايفكوا نظرة عنيه كانت تخوف اي حد وانا عارف ليتوك كويس وكنت خايف يعمل فيكي حاجة

انا اتعصبت اكتر:بس انا متعودة علي كده ليتوك دايما  كده مش هو اللي هيحدد مين اللي انا احبه ومين اللي انا اكرهه دي حياتي وانا حرة فيها هو ملهوش عندي حاجة وانت لو بتحبني بجد كنت المفروض تتمسك بيا

شيون حاضني وبنبرة ضعف:انا اسف

انا زقيته:لا مش هتلعب بيا تاني

شيون قربلي:مش بلعب بيكي انا بحبك بجد

انا:طيب مين البنات اللي انت بتقف معاهم علي طول دول

شيون ضحك:دول زامايلي وعلاقتي بيهم مجرد محاضرات بيصوروها مني

انا بنرفزة:هو تصوير المحاضرات بقي بالاحضان والضحك

شيون ابتسم ابتسامته الساحرة كالعادة:امممم خلاص مش هقف معاهم تاني

انا ضحكت وهو قرب مني وحضني اوووووي واتنهد براحة وانا حاوطته بدراعاتي وبقيت ماسكة فيه زي العيلة الصغيرة,باب اوضتي بيتفتح انا زقيت شيون افتكرته ليتوك, لا دول اصحابي المجانين(نور,مريم,نرمين) بمجرد ما البنات دخلوا انا صوت وجريت عليهم وبقينا نطنطط ونحضن في بعض 6 ايام مشوفناش بعض كفيلة بأنها تعمل كده فينا ,شيون كان بيتفرج علينا وفي ابتسامة حلوة علي وشه تدل علي السعادة

شيون بيفكر:يااااااااااااااه كل ده عشان مشافوش بعض كام يوم ,شكلهم ميوحيش بأنهم اصحاب  اووي  كده ,بجد التلاتة دول رغم انهم بنات عادية الا انهم عارفين يعني ايه صداقة  وانها اغلي حاجة في الدنيا دي ,ياريت يفضلوا كده علي طول

بعد ما حضنا بعض واتكلمنا ورغينا والبنات سلموا علي شيون وماما جابت لشيون فوطة عشان ينشف شعره وهدومه بدل ما ياخد برد ,شيون قعد علي الكنبة اللي في اوضتي وانا والبنات قعدنا علي السرير 

مريم بتضربني في كتفي بكتفها بالراحة وبـ ابتسامة مشرقة وبصوت واطي:شيون بيعمل ايه هنا؟

انا بضحكة هبلة:هقولكوا بعدين؟

نرمين بابتسامة خبيثة:لا دلوقتي

نور بحماس والفضول هينط من عنيها:ايوة دلوقتي يلا قولي                       

انا ببساطة:بيحبني

نور فتحت بوقها:هه,ده اللي هو ازاي يعني؟

نرمين بتحط ايديها علي راسي:ايه الحمي اثرت علي دماغك؟

انا ببوز عيالي:قالي بحبك

نور مسكتني من دراعي:احلفي

انا:والله قالي بحبك

نور بعيون بتلمع:كدابة

انا -__-:اووف بقي,هكدب ليه يعني,نور فوقي بقولك بيحبني

مريم:خلاص بقي اتقفشتي بطلي كدب

انا هزيت راسي بتوعد:طيب

قمت ورحت جنب شيونه:اوبا

شيون حط ايده علي شعري وابتسم ابتسامة دافية:نعم

انا بدلع:قولها تاني

شيون:هي ايه؟

انا ببوز اطفال:الكلمة اللي قولتهالي من شوية

شيون ابتسم ابتسامة تدل علي انه عرف انا عايزة ايه:بحبك

البنات كانوا باصين علينا ومتنحين ,انا طلعتلهم لساني وحضنت شيون,باب اوضتي اتفتح بغباء دخل اللي ما يتسمي وهيشعلقني عن ليتوك اتحدث طبعا,

ليتوك شهق:يخرب بيتك,في البيت

انا زقيت شيون:احم,ده.......ده.......                       (ده هيخرب بيتي)

ليتوك:ايوة ده,ايه اللي بيحصل ده؟

انا:ايه اللي انا شايفه ده؟

نرمين بانشكاحة:ده غزال عمال يتمختر واندهله يتقل اكتر

دونغهي داخل الاوضة وبانشكاحة افظع من بتاعت نرمين وبيصقف وهو بيغني:ويقول كان غيرك اشطر كان ايه اللي رمانا عليك

ليتوك ,شيون, ريووك ,مريم ,نور:O_________________O

شيون بيهز دماغه:حسبي الله ونعم الوكيل,انا ايه اللي خلاني اتهف في عقلي واقولها بحبك

ليتوك:نعم يا اخويا؟؟بتحب مين

شيون بمنتهي البساطة وبيشاور عليا:بحبها هي

ليتوك:لا انا برفض

انا :ملكش الحق

ليتوك بينادي علي ماما:يا خالتوووو

ماما جاية من برا وداخلة الاوضة:ايه يا ليتوك في ايه؟

شيون قام وقف:طنط انا بحب نورهان وعايز اتجوزها؟

انا جلطة ثلاثية الابعاد ,البنات صدمة بتقنية HD

ليتوك بيلطم,ريو ودونغهي الانشكاحة مش مفارقة وشهم

ماما مصدومة وخالتو لما سمعت سيرة الجواز جت نطت في الاوضة

ماما بصدمة وتهتهة:انت بتقول ايه يا ابني؟

شيون شدني ليه:انا بحب نورهان وعايز اتجوزها

ماما فاقت من صدمتهالما لاحظت نظرة الجد في عيون شيون وضحكت:تتجوز مين دي هبلة وعيلة

شيون:بموت فيها

ماما والصدمة بانت اكتر عليها:هتوقعك دايما في مشاكل ملهاش اخر

شيون:بعشقها ومش هستغني عنها مهما حصل

ماما:متعرفش لا تطبخ ولا تروق ولا ليها في شغل البيت

انا باحراج :ماما 

شيون بصلي وضحك:طالما هي معايا مش عايز اي حاجة تاني,طنط لو موافقة انا هجيب اهلي ونيجي نخطبها رسمي,الخميس الجاي كويس

ماما خلاص مبقتش عارفة تقول ايه:تنور يا ابني وانت واهلك

ليتوك بيلطم:لا لا لا انا مش موافق

خالتو ضربته علي دماغه:وانت مالك اصلا

ماما بتبصلي بقرف(دي نظرة الحب بتاعت ماما):كبرتي يا موكوسة

الجو حر عندي اووي يا جدعان انا حاسة بصهد طالع من وشي ,سأنفجر خجلا قريبا              (تبا كم انا خجولة)

ليتوك:بما ان المزغودة دي شافت حالها ولقيت اللي يشرب المقلب ويدبس ,فا انا كمان عايز اتجوز يا امي

خالتو بتضربه في كتفه:وانت مين اللي هترضي بيك يا موكوس؟

ليتوك بص في الارض وحمحم:موجودة هنا

خالتو:هنا,طب استني انا هطلعها بقي                    (انتي هاطلعي عفريت يا حجة)

خالتو راحت ناحية نرمين ومريم نور وفضلت تبصلهم كويس وراحت شادة نور من بينهم :هي دي

ليتوك فاتح عنيه علي اخرهم ورافع حواجبه:عرفتي ازاي

خالتو بتضحك:ابني وتربيتي يعني حفظاك وعارفة ذوقك,بس بسم الله ما شاء الله عرفت تنقي

ليتوك شد نور ناحيته وبص لامه وضحك:زي القمر مش كده؟

امه بابتسامة:عسولة وزي القمر

انا بملل:قمر بالستر

شيوون بصلي بملل وضربني بالراحة علي دماغي

انا ببوز اطفال:انت بتضربني قبل ما نتجوز كمان

شيون تخن صوته:اه عندك مانع

انا بقيت زي الكتكوت المبلول:لا براحتك

ماما بتضحك:اهو جه اللي هيمشيكي علي العجين متلخبطيهوش

خالتو بتبص لنور:بصي بقي يا قمر انتي تحدديلنا معاد مع بابا عشان نيجي نخطبك

نور وهي باصة في الارض ووشها احمر وبصوت واطي:حاضر يا طنط

نرمين بانشكاحة :كده كملت

انا فهمت قصدها:كملت ازاي فاضل انتي وروما عقبالكوا

نرمين راحت لزقت في دراع دونغهي كالعادة وبابتسامة:دودي حدد معاد مع بابا وهيجي يتقدملي بكرة

(فلاش باك) 

نرمين و دوني قاعدين مع بعض في كافيه بيرغوا في اي كلام ملوش لازمة 

نرمين:دودي هظبط الميكاب بتاعي وجاية

دونغهي:ماشي يا حبيبتي 

نرمين خدت شنطتها وقامت ودونغهي قاعد عادي جاي يمسك تليفونه لاحظ ان نرمين سابت الموب بتاعها بص وراه اتاكد انها مشيت وخد تليفونها فتحه وقلب فيه لحد ما لقي رقم متسجل باسم Dady       (عيشي عيشة اهلك)

بغض النظر عن اللي هو شافه 
نقل الرقم علي الموب بتاعه واتصل  
وعند الوالد لقي رقم غريب بيتصل 
رد بخشونة:الو 
دونغهي:الو حضرتك والد نرمين مش كده 
الاب بقلق:ااه خير حصلها حاجة؟؟
دونغهي:لا نرمين كويسة مفيهاش حاجة احب اعرف حضرتك بنفسي انا دونغهي زمي نرمين في الجامعة 
الاب:ااه وانت بقي جبت رقمي منين وايه علاقة نرمين بيك؟
دونغهي:علاقتنا اننا مجرد زمايل وانا معجب بيها وعايز اجي اتقدملها 
الاب اتنهد: وايه اللي يثبتلي انك مش عيل وبتهزر 
دونغهي:نرمين ممكن تكلم حضرتك وتفهمك كل حاجة ,نقول التلات الجاي كويس 
الاب بحيرة:مبدئياً ماشي بس استني اما اكد عليك بعد ما اتكلم معاها 
دونغهي ابتسم:تمام هستني من حضرتك الرد 
نهاية المكالمة 
نرمين جاية لقت دونغهي بيشيل الموب من علي ودنه 
نرمين قعدت وباستغراب:بتكلم مين؟؟
دونغهي:ولا حد
نرمين بشك:لا كنت بتكلم حد هات تليفونك 
دونغهي:يا بنتي كنت بكلم صاحبي 
نرمين باصرار:بردو هات تليفونك
دونغهي:لا 
نرمين خدت شنطتها وقامت:طب بعد اذنك 
دونغهي قام وراها ولحقها وهي خارجة من باب الكافيه:يا بنتي استني اهدي وتعالي ندخل وانا هفهمك 
نرمين :لا مش هدخل,افهم مرضتش تديني تليفونك ليه؟؟
دونغهي:لاني قلتلك كنت بكلم مين زم تثقي فيا 
نرمين:انا واثقة فيك بس مش واثقة في شوشو اكيد كنت بتكلم بنت صح 
دونغهي ضحك:بنت؟؟اعقلي يا بنتي وتعالي بنت ايه بس 
نرمين زقت ايده:مش هاجي انا مروحة 
دونغهي اتنهد بقلة صبر:بطلي جنان يا نرمين 
نرمين راحت توقف تاكسي :مش هبطل 
دونغهي:طيب براحتك 
دخل حاسب وسابها ومشي ونرمين روحت البيت ودخلت اوضتها قعدت تعيط معتقدة ان دونغهي كان بيكلم بنت

هديت شوية وقامت تغسل وشها باباها كان رجع دخل قعد وندالها وجت قعدت جنبه 
الاب ابتسم:انتي ليكي زميل في الجامعة اسمه دونكي؟؟
نرمين:دونغهي يا بابا 
الاب:مش هتفرق هو كلمني النهاردة الصبح وقالي انه عايز يجي يخطبك ,انتي ايه رايك؟؟
نرمين بصدمة:ايه بتكلم بجد؟؟كلمك امتي؟؟
الاب:النهاردة كانت الساعة 11 تقريباً
نرمين ابتسمت اوووي وفرحت ان دونغهي هيجي يتقدملها وفي نفس الوقت زعلت لانها ظلمته 
نرمين هزت راسها ااه ووشها فشر الطماطم:موافقة 
الاب ضحك:علي خيرة الله هكلمه واحدد معاه معاد 
نرمين قامت دخلت اوضتها واتصلت بيه مردش بعتتله رسالة"اسفة" بردو مردش قامت بعتاله رسالة تاني"بطل رخامة ورد انت عارف اني عملت كده عشان بحبك وبعدين انت غلطان زاي تقولي براحتك وتسبني امشي كان المفروض تفهمني,خلاص بقي انا اسفة متزعلش"دونغهي قرا الرسالة قام ضاحك علي هبلها ورد عليها برسالة"الحج اتصل وحدد معايا معاد هجيلكوا يوم التلات البسي حاجة عدلة ها لو لبستي حاجة عريانة هعلقك .. بحبك"
نرمين قرت الرسالة وفضلت تتنطط من الفرحة وافسدت فرحتها الاخت نور دخلت عليها الاوضة من غير ام ولا دستور 
نور باستغراب:بتتنططي ليه يا هبلة؟؟
نرمين اتعدلت :ولا حاجة ايه اللي جابك؟؟
نور قفلت الباب:دي بدل اهلا وسهلا 
نرمين :انجز 
نور:انجري البسي هدومك هنروح للبت نورا 
نرمين:دلوقتي 
نور:لا هتلبسي دلوقتي و نورح بعد بكرة
نرمين -_- :طيب رايحة اهو 
عودة من الفلاش باك

انا:ايه ده من ورايا كده؟

نرمين:يعني هو احنا كنا بنشوفك

انا ببص لمريم:وانتي يا روما؟

مريم بترفع ايديها اليمين عشان توريني الدبلة:روما اتخطبت بالفعل من يومين

انا باستغراب:ومين سعيد الحظ؟

ريووك بانشكاحة ^_^ :انا
فلاش باك تاني 
بعد ما ريووك اعترف بحبه وطلب الجواز من مريم في وقت واحد والبت يا عيني راحت انعاش ,بعديها بيومين مريم كانت متشيكة ولابسة بناتي خالص

 والواد هيغمي عليه اما يشوفها وأثناء ما كانت بتعمل اللمسات الاخيرة في المكياج بتاعها كان ريووك ومامته وصلوا 

مريم واقفة في المطبخ بتتصنت 
ريوو:انا يجرسني .. احم يشرفني اطلب ايد الانسة مريم 
الاب:موافق 
ريووك باستغراب:بالسرعة دي,طب لا معلش انا عايز قهوة لتكون معيوبة ولا حاجة
مريم :كده يا ووكي طب والله لاوريك 
الاب:يا مريم اعملي قهوة لجوزك    (ايه الراجل ده)
ريووك:يا عم حيلك احنا لسه قرينا فاتحة بتدبسني يعني 
مريم عملت قهوة وحطيت فيها 3 معلاق ملح ومعلقتين خل وواحدة شطة و4 بن وعملتله احلي دقة وخرجت بالقهوة حطتها قدامه 
مريم بتتصنع الكسوف وهي باصة لريووك بشر:اتفضل 
ريووك فك بوقه وقع منه وهمسلها:ايه الحلاوة دي؟؟
مريم بهمس:اخويا قاعد 
ريووك:اذا كان ابوكي بيقول جوزها يبقي اخوكي هيتكلم ده انتوا عيلة واقعة
ام ريووك قعدت مريم جنبها وقعدوا يرغوا 
ريووك خد شفطة من القهوة قام تاففها
مريم :ايه يا حبيبي مش عجباك؟؟
ريووك وشه احمر وصوته مخنوق:لا يا حبيبتي جميلة تسلم ايدك,نقرا الفاتحة بقي قبل ما اموت
الاب:ولا الضالين امين,مبروك الجواز 
ريووك لبس مريم الدبلة وباس ايديها والبت يا عيني اصفرت واخضرت واحمرت 

انا بانشكاحة:مبرووك
مريم:الله يبارك فيكي

ماما وخالتو خرجوا من الاوضة وباب الاوضة اتقفل مريم وريو كانوا واقفين في زاوية ضيقة حلوة كده

نرمين ودونفهي كانوا قاعدين علي الكراسي بتاعت المكتب

نور وليتوك علي الكنبة

انا وشيون عند الشباك                               (بنحب الطراوة ^_^ )

ليتوك بيبص لنور ومفيش بينهم سنتيمتر واحد:بحبك

نور محستش بحاجة غير بانفاسه السخنة اللي بتخبط في وشها وبدات تختلط بانفاسها وبلمسة شفايفه اللي لزقت في شفايفها

ريو مستناش لما يقولها بحبك او يسبل حتي قرب منها ببطئ ولمس شفايفها وبدأ يبوسها بلهفة وكأنه كان مستني اللحظة دي من زمان

دونغهي كان تقريبا حاضن نرمين وعايز يعمل كده لكن متردد 

شوية

نرمين:ما تخلص بقي يا اخ زمايلك شغالين الله ينور

دونغهي بعد وباستغراب:يا اخ والله ينور

نرمين:احيه ده لسه هيستغرب يا ابني انجز المفروض ابقي في 

البيت الساعة 6

دونغهي:حسبي الله ونعم الوكيل

شيون كان بيبصلي اووي وكان بيتأمل عينا انا كنت باصة في الارض هموت من الكسوف وبصراحة كان نفسي ازقه واقوله بطل تبص في عنيا معرفش احنا فضلنا كده قد ايه مدرتش بأي حاجة حوليا غير وهو بيرفع وشي وبيلمس شفايفي وفاجئني ببوسة جريئة وكالعادة خدني وسافرنا عالم تاني

(اوضتي بقت مبوسة احيييه يا ابو سوسو احيه) وفي تلك اللحظة الفظيعة المليئة بالمشاعر باب اوضتي يتفتح وامي خالتو بحنيتهم الفظيعة جايبين كيكة وشاي بلبن عشان الجو برد (مش عارفة انا الكيكة والشاي بلبن دول مش بيخلصوا من بيتنا من اول القصة ملازميني) طششش الصواني وقعت الكوبايات اتكسرت بعد ما امي وخالتو شافوا المنظر ده