♡ أسرتُ من نظرة ♡ Part 1

الصداقة عمري ما عرفت معني الكلمة دي كنت فاكرة ان الصداقة هي اتنين اصحاب بيقعدوا مع بعض شوية يخرجوا يتفسحوا يتكلموا مع بعض لكن عمري ما فهمت ان الصداقة الحقيقة ان يكون عندك اخت مجبتهاش مامتك عرفت معناها الحقيقي لما قابلتها نور ايوة نور هي اعز اصحابي تركيبة غريبة من الجنون الحب والنشاط لما نور بتمشي ناحيتي بحس انها بتشع حب زي الشمس كده بالظبط ,مريم ونور ونرمين شلة المجانين بتاعتي بجد بعشقهم هما دول اللي عرفوني يعني ايهصديقة بنكهة الاخت مش هقدر اتخيل حياتي من غيرهم وخصوصا نور لو كانوا مدخلوش حياتي بجد مكنتش هعرف اعمل ايه من غيرهم,اما الحب فا ليه حكاية تانية معايا لان انا مش مؤمنة بحاجة اسمها راجل شايفة انهم كائنات لزجة بتخلي حياة البنت فاشلة ده كان مفهمومي عن الحب لحد ما قابلته من نظرة واحدة بقيت اسيرة ليه بحب كل حاجة فيه مشيته نظرته ضحكته طريقة كلامه تسريحة شعره بعشق تفاصيله هييييييييييييييييح يخرب بيت الحب وسنينه ,اااااااااااااه لا بجد يخرب بيت غبائي الكلام اخدني ونسيت اعرفكم بنفسي انا نورهان بطلة القصة الجديدة ^_^

في صباح يوم مشرق هو مش مشرق اووي يعني لكن ما علينا انا نايمة بهدوء وشكلي زي الملايكة (انا بكدب طبعا ^_^ ) صحيت علي صوت مزعج صحاني من حلم جميييييل اووي اجل يا سادة انه هاتفي الغبي واللي بتتصل هي نور

انا بصوت محشرج:يخرب بيت اهلك علي الصبح, عايزة ايه؟

نور بصوتها الرقيق المعتاد:يا روح خالتك انتي لسه نايمة يا حتة حيوانة هنتأخر علي الجامعة

انا لسه هرد الاقي صوت خرم ودني ايوة دي مريم

مريم بمنتهي العصبية وبصوتها العالي:يا نورهان اصحي بقي هنتأخر

انا اتنفضت من علي السرير:خلاص صحيت ,انتوا فين؟

نور بهدوء تام:تحت بيتك يختي

انا بصوت نعسان:طيب اطلعوا

نور:شكرا لعطفك وكرم اخلاقك,ابقي اطلع وملقكيش لبستي وشوفي انا هعمل ايه

قفلت في وشي السكة

نهاية المكالمة

قمت دخلت الحمام وبصيت لنفسي في المراية واترسمت ابتسامة علي وشي تدل علي الحب والدفئ غسلت وشي وسناني ولسه هطلع هدومي سمعت الباب بيخبط فتحت باب اوضتي وخرجت لقيت ماما بترحب بنور ومريم

ماما بترحاب:اهلا يا حبايبي اتفضلوا

انا في سري:انما ما بتعملها معايا دي لما بتفتح وتلاقيني بتروح قافلة الباب في وشي تاني

ماما بنفس طريقة الترحاب:اتفضلوا اقعدوا الزفتة لسه نايمة هصحيها وجاية علي طول 

نور بكسوف(قال يعني البت مؤدبة):لا يا طنط ما انا اتصلت بيها وهي صحيت خلاص تلاقيها بتلبس

انا فعلا قفلت الباب وروحت البس هدومي وسرحت شعري اخدت كتبي وشنطتي تليفوني وخرجت

ملقتش ماما لقيت مريم ونور قاعدين وماما جابتلهم كيك وشاي بلبن عشان يفطروا

مريم بتريقة:ما لسه بدري يا حلوة

نور وهي بتبصلي بأعجاب:يخرب بيتك ايه يا موزة الحلاوة دي,ده عشان........

ولسه هتكمل جريت عليها وحطيت ايدي علي بوقها كتمتها عشان امي متسمعش

مريم بقرف:موزة يعععععع

نور زقت ايدي:لا مؤاخذة,ما اخدتش بالي

انا:يلا ولا ايه بقي؟

نور بضحكة شريرة:وحياة امك هو عشان اللي في بالي

انا بصوت يكاد يتسمع:اتلمي بقي

ولسه بفتح الباب لقيت كائن لزج راح ناطط قدمنا وسند بكتفه علي الباب

انا حاطة ايدي علي قلبي:يخرب بيت شكلك خضتني يا زفت

ليتوك:ما تحترمي نفسك بقي مش قدام المزز,بس ايه الشياكة دي يا صاروخ؟

متفهموش غلط انا وليتوك مش بنحب بعض مطلقا خالص نيفر مفيش مجال اصلا

(ليتوك هو ابن خالتي المنحوس اكبر مني بكام شهر انا وهو اتربينا مع بعض بس زي اللي مولدين فوق راس بعض ورغم ذلك واالاخوة والحب اللي بينا ميتوصفش بالكلمات اه ليتوك كمان اخويا في الرضاعة هو وحيد امه وانا فقريةامي(وحيدة امي برضو) )

مريم بقرف:اعع وربنا هرجع

ليتوك:افندم

مريم بصتله بقرف:ولا حاجة

ملحوظة (مريم بتكره كلمة موزة جدااا واحنا لما بنحب نرخم عليها بنقولها يا موزة)

ليتوك بانشكاحة وهو باصص لنور:صباحو قشطة وعسل

نور بصت في الارض ووشها بقي احمر:صباح الخير

انا حاطة ايدي علي بوقي وبصة للاتنين بذهول:يا حنين انما ما صبحت عليا حتي

ليتوك :عارفة طريق الجامعة صح؟

انا:اه طبعا,ايه السؤال الغبي ده؟

ليتوك:بطلي لماضة وطولة لسان

ليتوك بص حواليه زي اللي بيسرقوا وراح بايسني في خدي بعد كده بعد وغمزلي:هاخدها بقي

انا بعصبية: لا طبعا انت اتجننت

ليتوك وهو بيشد نور من ايديها: ليكي شكولاتة عندي بس امي وامك ميعرفوش

انا:لا بردو

ليتوك قرب من ودني واتكلم بصوت واطي انا والبنات بس اللي نسمعه :طيب علي فكرة انا عارف انك معجبة بيه وانك في قمة الشياكة دي عشانه ,تحبي اعلي صوتي واسمع الوالدة (بصوت عالي)يا خالتو ازيك يا خالتو

انا وعنيا اتفتحت علي اخرهم:انت عرفت ازاي؟

ليتوك وهو بيعدل هدومه وبيتكلم بثقة:مصادر خاصة,شكولاتة وتلمي الدور ولا اقول لامك

بصيت لنور بنظرة المحقق كونان:خاصة؟؟بعتيني بكام يا واطية؟؟

نور حاطة وشها في الارض زي المذنبين:والنبي يا اوختي غصب عني

ليتوك:باعتك ببوسة مشبك

نور برات:توكي

ليتوك بصوت عالي:شكلي كده هقول لامك يا خالتوووو

انا حطيت ايدي علي بوقه وخرجت بيه بره الشقة:خلاص خلاص اتلم بقي

ليتوك:يبقي واحدة جلاكسي ونلم الدور بقي

وشد نور من ايدها وخدها ومشي وانا واقفة مذبهلة في مكاني ولقيت الكف اللي نزل علي دماغي

مريم بعصبيتها المعهودة:يلا بقي

وراحت قافلة باب الشقة واخدتني من قفايا وتوجهنا الي المترو عشان نتنيل نروح للجامعة وانا كنت قاعدة في المترو سرحانة تماما ومش شايفة قدامي لدرجة ان مريم كانت مستغربة مني وان دي مش طبيعتي ومفوقتش غير ومريم عمالة تهز فيا عشان تقولي ان احنا نازلين المحطة الجاية نزلت وكنت لسه سرحانة وعيني وقعت علي اسم المحطة دي مش المحطة بتاعت الجامعة

انا وكأني بحاول افتكر حاجة:مريم هو مش........

مريم قاطعتني:مش احنا اتكلمنا امبارح وقلنا لنرمين اننا هنستناها في المحطة دي,فوقي بقي شوية

انا هرشت في شعري:ااه صح

نرمين دخلت علينا وهي بتتكلم في التليفون وبتضحك

نرمين بسهوكة ودلع بيفقع مرارتي:ايوة يا حبيبي انا خلاص قابلت البنات اهو متخافش مش هتأخر وانت كمان وحشتني اوووي طيب يلا سلام يا دودي

انا بعصبية:دودي,هو ده اللي اخرتينا عشانه؟

نرمين:اتلمي يا بت ولا انتي غيرانة

انا بقرف:لا وهغير ليه,يلا بدل ما نطرد من المحاضرة هي مش ناقصة

نرمين بمشاكسة:بس انتي النهاردة ايه طلقة ,كده الواد هيقع علي بوزه ومش هيلاقي اللي يقومه

انا ورافعة ايدي للسما:يارب يختي يسمع من بوقك ربنا

مريم وهي بتزقنا عشان نركب المترو:يلا بقي قرفتوني ده انتوا عيال خنيقة

انا:مش فاهمة ايه اللي مصبرني علي مزاج امك اللي يعكر الدم ده

مريم بثقة:لانك متقدريش تستغني عني طبعا

انا -_- :يعجبني فيكي تواضعك

وركبنا المترو واحنا بمجرد ما ركبنا المترو هاتك يا ضحك ويا هزار قلبنا العربية ونظرات الناس لينا كانت بتقول انزلوا بقي وريحونا واخيرا جت محطتنا ونزلنا انا والجزم اصحابي وتوجهنا الي الجامعة وقابلت اللي ما يتسمي علي الباب(عن ليتوك اتحدث)وشفته الغندورة معاه وهما الاتنين ماسكين ايد بعض وعمالين يضحكوا ويهزروا 

بصراحة حسيت اني غيرانة شوية ودمي اتحرق  نور بصت لـ ليتوك وكأنها بتودعه وجت وقفت جنبي ومشينا دخلنا الجامعة وليتوك ماشي ورانا زي المراقب وشفت حاجة خلتني اتمسمر في مكاني ومقدرتش اتحرك خطوة واحدة شفته مع بنت بيهزر ويضحك لا وحضنها كمان

 

 تقريبا البنت دي حبيبته معرفش انا بشوفه معاها علي طول دموعي خانتني ونزلت دمعة منهم علي خدي ليتوك انتبه للموقف وشدني من دراعي واخدني في مكان فاضي ووقفنا لوحدنا وانا مقدرتش امسك نفسي وبدأت اعيط جامد بعد كده اترميت في حضن ليتوك وبقيت ماسكة في هدومه زي العيلة الصغيرة

ليتوك بملامح جدية وصوت خشن:روحي قوليلوه

انا كنت لسه في حضنه وبيعيط:مش المفروض ان انا اللي اخد الخطوة الاولي

ليتوك بعصبية وبنرفزة:يبقي خلاص متعيطيش زي العيال كده وتتمسكي بيه والا هروح اجيبهولك من قفاه واخليه يقولك بحبك وبموت فيكي

انا بعدت عنه شوية وضحكت اه ما كل ده انا كنت لسه في حضنه :انت بجد جنون

ليتوك ابتسم ومد ايده في جيبه وطلع الشكولاتة اللي قالي هجبهالك

ليتوك بيدهالي وكأنه مستخصرها فيا:خدي علي الله يطمر

انا شدتها من ايده بفرح وفتحتها وبدات اكلها زي الاطفال

انا بوش كيوت وطفولي:تاخد حتة؟

ليتوك:لا مش بحبها,بالهنا والشفا(اول مرة يقولي كلمة عدلة)

نور:يا حنين

ليتوك زقني بعيد عنه وبص لنور واتوتر

انا :اه ايه ليتوك الغباء ده؟

ليتوك بابتسامة هبلة:نور انتي هنا من امتي يا حبيبتي؟

نور:من ساعة ما اترمت في حضنك

ليتوك مشي ناحية نور وحط ايده علي كتفها وبنفس الابتسامة الهبلة:دي نورهان

نور وهي مربعة ايديها وبملل:حد قالك عرفني عليها؟

انا :ايه الاوفر ده هي قفشتك مع بت في المقطم

ليتوك جري ناحيتي وحط ايده علي بوقي وبيتكلم من بين سنانه:يخرب بيت لسان امك اسكتي

واذا فجأتن يدخل علينا خمس اشخاص بنتين و3 مزز اقصد 3 شباب وطبعا مش محتاجة اقول ان البنتين هما نرمين ومريم والمزز اللي هما الشباب يعني دول دونغهي وشيون وريووك

ريووك بابتسامة مشرقة:ازيك يا نورهان,حلو الاستايل ده علي فكرة(غمزلي)

انا بابتسامة كسوف:انا كويسة الحمدلله,شكرا

دونغهي بقي جه ناحيتي وبصلي وتفحصني من شعري لحد رجلي وراح ماسك ايدي ولففني :ايه يا موزة ده,الشرع محلل اربعة صح؟

شيون لما سمع كلام دونغهي بصله وكأنه هياكله

نرمين وبوقها مفتوح من الصدمة وبصوت مسرسعا:احم احم,ايه يا دودي اللي انت بتقوله ده(قصدها علي دونغهي بس هي بدلعه باسم سخيف زيها)

ليتوك بص لدونغهي بنظرة حادة:اتلم يا حيوان

دونغهي راح ناحية ليتوك وشيون :خلاص ياعم براحة انا عندي الجيرل فريند بتاعتي خلي نورهان لشيون

وراح زاقق شيون عليا انا لزقت في الحيطة وشيون فوقي مباشرة