ملاكى نحس الانحاس المنحوس البارت الاول

                                                          

فى صباح عثلية منحوس تستيقظ غادة

غادة مين سؤال وجيه الصراحة 

غادة هى فتاة فى العشرون من عمرها جميلة نشيطة من معجبى الكى بوب والفية حلمها السفر الى كوريا لديها مشكلة من الممكن ان تصبح وش الخير عليها او ............. هذا ما سنعرفه فى احداث الرواية

والدة غادة تفتح باب غرفة غادة
والدة غادة وهى بتعيط :انتى صحيتى يا حبيبتى
غادة:اوما حصل حاجة بتعيطى ليه
والدة غادة: مش عايزاكى تزعلى نفسك يا حبيبتى
غادة:اوما قلقتينى فى ايه بجد
والدة غادة:خطيبك فسخ الخطوبة وبعت كل حاجة
غادة قامت فكت شعرهها وشغلت روك ستار وقعدت ترقص وتتنطط : هيييييييييييييييه لووووووولى يا ما انت كريم يارب هم وانزاح و I`M ROCK STAR ايوة بقى i`M ROCK STAR STAR STAR
والدة غادة: يالهوى عليا البت اللى حيلتى راحت منى يا ناس
غادة: متزعليش نفسك يا اوما ده كان رخم رخامة وقال ايه كان عايزنى ابطل احب السوجو وبطتى كان نفسى يبص مرة فى المراية يلا داهية تجحمه مطرح ما راح و I`M ROCK STAR 

 والدة غادة : يالهوى عليا بنتى اتجننت يا حبيبتى متعمليش فى روحك كدة
غادة: اوما انتى مفكرانى متضايقة وكدة ابسلوتلى انا فلة شمعة منورة كدة
والدة غادة: انتى هتموتينى ناقصة عمر انتى بتعرفى تعدى ولالا دى المرة العاشرة اللى تتفسخ خطوبتك فيها ومن غير سبب يا بنتى انا كبرت وعايزة اطمن عليكى بقى انا تعبت ومش هقف اتفرج عليكى وانتى بتضيعى حياتك على العيال اللى شبه بعضها دى
غادة: اوما انتى مش كنتى رايحة المطبخ روحى يا حبيبتى بدل ما انط من الشباك قال شبه بعض قال هتموتينى ناقصة عمر يا ولية
والدة غادة: ولية يا تربية واتشية
غادة: هيهيهي بهزر معاكى يا حاجة يلا بقى انا جعانة اوى اوى النهاردة كان سادد نفسى ربنا يسد نفسه
اعطتها والدتها قلبة وتركتها قليلا وخرجت غادة وجدت والدتها قد حضرت كل الاكلات التى تحبها غادة تناولا الافطار وقليلا وطرق الباب
والدة غادة: افتحى الباب يا غادة
غادة: اراسو اوما
فتحت غادة الباب وصويت وجريت: اوما اوماااااااااا الحقينى

والدة غادة : فى ايه يا بت
غادة: عفريتة او عفريت على الباب
والدة غادة: وبيستأذن قبل ما يخش يا اختى هو فين العفريت المؤدب ده
غادة راحت استخبت ورا امها وماسكة فى هدومها :ما تروحيلهاش هتاكلك وتحلى بيا
والدة غادة شالت ايديها : اوعى يا بت لما اشوف فى ايه
ذهبت والدة غادة وغادة وراها
والدة غادة: اهلا وسهلا اتفضلى معلش البنت دماغها ضاربة
دخلت واحدة شكلها غريب عجيب 

غادة باستغراب : مين دى
والدة غادة: دى اللى هتفك العمل النحس اللى معمولك
غادة: اوما انتى بتصدقى الخرافات دى
الست: اقعدى بس يا حبيبتى انا لا هاخد منك لا ابيض ولا اسود
غادة: عليا انا برضو يا حاجة
والدة غادة: اقعدى يا غادة وانتى ساكتة
قعدت غادة: وادى قاعدة لما نشوف اخرتها يلا يا حاجة طلعى عفاريتك ولا هتقريلى الفنجان و الكف
الست بطريقة مرعبة: هتبصى فى عنيا ربع ساعة من غير ما يغمضلك رمش لو رمشتى هنعيد تانى
غادة: نعم ده ازاى ده
الست : حاولى والا هنفضل نعيد كل شوية
مرة واتنين وتلاتة واخيرا قدرت غادة تبص فى عنيها من غير ما ترمش
الست بصت لغادة بنظرة مرعبة وبدأت تكلم امها : عمل ربطك بواحد بتحبيه ولا يمكن حد هيكمل معاكى طول ما انتى مربوطة بيه
والدة غادة بصتلها بنظرات شك : حد بتحبه ؟ !!!
غادة: جرى ايه يا حاجة ما انتى عارفة انى مبحبش غير بطتى
والدة غادة: استهبلى استهبلى اكيد مش مربوطة بواحد عمره ما شافك
الست : لو مفيش حد بجد فى حياتها وهو ده الشخص الوحيد اعتقد انه هو
غادة : يا صلاة العيد انا مربوطة بالعثل والثكر ده يا ناث
والدة غادة : يعنى ايه انا بنتى هتفضل تحب فى واحد عمرها ما هتشوفه وهتقعد جنبى كدة طول عمرها
غادة:  انتى زهقتى منى يا ولية ولا ايه
الست : فى حل
غادة فى سرها : يخربيت رخامة بنت خالة ابوكى يا شيخة
والدة غادة : قولى بسرعة هعملها اى حاجة
الست : اللى عمل العمل ده واثق انه مستحيل هيتفك لانها عمرها ما هتشوفه بس لو شافته كل حاجة هتتحل
والدة غادة: ده على اساس انها ما بتشوفهوش ده لازقة طول النهار قدامه
الست : مش فاهمة حاجة
والدة غادة : ده مغنى ولا معرفش شغلته ايه صينى
غادة: صينى مين يا حاجة صلى على النبى ده كورى
والدة غادة : اتنيلى كلهم شبه بعض
غادة:
الست : فهمت عشان المشكلة دى تتحل لازم تشوفيه 20 يوم على الحقيقة وبعد ال 20 يوم لازم تختفى من حياته لان لو كملتى بعدهم امممم مش لازم تعرفى بس انا حذرتك وعملت اللى عليا
غادة: ههههههههه والمطلوب منى اصدق التخاريف دى انتى شاربة ايه يا طنط
قامت غادة متجاهلها وهتدخل اوضتها
الست: هيخسر كل حاجة ومش بعيد حياته
غادة اتثمرت فى مكانها و بعصبية شديدة: اطلعى برة
والدة غادة: غادة اهدى يا بنتى
غادة وهى بتعيط : اهدى انتى مش شايفة بتقول ايه
والدة غادة قامت تتطبط عليها : معلش يا حبيبة اوما انا حقك عليا انا عايزة افرح بيكى يا بنتى انا مش هعيشلك علطول
غادة حضنت امها : متقوليش كدة بقى حرام عليكى
والدة غادة : خلاص يا حبيبتى نسمع الكلام وتروحى تشوفيه اتحلت المشكلة كان بها متحلتش خلاص يبقى حققى حلمك مش كان نفسك تشوفيه
غادة: اوما تيوكى اوبا ده كورى من كوريا ها مش من كفر الشيخ هشوفه فين
والدة غادة: تسافريله بسيطة اوى
غادة: انا مش مستوعبة حاجة يعنى انتى هتسبينى اروح كوريا عادى
والدة غادة: اه وماله يا اختى مش عيب
غادة غادة قعدت تتنطط :رايحة فين يا بت
غادةك هحضر شنطتى واتصل بالعويال اغيظهم
والدة غادة قعدت تضرب كف على كف من المجنونة اللى خلفتها
الست : متنسوش اللى حذرتكوا منه 20 يوم وترجع بنتك خطر عليه
غادة خرجت من اوضتها وراحت فتحت باب الشقة : لو شوفت خلقتك هنا تانى مش هيحصلك كويس برة
والدة غادة: غاااااادة انا اسفة اصلها مهوووسة
الست برعب: سيبيها لما يعدوا عليها ال 20 يوم ومترجعش شوفى هيحصل ايه
خرجت الست وغادة رزعت الباب ودخلت على اوضتها قعدت تعيط والدتها دخلت حضنتها وقعدت تمسح دموعها
والدة غادة : خلاص يا حبيبتى متزعليش نفسك حقك عليا انا بصى نسمع كلامها اضمن و احجزلك تذكرة ذهاب وعوردة بعد 20 يوم
غادة وهى منهارة: انتى بتصدقى اللى بتقوله ده دى كلها تخاريف
والدة غادة : يا حبيبتى الناس كلها بتشكر فيها معلش نسمع كلامها يمكن تصيب المرة دى انا تعبت يا بنتى
غادة: خلاص اللى تشوفيه
والدة غادة : يلا حضرى نفسك بقى وانا هضبطلك ورقك
غادة ادتها بوبو : اراسو اوما
يومين وورق غادة جهز والسفر بعد يومين راحت عاملة اجتماع طارئ وجمعت البنت كلهم على الاسكايب عشان تصدمهم وبعد الهزار والسلامات وكل واحدة قالت اللى فى نفسها وغادة مش عارفة تقولهم من كتر الرغى
غادة انفجرت فيهم : بسسسسسسسس الىل هتفتح بوقها هضربها بالشبشب
كله اتكتم طبعا
غادة حكتلهم على كل اللى حصل من طقطق لسلامو عليكو : هيتيجوا توصلونى الطار طبعا يا بابو منك ليها
رد فعل البنات
رنا : انا جعانة  طابخين ايه النهاردة ؟
صابرين 1: اهئئئئئ عايزة دونغهى حد يجيبلى دونغهى
جهاد: الولية دى بتضرب حاجات غربية يا جدع
منة: سيبكوا من الهبل ده انت ياض فين البارت الجديد
نور: الله هو جومى احلو كدة ليه مكنش كدة لما اتنيلت حبيته
جيجى: يالهوى على الايس كريمو شوفته اعلان كنتاكى بتاع حوبيكا
صابرين 2 : بنات شوفته سيون وهو بيصبح عليا هيييييييح
عبير : ده بيقول صباح الخير ايها العالم ها العالم اولها عين اكيد قصدنى انا
شيرين: بتتخانقوا على ايه دى تحديثة واحدة شوفه حبيبى يويو يصبح عليا فى كل مواقع التواصل الاجتماعى
اسوم: انا هروح انام احسن
لميس: انا هروح انشرلى خبرين للسوجو ينفعونى
رحمة جاتلها هيستريا ضحك كالعادة : هى البت ولاء راحت فين ولااااااء يا ولااااااء
ولاء : كلكوا معندكوش دم على فكرة
غادة لما صدقت فى حد عبرها يا عينى : ويلولتى هى الوحيدة اللى حست بيا فيكوا يا بجر صعيدى
ولاء : اوما اهئئئئئ كيوبم
غادة قلعت شبشبها وقامت رازعة الكمبيوتر شبشبين منطقش تانى بعدها
البنات استوعبوا اخيرا الصدمة وكل واحدة كلمت غادة واتأكدت ان الموضوع بجد مش هزار واتفقوا هيتجمعوا كلهم فى المطار عشان يوصلوها ويودعوها قبل ما تسافر
وبعد يومين فى المطار البنات كلهم متعلقين فى رقبة غادة وعمالين يعيطوا
والدة غادة : يا عيال سيبوا البت هتفطس فى ايديكوا قبل ما تسافر
غادة : اوما سيبيهم هيوحشونى اوى
والدة غادة : ياكش تولعوا كلكوا انا مالى المهم تنفذى اللى قلنا عليه
غادة : اراسو اوما سيبوا رقبتى يا بت منك ليها تعبت مش هوصيكوا على بعض بقى عالله اسمع شكوى من حد فيكوا الشبشب جاهز
البنات: اجررررررى يا مجدى
وبدأوا البنات يطلبوا من غادة الحاجات اللى هتوصلها للسوجو بالنيابة عنهم
الالفيش ( رنا *صابرين*رحمة*منة) عدد واحد حوض سمك ملون - عدد واحد حوض سمك ابيض واسود- 2 كيلو الا ربع سمك مشوى- ربع كيلو سمك مقلى  (عيال معفنة اوى يا خال)

الشيونست ( صابرين* عبير) بعتوا كلبات لبوقسى ولوست ( عايزين يفرحوا بعيالهم )

الجويلز (لميس) بعتت قرد معاه كرتونة حليب بالفراولة يتسلى فيها طول الطريق

الكلاودز (جهاد-شيرين) بعتوا سلحفتين لسلحفته ( هيبقى الحاج متولى وكله بما يرضى الله )

الميتانج ( نور) بعتت كشاف نور لجومى يحدث بيه بدل ما يحدث بصوره ويعميها الفولت الزيادة اللى عنده 

السترينج (انجى) بعتت فراخ كنتاكى حجم عائلى لموشى مع سبرايت 2 ليتر ونص 

السنويرز(ولاء) بعتت بوتجاز 15 شعلة يمكن يسيح تلج الديب فريزر 

الانجلز(غادة) : جتكوا نيلة فيكوا وفى حاجاتكوا انا خدت حاجة مصرية اصيلة لبطتى 

البنات فى نفس واحد : بطة
غادة: على اساس كوريا مفيهاش بط لا تشبعا ازاى اخد بطة لبطة انا اخدت زلعة مش انا اللى عملتها
البنات لما سمعوا بموضوع الزلعة ده اتقسموا نصين النص الاول شاف ان ان ليتوك هيرحلها على مصر ويستدعى السفير والتانى شاف انه هيكسرها على دماغها وهنعرف بعدين بقى الفريق الرابح لما توصل بيها بالسلامة
جه وقت اقلاع الطيارة وبدات تودعهم وتحضن واحدة واحدة لحد ما السواق بتاع الطيارة نزل بنفسه خد غادة بشنطها بحيوانتها بزلعتها وسحبها من ايديها على الطيارة ( اصل الطايرة مش هتتطلع ناقصة نفر )
ساعات ووصلت غادة كوريا بالسلامة وراحت الفندق  وطمنت والدتها والبنات عليها
وبدأت تحط خطة ال20 يوم اللى هتبدأ من يوم 29/7 يوم خروج ليتوك من الجيش قررت تروح مع الفان تستقبله ويكون اول يوم ليها فى ال20
ايه اللى هيحصل فى اليوم الاول اللى هيكون بعنوان ملاكى سيسانغ هنعرفه فى البارت القادم
بس مش هيبقى فيه بارت قادم لو مش عجبتكوا ياريت رأيكوا بصراحة عن البداية ومش هزعل اكيد هزعل اكتر لو جاملتونى لانى مش واثقة منها اوى